Utshovসর্গ 64
64.1
স দীনো দীনয়া বাচা লক্ষ্মণম্ বাক্যম্ অব্রবীৎ ।
শীঘ্রম্ লক্ষ্মণ জানীহি গত্বা গোদাবরীম্ নদীম্ ॥৩-৬৪-১॥
64.2
অপি গোদাবরীম্ সীতা পদ্মানি আনয়িতুম্ গতা ।
এবম্ উক্তঃ তু রামেণ লক্ষ্মণঃ পুনঃ এব হি ॥৩-৬৪-২॥
64.3
নদীম্ গোদাবরীম্ রম্যাম্ জগাম লঘু বিক্রমঃ ।
তাম্ লক্ষ্মণঃ তীর্থবতীম্ বিচিত্বা রামম্ অব্রবীৎ ॥৩-৬৪-৩॥
64.4
নৈনাম্ পশ্যামি তীর্থেষু ক্রোশতো ন শৃণোতি মে ।
কম্ নু সা দেশম্ আপন্না বৈদেহী ক্লেশ নাশিনী ॥৩-৬৪-৪॥
64.5
ন হি তম্ বেদ্মি বৈ রাম যত্র সা তনু মধ্যমা ।
লক্ষ্মণস্য বচঃ শ্রুত্বা দীনঃ সংতাপ মোহিতঃ ॥৩-৬৪-৫॥
64.6
রামঃ সমভিচক্রাম স্বয়ম্ গোদাবরীম্ নদীম্ ।
স তাম্ উপস্থিতো রামঃ ক্ব সীতে ইতি এবম্ অব্রবীৎ ॥৩-৬৪-৬॥
64.7
ভূতানি রাক্ষসেন্দ্রেণ বধ অর্হেণ হৃতাম্ অপি ।
ন তাম্ শশংসূ রামায় তথা গোদাবরী নদী ॥৩-৬৪-৭॥
64.8
ততঃ প্রচোদিতা ভূতৈঃ শংস চ অস্মৈ প্রিয়াম্ ইতি ।
ন চ সা হি অবদৎ সীতাম্ পৃষ্টা রামেণ শোচতা ॥৩-৬৪-৮॥
64.9
রাবণস্য চ তৎ রূপম্ কর্মাণি চ দুরাত্মনঃ ।
ধ্যাত্বা ভয়াৎ তু বৈদেহীম্ সা নদী ন শশংস হ ॥৩-৬৪-৯॥
64.10
নিরাশঃ তু তয়া নদ্যা সীতায়া দর্শনে কৃতঃ ।
উবাচ রামঃ সৌমিত্রিম্ সীতা দর্শন কর্শিতঃ ॥৩-৬৪-১০॥
64.11
এষা গোদাবরী সৌম্য কিংচন্ ন প্রতিভাষতে ।
কিম্ নু লক্ষ্মণ বক্ষ্যামি সমেত্য জনকম্ বচঃ ॥৩-৬৪-১১॥
64.12
মাতরম্ চৈব বৈদেহ্যা বিনা তাম্ অহম্ অপ্রিয়ম্ ।
যা মে রাজ্য বিহীনস্য বনে বন্যেন জীবতঃ ॥৩-৬৪-১২॥
64.13
সর্বম্ ব্যপনয়ৎ শোকম্ বৈদেহী ক্ব নু সা গতা ।
জ্ঞাতি বর্গ বিহীনস্য রাজ পুত্রীম্ অপশ্যতঃ ॥৩-৬৪-১৩॥
64.14
মন্যে দীর্ঘা ভবিষ্যন্তি রাত্রয়ো মম জাগ্রতঃ ।
মংদাকিনীম্ জনস্থানম্ ইমম্ প্রস্রবণম্ গিরিম্ ॥৩-৬৪-১৪॥
64.15
সর্বাণি অনুচরিষ্যামি যদি সীতা হি লভ্যতে ।
এতে মহা মৃগা বীর মাম্ ঈক্ষন্তে পুনঃ পুনঃ ॥৩-৬৪-১৫॥
64.16
বক্তু কামা ইহ হি মে ইংগিতানি অনুপলক্ষয়ে ।
তান্ তু দৃষ্ট্বা নরব্যাঘ্র রাঘবঃ প্রত্যুবাচ হ ॥৩-৬৪-১৬॥
64.17
ক্ব সীত ইতি নিরীক্ষন্ বৈ বাষ্প সংরুদ্ধয়া গিরা ।
