Utshovসর্গ 5
5.1
ঋশ্যমূকাৎ তু হনুমান্ গত্বা তম্ মলয়ম্ গিরিম্ ।
আচচক্ষে তদা বীরৌ কপি রাজায় রাঘবৌ ॥৪-৫-১॥
5.2
অয়ম্ রামো মহাপ্রাজ্ঞ সংপ্রাপ্তো দৃঢ বিক্রমঃ ।
লক্ষ্মণেন সহ ভ্রাত্রা রামোঽয়ম্ সত্য বিক্রমঃ ॥৪-৫-২॥
5.3
ইক্ষ্বাকূণাম্ কুলে জাতো রামো দশরথাত্মজঃ ।
ধর্মে নিগদিতঃ চ এব পিতুর্ নির্দেশ কারকঃ ॥৪-৫-৩॥
5.4
রাজসূয় অশ্বমেধৈঃ চ বহ্নিঃ যেন অভিতর্পিতঃ ।
দক্ষিণাঃ চ তথা উত্সৃষ্টা গাবঃ শত সহস্রশঃ ॥৪-৫-৪॥
5.5
তপসা সত্য বাক্যেন বসুধা যেন পালিতা ।
স্ত্রী হেতোঃ তস্য পুত্রোঽয়ম্ রামঃ অরণয়ম্ সমাগতঃ ॥৪-৫-৫॥
5.6
তস্য অস্য বসতো অরণ্যে নিয়তস্য মহাত্মনঃ ।
রাবণেন হৃতা ভার্যা স ত্বাম্ শরণম্ আগতঃ ॥৪-৫-৬॥
5.7
ভবতা সখ্য কামৌ তৌ ভ্রাতরৌ রাম লক্ষ্মণৌ ।
প্রগৃহ্য চ অর্চয়স্ব এতৌ পূজনীয়তমৌ উভৌ ॥৪-৫-৭॥
5.8
শ্রুত্বা হনুমতো বাক্যম্ সুগ্রীবো বানর অধিপঃ ।
দর্শনীয়তমো ভূত্বা প্রীত্যা উবাচ রাঘবম্ ॥৪-৫-৮॥
5.9
ভবান্ ধর্ম বিনীতঃ চ সুতপাঃ সর্ব বত্সলঃ ।
আখ্যাতা বায়ুপুত্রেণ তত্ত্বতো মে ভবদ্ গুণাঃ ॥৪-৫-৯॥
5.10
তন্ মম এব এষ সত্কারো লাভঃ চ এব উত্তমঃ প্রভো ।
যৎ ত্বম্ ইচ্ছসি সৌহার্দম্ বানরেণ ময়া সহ ॥৪-৫-১০॥
5.11
রোচতে যদি মে সখ্যম্ বাহুঃ এষ প্রসারিতঃ ।
গৃহ্যতাম্ পাণিনা পাণিঃ মর্যাদা বধ্যতাম্ ধ্রুবা ॥৪-৫-১১॥
5.12
এতৎ তু বচনম্ শ্রুত্বা সুগ্রীবস্য সুভাষিতম্ ।
সংপ্রহৃষ্ট মনা হস্তম্ পীডয়ামাস পাণিনা ॥৪-৫-১২॥
5.13
হৃষ্টঃ সৌহৃদম্ আলম্ব্য পর্যষ্বজত পীডিতম্ ।
ততো হনূমান্ সংত্যজ্য ভিক্ষু রূপম্ অরিন্দমঃ ॥৪-৫-১৩॥
5.14
কাষ্ঠয়োঃ স্বেন রূপেণ জনয়ামাস পাবকম্ ।
দীপ্যমানম্ ততো বহ্নিম্ পুষ্পৈঃ অভ্যর্চ্য সত্কৃতম্ ॥৪-৫-১৪॥
5.15
তয়োর্ মধ্যে তু সুপ্রীতো নিদধৌ সুসমাহিতঃ ।
ততো অগ্নিম্ দীপ্যমানম্ তৌ চক্রতুঃ চ প্রদক্ষিণম্ ॥৪-৫-১৫॥
5.16
সুগ্রীবো রাঘবঃ চ এব বয়স্যত্বম্ উপাগতৌ ।
ততঃ সুপ্রীত মনসৌ তৌ উভৌ হরি রাঘবৌ ॥৪-৫-১৬॥
5.17
অন্যোন্যম্ অভিবীক্ষন্তৌ ন তৃপ্তিম্ অভিজগ্মতুঃ ।
