Utshovসর্গ 36
36.1
মারীচ শ্রূয়তাম্ তাত বচনম্ মম ভাষতঃ ।
আর্তো অস্মি মম চ আর্তস্য ভবান্ হি পরমা গতিঃ ॥৩-৩৬-১॥
36.2
জানীষে ত্বম্ জনস্থানে ভ্রাতা যত্র খরো মম ।
দূষণঃ চ মহাবাহুঃ স্বসা শূর্পণখা চ মে ॥৩-৩৬-২॥
36.3
ত্রিশিরাঃ চ মহাতেজা রাক্ষসঃ পিশিত অশনঃ ।
অন্যে চ বহবঃ শূরা লব্ধ লক্ষা নিশাচরাঃ ॥৩-৩৬-৩॥
36.4
বসন্তি মৎ নিয়োগেন অধিবাসম্ চ রাক্ষসঃ ।
বাধমানা মহারণ্যে মুনীন্ যে ধর্ম চারিণঃ ॥৩-৩৬-৪॥
36.5
চতুর্দশ সহস্রাণি রক্ষসাম্ ভীম কর্মণাম্ ।
শূরাণাম্ লব্ধ লক্ষাণাম্ খর চিত্ত অনুবর্তিনাম্ ॥৩-৩৬-৫॥
36.6
তে তু ইদানীম্ জনস্থানে বসমানা মহাবলাঃ ।
সংগতাঃ পরম আয়ত্তা রামেণ সহ সংয়ুগে ॥৩-৩৬-৬॥
36.7
নানা শস্ত্র প্রহরণাঃ খর প্রমুখ রাক্ষসঃ ।
তেন সংজাত রোষেণ রামেণ রণ মূর্ধনি ॥৩-৩৬-৭॥
36.8
অনুক্ত্বা পরুষম্ কিংচিৎ শরৈর্ ব্যাপারিতম্ ধনুঃ ।
চতুর্দশ সহস্রাণি রক্ষসাম্ উগ্র তেজসাম্ ॥৩-৩৬-৮॥
36.9
নিহতানি শরৈঃ দীপ্তৈঃ মানুষেণ পদাতিনা ।
খরঃ চ নিহতঃ সংখ্যে দূষণঃ চ নিপাতিতঃ ॥৩-৩৬-৯॥
36.10
হত্বা ত্রিশিরসম্ চ অপি নির্ভয়া দণ্ডকাঃ কৃতাঃ ।
পিত্রা নিরস্তঃ ক্রুদ্ধেন স ভার্যঃ ক্ষীণ জীবিতঃ ॥৩-৩৬-১০॥
36.11
স হন্তা তস্য সৈন্যস্য রামঃ ক্ষত্রিয় পাংসনঃ ।
অশীলঃ কর্কশঃ তীক্ষ্ণো মূর্খো লুব্ধো অজিত ইন্দ্রিয়ঃ ॥৩-৩৬-১১॥
36.12
ত্যক্ত ধর্মঃ তু অধর্ম আত্মা ভূতানাম্ অহিতে রতঃ ।
যেন বৈরম্ বিনা অরণ্যে সত্ত্বম্ আশ্রিত্য কেবলম্ ॥৩-৩৬-১২॥
36.13
কর্ণ নাস অপহারেণ ভগিনী মে বিরূপিতা ।
তস্য ভার্যাম্ জনস্থানাৎ সীতাম্ সুর সুত উপমাম্ ॥৩-৩৬-১৩॥
36.14
আনয়িষ্যামি বিক্রম্য সহায়ঃ তত্র মে ভব ।
ত্বয়া হি অহম্ সহায়েন পার্শ্বস্থেন মহাবল ॥৩-৩৬-১৪॥
36.15
ভ্রাতৃভিঃ চ সুরান্ যুদ্ধে সমগ্রান্ ন অভিচিংতয়ে ।
তৎ সহায়ো ভব ত্বম্ মে সমর্থো হি অসি রাক্ষস ॥৩-৩৬-১৫॥
36.16
বীর্যে যুদ্ধে চ দর্পে চ ন হি অস্তি সদৃশঃ তব ।
উপায়তো মহান্ শূরো মহা মায় বিশারদঃ ॥৩-৩৬-১৬॥
36.17
এতৎ অর্থম্ অহম্ প্রাপ্তঃ ত্বৎ সমীপম্ নিশাচর ।
শৃণু তৎ কর্ম সাহায্যে যৎ কার্যম্ বচনাৎ মম ॥৩-৩৬-১৭॥
36.18
সৌবর্ণঃ ত্বম্ মৃগো ভূত্বা চিত্রো রজত বিন্দুভিঃ ।
আশ্রমে তস্য রামস্য সীতায়াঃ প্রমুখে চর ॥৩-৩৬-১৮॥
36.19
ত্বাম্ তু নিঃসংশয়ম্ সীতা দৃষ্ট্বা তু মৃগ রূপিণম্ ।
গৃহ্যতাম্ ইতি ভর্তারম্ লক্ষ্মণম্ চ অভিধাস্যতি ॥৩-৩৬-১৯॥
36.20
ততঃ তয়োঃ অপায়ে তু শূন্যে সীতাম্ যথা সুখম্ ।
নিরাবাধো হরিষ্যামি রাহুঃ চন্দ্র প্রভাম্ ইব ॥৩-৩৬-২০॥
36.21
ততঃ পশ্চাৎ সুখম্ রামে ভার্যা আহরণ কর্শিতে ।
বিস্রব্ধম্ প্রহরিষ্যামি কৃত অর্থেন অন্তর্ আত্মনা ॥৩-৩৬-২১॥
36.22
তস্য রাম কথাম্ শ্রুত্বা মারীচস্য মহাত্মনঃ ।
শুষ্কম্ সমভবৎ বক্ত্রম্ পরিত্রস্তো বভূব চ ॥৩-৩৬-২২॥
36.23
ওষ্টৌ পরিলিহন্ শুষ্কৌ নেত্রৈঃ অনিমিষৈঃ ইব ।
মৃত ভূত ইব আর্তঃ তু রাবণম্ সমুৎ ঈক্ষতঃ ॥৩-৩৬-২৩॥
36.24
স রাবণম্ ত্রস্ত বিষণ্ণ চেতামহাবনে রাম পরাক্রমজ্ঞঃ ।
কৃত অংজলিঃ তত্ত্বম্ উবাচ বাক্যম্হিতম্ চ তস্মৈ হিতম্ আত্মনঃ চ ॥৩-৩৬-২৪॥