এবম্ উক্তা নরেন্দ্রেণ তে মৃগাঃ সহসা উত্থিতা ॥৩-৬৪-১৭॥
64.18
দক্ষিণ অভিমুখাঃ সর্বে দর্শয়ন্তো নভঃ স্থলম্ ।
মৈথিলী হ্রিয়মাণা সা দিশম্ যাম্ অভ্যপদ্যত ॥৩-৬৪-১৮॥
64.19
তেন মার্গেণ গচ্ছন্তো নিরীক্ষন্তো নরাধিপম্ ।
যেন মার্গম্ চ ভূমিম্ চ নিরীক্ষন্তে স্ম তে মৃগাঃ ॥৩-৬৪-১৯॥
64.20
পুনঃ নদন্তো গচ্ছন্তি লক্ষ্মণেন উপলক্ষিতাঃ ।
তেষাম্ বচন সর্বস্বম্ লক্ষয়ামাস চ ইন্গিতম্ ॥৩-৬৪-২০॥
64.21
উবাচ লক্ষ্মণো ধীমান্ জ্যেষ্ঠম্ ভ্রাতরম্ আর্তবৎ ।
ক্ব সীত ইতি ত্বয়া পৃষ্টা যথা ইমে সহসা উথিতাঃ ॥৩-৬৪-২১॥
64.22
দর্শয়ন্তি ক্ষিতিম্ চৈব দক্ষিণাম্ চ দিশম্ মৃগাঃ ।
সধু গচ্ছাবহে দেব দিশম্ এতাম্ চ নৈর্ঋতীম্ ॥৩-৬৪-২২॥
64.23
যদি তস্য আগমঃ কশ্চিৎ আর্যা বা সা অথ লক্ষ্যতে ।
বাঢম্ ইতি এব কাকুত্স্থঃ প্রস্থিতো দক্ষিণাম্ দিশম্ ॥৩-৬৪-২৩॥
64.24
লক্ষ্মণ অনুগত শ্রীমান্ বীক্ষ্যমাণো বসুন্ধরাম্ ।
এবম্ সংভাষমাণৌ তৌ অন্যোন্যম্ ভ্রাতরৌ উভৌ ॥৩-৬৪-২৪॥
64.25
বসুন্ধরায়াম্ পতিত পুষ্প মার্গম্ অপশ্যতাম্ ।
পুষ্প বৃষ্টিম্ নিপতিতাম্ দৃষ্ট্বা রামো মহী তলে ॥৩-৬৪-২৫॥
64.26
উবাচ লক্ষ্মণম্ বীরো দুঃখিতো দুঃখিতম্ বচঃ ।
অভিজানামি পুষ্পাণি তানি ইমানি ইহ লক্ষ্মণ ॥৩-৬৪-২৬॥
64.27
অপিনদ্ধানি বৈদেহ্যা ময়া দত্তানি কাননে ।
মন্যে সূর্যঃ চ বায়ুঃ চ মেদিনী চ যশশিবিনি ॥৩-৬৪-২৭॥
64.28
অভিরক্ষন্তি পুষ্পাণি প্রকুর্বন্তো মম প্রিয়ম্ ।
এবম্ উক্ত্বা মহাবাহুঃ লক্ষ্মণম্ পুরুষর্ষভম্ ॥৩-৬৪-২৮॥
64.29
উবাচ রামো ধর্মাত্মা গিরিম্ প্রসবণ আকুলম্ ।
কচ্চিৎ ক্ষিতি ভৃতাম্ নাথ দৃষ্টা সর্বাংগ সুংদরীম্ ॥৩-৬৪-২৯॥
64.30
রামা রম্যে বনোদ্ দেশে ময়া বিরহিতা ত্বয়া ।
ক্রুদ্ধো অব্রবীৎ গিরিম্ তত্র সিংহঃ ক্ষুদ্র মৃগম্ যথা ॥৩-৬৪-৩০॥
64.31
তাম্ হেম বর্ণাম্ হেম অংগীম্ সীতাম্ দর্শয় পর্বত ।
যাবৎ সানূনি সর্বাণি ন তে বিধ্বংসয়ামি অহম্ ॥৩-৬৪-৩১॥
64.32
এবম্ উক্তঃ তু রামেণ পর্বতো মৈথিলীম্ প্রতি ।
দর্শয়ন্ ইব তাম্ সীতাম্ ন দর্শয়ত রাঘবে ॥৩-৬৪-৩২॥
64.33
ততো দাশরথী রাম উবাচ শিলোচ্চয়ম্ ।