ত্বম্ বয়স্যোঽসি হৃদ্যঃ মে হি একম্ দুঃখম্ সুখম্ চ নৌ ॥৪-৫-১৭॥
5.18
সুগ্রীবো রাঘবম্ বাক্যম্ ইতি উবাচ প্রহৃষ্টবৎ ।
ততঃ সুপর্ণ বহুলাম্ ভংক্ত্বা শাখাম্ সুপুষ্পিতাম্ ॥৪-৫-১৮॥
5.19
সালস্য আস্তীর্য সুগ্রীবঃ নিষসাদ স রাঘবঃ ।
লক্ষ্মনায় অথ সংহৃষ্টো হনুমান্ মারুতাত্মজঃ ॥৪-৫-১৯॥
5.20
শখাম্ চন্দন বৃক্ষস্য দদৌ পরম পুষ্পিতাম্ ।
ততঃ প্রহৃষ্টঃ সুগ্রীবঃ শ্লক্ষ্ণম্ মধুরয়া গিরা ॥৪-৫-২০॥
5.21
প্রতি উবাচ তদা রামম্ হর্ষ ব্যাকুল লোচনঃ ।
অহম্ বিনিকৃতো রাম চরমি ইহ ভয় আর্দিতঃ ॥৪-৫-২১॥
5.22
হৃত ভার্যো বনে ত্রস্তো দুর্গম্ এতৎ উপাশ্রিতঃ ।
সোঽহম্ ত্রস্তো বনে ভীতো বসামি উদ্ ভ্রান্ত চেতনঃ ॥৪-৫-২২॥
5.23
বালিনা নিকৃতো ভ্রাত্রা কৃত বৈরঃ চ রাঘব ।
বালিনো মে মহাভাগ ভয় আর্তস্য অভয়ম্ কুরু ॥৪-৫-২৩॥
5.24
কর্তুম্ অর্হসি কাকুত্স্থঃ ভয়ম্ মে ন ভবেদ্ যথা ।
এবম্ উক্তঃ তু তেজস্বী ধর্মজ্ঞো ধর্ম বত্সলঃ ॥৪-৫-২৪॥
5.25
প্রতি অভাষত কাকুত্স্থঃ সুগ্রীবম্ প্রহসন্ ইব ।
উপকার ফলম্ মিত্রম্ বিদিতম্ মে মহাকপে ॥৪-৫-২৫॥
5.26
বালিনম্ তম্ বধিষ্যামি তব ভার্য অপহারিণম্ ।
অমোঘোঃ সূর্য সংকাশাঃ মম ইমে নিশিতাঃ শরাঃ ॥৪-৫-২৬॥
5.27
তস্মিন্ বালিনি দুর্বৃত্তে নিপতিষ্যন্তি বেগিতাঃ ।
কন্ক পত্র প্রতিচ্ছন্না মহেন্দ্র অশনি সংনিভাঃ ॥৪-৫-২৭॥
5.28
তীক্ষ্ণাগ্রা ঋজুপর্বাণঃ স রোষা ভুজগা ইব ।
তম্ অদ্য বালিনম্ পশ্য তীক্ষ্ণৈঃ আশী বিষ উপমৈঃ ॥৪-৫-২৮॥
5.29
শরৈঃ বিনিহিতম্ ভূমৌ প্রকীর্ণম্ ইব পর্বতম্ ।
স তু তদ্ বচনম্ শ্রুত্বা রাঘবস্য আত্মনোহিতম্ ।সুগ্রীবঃ পরম প্রীতঃ পরমম্ বাক্যম্ অব্রবীৎ ॥৪-৫-২৯॥
5.30
তব প্রসাদেন নৃসিংহ বীরপ্রিয়াম্ চ রাজ্যম্ চ সমাপ্নুয়াম্ অহম্ ।
তথা কুরু ত্বম্ নর দেব বৈরিণম্যথা ন হিংস্যৎ স পুনর্ মম অগ্রজম্ ॥৪-৫-৩০॥
5.31
সীত কপীন্দ্র ক্ষণদা চরাণাম্রাজীব হেম জ্বলনোপমানানি ।
সুগ্রীব রাম প্রণয় পসঙ্গেবামানি নেত্রাণি সমম্ স্ফুরন্তি ॥৪-৫-৩১॥