Utshovসর্গ 37
37.1
তৎ শ্রুত্বা রাক্ষসেন্দ্রস্য বাক্যম্ বাক্য বিশারদঃ ।
প্রত্যুবাচ মহাপ্রাজ্ঞো মারীচো রাক্ষসেশ্বরম্ ॥৩-৩৭-১॥
37.2
সুলভাঃ পুরুষা রাজন্ সততম্ প্রিয় বাদিনঃ ।
অপ্রিয়স্য চ পথ্যস্য বক্তা শ্রোতা চ দুর্লভঃ ॥৩-৩৭-২॥
37.3
ন নূনম্ বুধ্যসে রামম্ মহাবীর্যম্ গুণ উন্নতম্ ।
অয়ুক্ত চারঃ চপলো মহেন্দ্র বরুণ উপমম্ ॥৩-৩৭-৩॥
37.4
অপি স্বস্তি ভবেৎ তাত সর্বেষাম্ ভুবি রক্ষসাম্ ।
অপি রামো ন সংক্রুদ্ধঃ কুর্যাৎ লোকম্ অরাক্ষসম্ ॥৩-৩৭-৪॥
37.5
অপি তে জীবিত অংতায় ন উত্পন্না জনকাত্মজা ।
অপি সীতা নিমিত্তম্ চ ন ভবেৎ ব্যসনম্ মহৎ ॥৩-৩৭-৫॥
37.6
অপি ত্বাম্ ঈশ্বরম্ প্রাপ্য কাম বৃত্তম্ নিরংকুশম্ ।
ন বিনশ্যেৎ পুরী লংকা ত্বয়া সহ স রাক্ষসা ॥৩-৩৭-৬॥
37.7
ত্বৎ বিধঃ কাম বৃত্তো হি দুঃশীলঃ পাপ মংত্রিতঃ ।
আত্মানম্ স্ব জনম্ রাষ্ট্রম্ স রাজা হন্তি দুর্মতিঃ ॥৩-৩৭-৭॥
37.8
ন চ পিত্রা পরিত্যক্তো ন অমর্যাদঃ কথংচন ।
ন লুব্ধো ন চ দুঃশীলো ন চ ক্ষত্রিয় পাংসনঃ ॥৩-৩৭-৮॥
37.9
ন চ ধর্ম গুণৈর্ হীনৈঃ কৌসল্যা আনংদ বর্ধনঃ ।
ন চ তীক্ষ্ণো হি ভূতানাম্ সর্ব ভূত হিতে রতঃ ॥৩-৩৭-৯॥
37.10
বংচিতম্ পিতরম্ দৃষ্ট্বা কৈকেয্যা সত্য বাদিনম্ ।
করিষ্যামি ইতি ধর্মাত্মা ততঃ প্রব্রজিতো বনম্ ॥৩-৩৭-১০॥
37.11
কৈকেয্যাঃ প্রিয় কামার্থম্ পিতুর্ দশরথস্য চ ।
হিত্বা রাজ্যম্ চ ভোগান্ চ প্রবিষ্টো দণ্ডকা বনম্ ॥৩-৩৭-১১॥
37.12
ন রামঃ কর্কশঃ তাত ন অবিদ্বান্ ন অজিত ইন্দ্রিয়ঃ ।
অনৃতম্ ন শ্রুতম্ চৈব নৈব ত্বম্ বক্তুম্ অর্হসি ॥৩-৩৭-১২॥
37.13
রামো বিগ্রহবান্ ধর্মঃ সাধুঃ সত্য পরাক্রমঃ ।
রাজা সর্বস্য লোকস্য দেবানাম্ ইব বাসবঃ ॥৩-৩৭-১৩॥
37.14
কথম্ নু তস্য বৈদেহীম্ রক্ষিতাম্ স্বেন তেজসা ।
ইচ্ছসে প্রসভম্ হর্তুম্ প্রভাম্ ইব বিবস্বতঃ ॥৩-৩৭-১৪॥
37.15
শর অর্চিষম্ অনাধৃষ্যম্ চাপ খড্গ ইন্ধনম্ রণে ।
রাম অগ্নিম্ সহসা দীপ্তম্ ন প্রবেষ্টুম্ ত্বম্ অর্হসি ॥৩-৩৭-১৫॥
37.16
ধনুর্ ব্যাদিত দীপ্ত আস্যম্ শর অর্চিষম্ অমর্ষণম্ ।
চাপ বাণ ধরম্ তীক্ষ্ণম্ শত্রু সেনা অপহারিণম্ ॥৩-৩৭-১৬॥
37.17
রাজ্যম্ সুখম্ চ সংত্যজ্য জীবিতম্ চ ইষ্টম্ আত্মনঃ ।
ন অতি আসাদয়িতুম্ তাত রাম অংতকম্ ইহ অর্হসি ॥৩-৩৭-১৭॥
37.18
অপ্রমেয়ম্ হি তৎ তেজো যস্য সা জনকাত্মজা ।
ন ত্বম্ সমর্থঃ তাম্ হর্তুম্ রাম চাপ আশ্রয়াম্ বনে ॥৩-৩৭-১৮॥
37.19
তস্য বৈ নর সিংহস্য সিংহ উরস্কস্য ভামিনী ।
প্রাণেভ্যো অপি প্রিয়তরা ভার্যা নিত্যম্ অনুব্রতা ॥৩-৩৭-১৯॥
37.20
ন সা ধর্ষয়িতুম্ শক্যা মৈথিলী ওজস্বিনঃ প্রিয়া ।
দীপ্তস্য ইব হুত আশস্য শিখা সীতা সুমধ্যমা ॥৩-৩৭-২০॥
37.21
কিম্ উদ্যমম্ ব্যর্থম্ ইমম্ কৃত্বা তে রাক্ষসাধিপ ।
দৃষ্টঃ চেৎ ত্বম্ রণে তেন তৎ অংতম্ তব জীবিতম্ ॥৩-৩৭-২১॥
37.22
জীবিতম্ চ সুখম্ চৈব রাজ্যম্ চৈব সুদুর্লভম্ ।
যৎ ইচ্ছসি চিরম্ ভোক্তুম্ মা কৃথা রাম বিপ্রিয়ম্ ॥৩-৩৭-২২॥
37.23
স সর্বৈঃ সচিবৈঃ সার্ধম্ বিভীষণ পুরস্কৃতৈঃ ।
মংত্রয়িত্বা তু ধর্মিষ্ঠৈঃ কৃত্বা নিশ্চয়ম্ আত্মনঃ ।দোষাণাম্ চ গুণানাম্ চ সংপ্রধার্য বল অবলম্ ॥৩-৩৭-২৩॥
37.24
আত্মনঃ চ বলম্ জ্ঞাত্বা রাঘবস্য চ তত্ত্বতঃ ।
হিতম্ হি তব নিশ্চিত্য ক্ষমম্ ত্বম্ কর্তুম্ অর্হসি ॥৩-৩৭-২৪॥
37.25
অহম্ তু মন্যে তব ন ক্ষমম্ রণেসমাগমম্ কোসল রাজ সূনুনা ।
ইদম্ হি ভূয়ঃ শৃণু বাক্যম্ উত্তমম্ক্ষমম্ চ যুক্তম্ চ নিশাচর অধিপ ॥৩-৩৭-২৫॥