মম বাণ অগ্নি নির্দগ্ধো ভস্মী ভূতো ভবিষ্যসি ॥৩-৬৪-৩৩॥
64.34
অসেব্যঃ সততম্ চৈব নিস্তৃণ দ্রুম পল্লবঃ ।
ইমাম্ বা সরিতম্ চ অদ্য শোষয়িষ্যামি লক্ষ্মণ ॥৩-৬৪-৩৪॥
64.35
যদি ন আখ্যাতি মে সীতাম্ অদ্য চন্দ্র নিভ আননাম্ ।
এবম্ প্ররুষিতো রামো দিধক্ষন্ ইব চক্ষুষা ॥৩-৬৪-৩৫॥
64.36
দদর্শ ভূমৌ নিষ্ক্রাংতম্ রাক্ষসস্য পদম্ মহৎ ।
ত্রস্তয়া রাম কাঙ্ক্ষিণ্যাঃ প্রধাবন্ত্যা ইতঃ ততঃ ॥৩-৬৪-৩৬॥
64.37
রাক্ষসেন অনুবৃত্তয়া বৈদেহ্যা চ পাদানি তু ।
স সমীক্ষ্য পরিক্রান্তম্ সীতায়া রাক্ষসস্য চ ॥৩-৬৪-৩৭॥
64.38
ভংগম্ ধনুঃ চ তূণী চ বিকীর্ণাম্ বহুধা রথম্ ।
সংভ্রাংত হৃদয়ো রামঃ শশংস ভ্রাতরম্ প্রিয়ম্ ॥৩-৬৪-৩৮॥
64.39
পশ্য লক্ষ্মণ বৈদেহ্যাঃ কীর্ণাম্ কনক বিন্দবঃ ।
ভূষণানাম্ হি সৌমিত্রে মাল্যানি বিবিধানি চ ॥৩-৬৪-৩৯॥
64.40
তপ্ত বিন্দু নিকাশৈঃ চ চিত্রৈঃ ক্ষতজ বিন্দুভিঃ ।
আবৃতম্ পশ্য সৌমিত্রে সর্বতো ধরণী তলম্ ॥৩-৬৪-৪০॥
64.41
মন্যে লক্ষ্মণ বৈদেহী রাক্ষসৈঃ কাম রূপিভিঃ ।
ভিত্ত্বা ভিত্ত্বা বিভক্তা বা ভক্ষিতা বা ভবিষ্যতি ॥৩-৬৪-৪১॥
64.42
তস্যা নিমিত্তম্ বৈদেহ্যা দ্বয়োঃ বিবদমানয়োঃ ।
বভূব যুদ্ধম্ সৌমিত্রে ঘোরম্ রাক্ষসয়োঃ ইহ ॥৩-৬৪-৪২॥
64.43
মুক্তা মণি চিতম্ চ ইদম্ তপনীয় বিভূষিতম্ ।
ধরণ্যাম্ পতিতম্ সৌম্য কস্য ভগ্নম্ মহৎ ধনুঃ ॥৩-৬৪-৪৩॥
64.44
রাক্ষসানাম্ ইদম্ বস্ত সুরাণাম্ অধবা অপি ।
তরুণ আদিত্য সংকাশম্ বৈদূর্য গুলিকা চিতম্ ॥৩-৬৪-৪৪॥
64.45
বিশীর্ণম্ পতিতম্ ভূমৌ কবচম্ কস্য কাংচনম্ ।
ছত্রম্ শত শলাকম্ চ দিব্য মাল্য উপশোভিতম্ ॥৩-৬৪-৪৫॥
64.46
ভগ্ন দণ্ডম্ ইদম্ কস্য ভূমৌ সৌম্য নিপাতিতম্ ।
কান্চন উরঃ ছদাঃ চ ইমে পিশাচ বদনাঃ খরাঃ ॥৩-৬৪-৪৬॥
64.47
ভীম রূপা মহাকায়াঃ কস্য বা নিহতা রণে ।
দীপ্ত পাবক সংকাশো দ্যুতিমান্ সমর ধ্বজঃ ॥৩-৬৪-৪৭॥
64.48
অপবিদ্ধঃ চ ভগ্নঃ চ কস্য সাংগ্রামিকো রথঃ ।
রথ অক্ষ মাত্রা বিশিখাঃ তপনীয় বিভূষণাঃ ॥৩-৬৪-৪৮॥
64.49
কস্য ইমে নিহতা বাণাঃ প্রকীর্ণা ঘোর দর্শনঃ ।
শরাবরৌ শরৈঃ পূর্ণৌ বিধ্বস্তৌ পশ্য লক্ষ্মণ ॥৩-৬৪-৪৯॥
