সর্গ 1

1.1

প্রবিশ্য তু মহারণ্যম্ দণ্ডকারণ্যম্ আত্মবান্ ।
রামো দদর্শ দুর্ধর্ষ তাপস আশ্রম মণ্ডলম্ ॥৩-১-১॥

কুশ চীর পরিক্ষিপ্তম্ ব্রাহ্ম্যা লক্ষ্ম্যা সমাবৃতম্ ।
যথা প্রদীপ্তম্ দুর্দর্শম্ গগনে সূর্য মণ্ডলম্ ॥৩-১-২॥

শরণ্যম্ সর্ব ভূতানাম্ সু সংমৃষ্ট অজিরম্ সদা ।
মৃগৈঃ বহুভিঃ আকীর্ণম্ পক্ষি সন্ঘৈঃ সমাবৃতম্ ॥৩-১-৩॥

পূজিতম্ চ উপনৃত্তম্ চ নিত্যম্ অপ্সরসাম্ গণৈঃ ।
বিশালৈঃ অগ্নি শরণৈঃ স্রুক্ ভাণ্ডৈঃ অজিনৈঃ কুশৈঃ ॥৩-১-৪॥

সমিদ্ভিঃ তোয় কলশৈঃ ফল মূলৈঃ চ শোভিতম্ ।
আরণ্যৈঃ চ মহা বৃক্ষৈঃ পুণ্যৈঃ স্বাদু ফলৈর্ বৃতম্ ॥৩-১-৫॥

বলি হোম অর্চিতম্ পুণ্যম্ ব্রহ্ম ঘোষ নিনাদিতম্ ।
পুষ্পৈঃ চ অন্যৈঃ পরিক্ষিপ্তম্ পদ্মিন্যা চ স পদ্ময়া ॥৩-১-৬॥

ফলমূল অশনৈঃ দান্তৈঃ চীর কৃষ্ণাজিন অম্বরৈঃ ।
সূর্য বৈশ্বানর আভৈঃ চ পুরাণৈঃ মুনিভির্ যুতম্ ॥৩-১-৭॥

পুণ্যৈঃ চ নিয়ত আহারৈঃ শোভিতম্ পরম ঋষিভিঃ ।
তৎ ব্রহ্ম ভবন প্রখ্যম্ ব্রহ্ম ঘোষ নিনাদিতম্ ॥৩-১-৮॥

ব্রহ্ম বিদ্ভিঃ মহা ভাগৈঃ ব্রাহ্মণৈঃ উপশোভিতম্ ।
তৎ দৃষ্ট্বা রাঘবঃ শ্রীমান্ তাপস আশ্রম মণ্ডলম্ ॥৩-১-৯॥

অভ্যগচ্ছৎ মহাতেজা বিজ্যম্ কৃত্বা মহদ্ ধনুঃ ।
দিব্য জ্ঞান উপপন্নাঃ তে রামম্ দৃষ্ট্বা মহর্ষয়ঃ ॥৩-১-১০॥

অভিজগ্মুঃ তদা প্রীতা বৈদেহীম্ চ যশস্বিনীম্ ।
তে তু সোমম্ ইব উদ্যন্তম্ দৃষ্ট্বা বৈ ধর্মচারিণম্ ॥৩-১-১১॥

লক্ষ্মণম্ চ এব দৃষ্ট্বা তু বৈদেহীম্ চ যশশ্বিনীম্ ।
মঙ্গলানি প্রয়ুঞ্জানাঃ প্রত্যগৃহ্ণান্ দৃঢ ব্রতাঃ ॥৩-১-১২॥

রূপ সংহননম্ লক্ষ্মীম্ সৌকুমার্যম্ সুবেষতাম্ ।
দদৃশুর্ বিস্মিত আকারা রামস্য বন বাসিনঃ ॥৩-১-১৩॥

বৈদেহীম্ লক্ষ্মণম্ রামম্ নেত্রৈর্ অনিমিষৈর্ ইব ।
আশ্চর্য ভূতান্ দদৃশুঃ সর্বে তে বন বাসিনঃ ॥৩-১-১৪॥

অত্র এনম্ হি মহাভাগাঃ সর্ব ভূত হিতে রতাঃ ।
অতিথিম্ পর্ণশালায়াম্ রাঘবম্ সংন্যবেশয়ন্ ॥৩-১-১৫॥

ততো রামস্য সত্কৃত্য বিধিনা পাবক উপমাঃ ।
আজহ্রুঃ তে মহাভাগাঃ সলিলম্ ধর্মচারিণঃ ॥৩-১-১৬॥

মংগলানি প্রয়ুঞ্জানা মুদা পরময়া যুতা ।
মূলম্ পুষ্পম্ ফলম্ সর্বম্ আশ্রমম্ চ মহাত্মনঃ ॥৩-১-১৭॥

নিবেদয়ীত্বা ধর্মজ্ঞাঃ তে তু প্রাংজলয়োঽব্রুবন্ ।
ধর্মপালো জনস্য অস্য শরণ্যঃ চ মহায়শাঃ ॥৩-১-১৮॥

পূজনীয়ঃ চ মান্যঃ চ রাজা দণ্ডধরো গুরুঃ ।
ইন্দ্রস্য এব চতুর্ভাগঃ প্রজা রক্ষতি রাঘব ॥৩-১-১৯॥

রাজা তস্মাদ্ বরান্ ভোগান্ রম্যান্ ভুঙ্ক্তে নমস্কৃতঃ ।
তে বয়ম্ ভবতা রক্ষ্যা ভবদ্ বিষয় বাসিনঃ ।নগরস্থো বনস্থো বা ত্বম্ নঃ রাজা জনেশ্বরঃ ॥৩-১-২০॥

ন্যস্ত দণ্ডা বয়ম্ রাজন্ জিত ক্রোধা জিতেন্দ্রিয়াঃ ।
রক্ষণীয়াঃ ত্বয়া শশ্বদ্ গর্ভ ভূতাঃ তপোধনাঃ ॥৩-১-২১॥

এবম্ উক্ত্বা ফলৈর্ মূলৈঃ পুষ্পৈর্ অন্যৈঃ চ রাঘবম্ ।
বন্যৈঃ চ বিবিধ আহারৈঃ স লক্ষ্মণম্ অপূজয়ন্ ॥৩-১-২২॥

তথাঽন্যে তাপসাঃ সিদ্ধা রামম্ বৈশ্বানর উপমাঃ ।
ন্যায় বৃত্তা যথা ন্যায়ম্ তর্পয়ামাসুর্ ঈশ্বরম্ ॥৩-১-২৩॥