Utshovসর্গ 71
71.1
পুরা রাম মহাবাহো মহাবল পরাক্রম ।
রূপম্ আসীৎ মম অচিংত্যম্ ত্রিষু লোকেষু বিশ্রুতম্ ॥৩-৭১-১॥
71.2
যথা সূর্যস্য সোমস্য শক্রস্য চ যথা বপুঃ ।
সো অহম্ রূপম্ ইদম্ কৃত্বা লোক বিত্রাসনম্ মহৎ ॥৩-৭১-২॥
71.3
ঋষীন্ বন গতান্ রাম ত্রাসয়ামি ততঃ ততঃ ।
ততঃ স্থূলশিরা নাম মহর্ষিঃ কোপিতো ময়া ॥৩-৭১-৩॥
71.4
সংচিন্বন্ বিবিধম্ বন্যম্ রূপেণ অনেন ধর্ষিতঃ ।
তেন অহম্ উক্তঃ প্রেক্ষ্য এবম্ ঘোর শাপ অভিধায়িনা ॥৩-৭১-৪॥
71.5
এতৎ এব নৃশংসম্ তে রূপম্ অস্তু বিগর্হিতম্ ।
স ময়া যাচিতঃ ক্রুদ্ধঃ শাপস্য অন্তো ভবেৎ ইতি ॥৩-৭১-৫॥
71.6
অভিশাপ কৃতস্য ইতি তেন ইদম্ ভাষিতম্ বচঃ ।
যদা ছিত্ত্বা ভুজৌ রামঃ ত্বাম্ দহেৎ বিজনে বনে ॥৩-৭১-৬॥
71.7
তদা ত্বম্ প্রাপ্স্যসে রূপম্ স্বম্ এব বিপুলম্ শুভম্ ।
শ্রিয়া বিরাজিতম্ পুত্রম্ দনোঃ ত্বম্ বিদ্ধি লক্ষ্মণ ॥৩-৭১-৭॥
71.8
ইন্দ্র কোপাৎ ইদম্ রূপম্ প্রাপ্তম্ এবম্ রণ আজিরে ।
অহম্ হি তপসা উগ্রেণ পিতামহম্ অতোষয়ম্ ॥৩-৭১-৮॥
71.9
দীর্ঘম্ আয়ুঃ স মে প্রাদাৎ ততো মাম্ বিভ্রমো অস্পৃশৎ ।
দীর্ঘম্ আয়ুঃ ময়া প্রাপ্তম্ কিম্ মে শক্রঃ করিষ্যতি ॥৩-৭১-৯॥
71.10
ইতি এবম্ বুদ্ধিম্ আস্থায় রণে শক্রম্ অধর্ষয়ম্ ।
তস্য বাহু প্রমুক্তেন বজ্রেণ শত পর্বণা ॥৩-৭১-১০॥
71.11
সক্থিনী চ শিরঃ চৈব শরীরে সংপ্রবেশিতম্ ।
স ময়া যাচ্যমানঃ সন্ ন আনয়ৎ যম সাদনম্ ॥৩-৭১-১১॥
71.12
পিতামহ বচঃ সত্যম্ তৎ অস্তি ইতি মম অব্রবীৎ ।
অনাহারঃ কথম্ শক্তো ভগ্ন সক্থি শিরো মুখঃ ॥৩-৭১-১২॥
71.13
বজ্রেণ অভিহতঃ কালম্ সু দীর্ঘম্ অপি জীবিতুম্ ।
স এবম্ উক্তঃ মে শক্রো বাহূ যোজনম্ আয়তৌ ॥৩-৭১-১৩॥
71.14
তদা চ আস্যম্ চ মে কুক্ষৌ তীক্ষ্ণ দংষ্ট্রম্ অকল্পয়ৎ ।
সো অহম্ ভুজাভ্যাম্ দীর্ঘাভ্যাম্ সংকৃষ্য অস্মিন্ বনে চরান্ ॥৩-৭১-১৪॥
71.15
সিংহ দ্বিপি মৃগ ব্যাঘ্রান্ ভক্ষয়ামি সমংততঃ ।
স তু মাম্ অব্রবীৎ ইন্দ্রো যদা রামঃ স লক্ষ্মণঃ ॥৩-৭১-১৫॥
71.16
ছেত্স্যতে সমরে বাহূ তদা স্বর্গম্ গমিষ্যসি ।
অনেন বপুষা তাত বনে অস্মিন্ রাজসত্তম ॥৩-৭১-১৬॥
71.17
যৎ যৎ পশ্যামি সর্বস্য গ্রহণম্ সাধু রোচয়ে ।
অবশ্যম্ গ্রহণম্ রামো মন্যে অহম্ সমুপৈষ্যতি ॥৩-৭১-১৭॥
71.18