64.50
প্রতোদ অভীশু হস্তো অয়ম্ কস্য বা সারথিঃ হতঃ ।
পদবী পুরুষস্য এষা ব্যক্তম্ কস্য অপি রাক্ষসঃ ॥৩-৬৪-৫০॥
64.51
বৈরম্ শত গুণম্ পশ্য মম তৈঃ জীবিত অংতকম্ ।
সুঘোর হৃদয়ৈঃ সৌম্য রাক্ষসৈঃ কাম রূপিভিঃ ॥৩-৬৪-৫১॥
64.52
হৃতা মৃতা বা সীতা হি ভক্ষিতা বা তপস্বিনী ।
ন ধর্মঃ ত্রায়তে সীতাম্ হ্রিয়মাণাম্ মহাবনে ॥৩-৬৪-৫২॥
64.53
ভক্ষিতায়াম্ হি বৈদেহ্যাম্ হৃতায়াম্ অপি লক্ষ্মণ ।
কে হি লোকে প্রিয়ম্ কর্তুম্ শক্তাঃ সৌম্য মম ঈশ্বরাঃ ॥৩-৬৪-৫৩॥
64.54
কর্তারম্ অপি লোকানাম্ শূরম্ করুণ বেদিনম্ ।
অজ্ঞানাৎ অবমন্যেরন্ সর্ব ভূতানি লক্ষ্মণ ॥৩-৬৪-৫৪॥
64.55
মৃদুম্ লোক হিতে যুক্তম্ দাংতম্ করুণ বেদিনম্ ।
নির্বীর্য ইতি মন্যন্তে নূনম্ মাম্ ত্রিদশ ঈশ্বরাঃ ॥৩-৬৪-৫৫॥
64.56
মাম্ প্রাপ্য হি গুণো দোষঃ সংবৃত্তঃ পশ্য লক্ষ্মণ ।
অদ্য এব সর্ব ভূতানাম্ রক্ষসাম্ অভবায় চ ॥৩-৬৪-৫৬॥
64.57
সংহৃত্য এব শশি জ্যোত্স্নাম্ মহান্ সূর্য ইব উদিতঃ ।
সংহৃত্য এব গুণান্ সর্বান্ মম তেজঃ প্রকাশ্তে ॥৩-৬৪-৫৭॥
64.58
ন এব যক্ষা ন গংধর্বা ন পিশাচা ন রাক্ষসাঃ ।
কিন্নরা বা মনুষ্যা বা সুখম্ প্রাপ্স্যন্তি লক্ষ্মণ ॥৩-৬৪-৫৮॥
64.59
মম অস্ত্র বাণ সংপূর্ণম্ আকাশম্ পশ্য লক্ষ্মণ ।
অসংপাতম্ করিষ্যামি হি অদ্য ত্রৈলোক্য চারিণাম্ ॥৩-৬৪-৫৯॥
64.60
সংনিরুদ্ধগ্রহগণমাবারিতনিশাকরম্ ।
বিপ্রনষ্টানলমরুদ্ভাস্করদ্যুতিসংবৃতম্।যদ্ব -সংনিরুদ্ধ গ্রহ গণম্ আবারিত নিশা করম্ ।বিপ্রনষ্ট অনল মরুৎ ভাস্কর দ্যুতি সংবৃতম্ ॥৩-৬৪-৬০॥
64.61
বিনির্মথিতশৈলাগ্রম্শুষ্যমাণজলাঅশয়ম্ ।
ধ্বস্তদ্রুমলতাগুল্মম্বিপ্রণাশিতসাগরম্।যদ্বা -বিনির্মথিত শৈল অগ্রম্ শুষ্যমাণ জল আশয়ম্ ।ধ্বস্ত দ্রুম লতা গুল্মম্ বিপ্রণাশিত সাগরম্ ॥৩-৬৪-৬১॥
64.62
ত্রৈ লোক্যম্ তু করিষ্যামি সংয়ুক্তম্ কাল কর্মণা ।
ন তে কুশলিনীম্ সীতাম্ প্রদাস্যন্তি মম ঈশ্বরাঃ ॥৩-৬৪-৬২॥
64.63
অস্মিন্ মুহূর্তে সৌমিত্রে মম দ্রক্ষ্যন্তি বিক্রমম্ ।
ন আকাশম্ উত্পতিষ্যন্তি সর্ব ভূতানি লক্ষ্মণ ॥৩-৬৪-৬৩॥
64.64
মম চাপ গুণ উন্মুক্তৈঃ বাণ জালৈঃ নিরংতরম্ ।
মর্দিতম্ মম নারাচৈঃ ধ্বস্ত ভ্রাংত মৃগ দ্বিজম্ ॥৩-৬৪-৬৪॥
64.65
সমাকুলম্ অমর্যাদম্ জগৎ পশ্য অদ্য লক্ষ্মণ ।
আকর্ণপূর্ণৈরিষুভির্জীবলোকংদুরাবরৈঃ।যদ্বা -আকর্ণ পূর্ণৈর্ ইষুভির্ জীব লোকম্ দুরাবরৈঃ ॥৩-৬৪-৬৫॥
64.66
করিষ্যে মৈথিলী হেতোঃ অপিশাচম্ অরাক্ষসম্ ।
মম রোষ প্রয়ুক্তানাম্ বিশিখানাম্ বলম্ সুরাঃ ॥৩-৬৪-৬৬॥
64.67
দ্রক্ষ্যন্তি অদ্য বিমুক্তানাম্ অমর্ষাৎ দূর গামিনাম্ ।
ন এব দেবা ন দৈতেয়া ন পিশাচা ন রাক্ষসাঃ ॥৩-৬৪-৬৭॥
64.68
ভবিষ্যন্তি মম ক্রোধাৎ ত্রৈলোক্যে বিপ্রণাশিতে ।
দেব দানব যক্ষাণাম্ লোকা যে রক্ষসাম্ অপি ॥৩-৬৪-৬৮॥
64.69
বহুধানিপতিষ্যন্তিবাণোঘৈশ্শকলীকৃতাঃ ।
যদ্বা -বহুধা নি পতিষ্যন্তি বাণ ওঘৈঃ শকলী কৃতাঃ ।নির্মর্যাদানিমাঁল্লোকান্করিষ্যাম্যদ্যসায়কৈঃ।যদ্বা -নির্ মর্যাদান্ ইমান্ লোকান্ করিষ্যামি অদ্য সায়কৈঃ ॥৩-৬৪-৬৯॥
64.70
হৃতাম্ মৃতাম্ বা সৌমিত্রে ন দাস্যন্তি মম ঈশ্বরাঃ ।
তথা রূপম্ হি বৈদেহীম্ ন দাস্যন্তি যদি প্রিয়াম্ ॥৩-৬৪-৭০॥
64.71
নাশয়ামি জগৎ সর্বম্ ত্রৈলোক্যম্ স চর অচরম্ ।
যাবৎ দর্শনম্ অস্যা বৈ তাপয়ামি চ সায়কৈঃ ॥৩-৬৪-৭১॥
64.72
ইতি উক্ত্বা ক্রোধ তাম্র অক্ষঃ স্ফুরমাণ ওষ্ট সংপুটঃ ।
বল্কল অজিনম্ আবদ্ধ্য জটা ভারম্ বন্ধয়ৎ ॥৩-৬৪-৭২॥
64.73
তস্য ক্রুদ্ধস্য রামস্য তথা অভূতস্য ধীমতঃ ।
ত্রি পুরম্ জগ্নুষঃ পূর্বম্ রুদ্রস্য ইব বভৌ তনুঃ ॥৩-৬৪-৭৩॥
64.74
লক্ষ্মণাৎ অথ চ আদায় রামো নিষ্পীড্য কার্মুকম্ ।
শরম্ আদায় সংদীপ্তম্ ঘোরম্ অশী বিষ উপমম্ ॥৩-৬৪-৭৪॥
64.75
সংদধে ধনুষি শ্রীমান্ রামঃ পর পুরংজয়ঃ ।
যুগ অন্ত অগ্নিঃ ইব ক্রুদ্ধঃ ইদম্ বচনম্ অব্রবীৎ ॥৩-৬৪-৭৫॥
64.76
যথা জরা যথা মৃত্যুঃ যথা কালো যথা বিধিঃ ।
নিত্যম্ ন প্রতিহন্যন্তে সর্ব ভূতেষু লক্ষ্মণ ।তথা অহম্ ক্রোধ সংয়ুক্তো ন নিবার্যো অস্মি অসংশয়ম্ ॥৩-৬৪-৭৬॥
64.77
পুরা ইব মে চারু দতীম্ অনিন্দিতাম্দিশন্তি সীতাম্ যদি ন অদ্য মৈথিলীম্ ।
সদেব গন্ধর্ব মনুষ্য পন্নগম্জগৎ স শৈলম্ পরিবর্তয়ামি অহম্ ॥৩-৬৪-৭৭॥