ইমাম্ বুদ্ধিম্ পুরস্কৃত্য দেহ ন্যাস কৃত শ্রমঃ ।
স ত্বম্ রামো অসি ভদ্রম্ তে ন অহম্ অন্যেন রাঘব ॥৩-৭১-১৮॥
71.19
শক্যো হন্তুম্ যথা তত্ত্বম্ এবম্ উক্তম্ মহর্ষিণা ।
অহম্ হি মতি সাচিব্যম্ করিষ্যামি নর ঋষভ ॥৩-৭১-১৯॥
71.20
মিত্রম্ চৈব উপদেক্ষ্যামি যুবাভ্যাম্ সংস্কৃতো অগ্নিনা ।
এবম্ উক্তঃ তু ধর্মাত্মা দনুনা তেন রাঘবঃ ॥৩-৭১-২০॥
71.21
ইদম্ জগাদ বচনম্ লক্ষ্মণস্য উপশৃণ্বতঃ ।
রাবণেন হৃতা সীতা মম ভার্যা যশস্বিনী ॥৩-৭১-২১॥
71.22
নিষ্ক্রাংতস্য জনস্থানাৎ সহ ভ্রাত্রা যথা সুখম্ ।
নাম মাত্রম্ তু জানামি ন রূপম্ তস্য রক্ষসঃ ॥৩-৭১-২২॥
71.23
নিবাসম্ বা প্রভাবম্ বা বয়ম্ তস্য ন বিদ্মহে ।
শোক আর্তানাম্ অনাথানাম্ এবম্ বিপরিধাবতাম্ ॥৩-৭১-২৩॥
71.24
কারুণ্যম্ সদৃশম্ কর্তুম্ উপকারে চ বর্ততাম্ ।
কাষ্ঠানি আনীয় ভগ্নানি কালে শুষ্কাণি কুংজরৈঃ ॥৩-৭১-২৪॥
71.25
ধক্ষ্যামঃ ত্বাম্ বয়ম্ বীর শ্বভ্রে মহতি কল্পিতে ।
স ত্বম্ সীতাম্ সমাচক্ষ্ব যেন বা যত্র বা হৃতা ॥৩-৭১-২৫॥
71.26
কুরু কল্যাণম্ অত্যর্থম্ যদি জানাসি তত্ত্বতঃ ।
এবম্ উক্তঃ তু রামেণ বাক্যম্ দনুঃ অনুত্তমম্ ॥৩-৭১-২৬॥
71.27
প্রোবাচ কুশলো বক্তুম্ বক্তারম্ অপি রাঘবম্ ।
দিব্যম্ অস্তি ন মে জ্ঞানম্ ন অভিজানামি মৈথিলীম্ ॥৩-৭১-২৭॥
71.28
যঃ তাম্ জ্ঞাস্যতি তম্ বক্ষ্যে দগ্ধঃ স্বম্ রূপম্ আস্থিতঃ ।
যো অভিজানাতি তদ্ রক্ষঃ তদ্ বক্ষ্যে রাম তৎ পরম্ ॥৩-৭১-২৮॥
71.29
অদগ্ধস্য হি বিজ্ঞাতুম্ শক্তিঃ অস্তি ন মে প্রভো ।
রাক্ষসম্ তম্ মহাবীর্যম্ সীতা যেন হৃতা তব ॥৩-৭১-২৯॥
71.30
বিজ্ঞানম্ হি মহৎ ভ্রষ্টম্ শাপ দোষেণ রাঘব ।
স্বকৃতেন ময়া প্রাপ্তম্ রূপম্ লোক বিগর্হিতম্ ॥৩-৭১-৩০॥
71.31
কিম্ তু যাবৎ ন যাতি অস্তম্ সবিতা শ্রান্ত বাহনঃ ।
তাবৎ মাম্ অবটে ক্ষিপ্ত্বা দহ রাম যথা বিধি ॥৩-৭১-৩১॥
71.32
দগ্ধঃ ত্বয়া অহম্ অবটে ন্যায়েন রঘুনংদন ।
বক্ষ্যামি তম্ মহাবীর যঃ তম্ বেত্স্যতি রাক্ষসম্ ॥৩-৭১-৩২॥
71.33
তেন সখ্যম্ চ কর্তব্যম্ ন্যায্য বৃত্তেন রাঘব ।
কল্পয়িষ্যতি তে প্রীতঃ সাহায্যম্ লঘু বিক্রমঃ ॥৩-৭১-৩৩॥
71.34
ন হি তস্য অস্তি অবিজ্ঞাতম্ ত্রিষু লোকেষু রাঘব ।
সর্বান্ পরিবৃতো লোকান্ পুরা বৈ কারণ অন্তরে ॥৩-৭১-৩৪॥