Utshovসর্গ 2
2.1
কৃত আতিথ্যোঽথ রামস্তু সূর্যস্য উদয়নম্ প্রতি ।
আমংত্র্য স মুনীম্ তৎ সর্বান্ বনম্ এব অন্বগাহত ॥৩-২-১॥
2.2
নানা মৃগ গণ আকীর্ণম্ ঋক্ষ শার্দূল সেবিতম্ ।
ধ্বস্ত বৃক্ষ লতা গুল্মম্ দুর্দর্শ সলিলাশয়ম্ ॥৩-২-২॥
2.3
নিষ্কূজমানা শকুনি ঝিল্লিকা গণ নাদিতম্ ।
লক্ষ্মণ অনুচরোও রামো বন মধ্যম্ দদর্শ হ ॥৩-২-৩॥
2.4
সীতায়া সহ কাকুত্স্থঃ তস্মিন্ ঘোর মৃগ আয়ুতে ।
দদর্শ গিরি শৃঙ্গ আভম্ পুরুষাদম্ মহাস্বনম্ ॥৩-২-৪॥
2.5
গম্ভীর অক্ষম্ মহাবক্ত্রম্ বিকটম্ বিকটোদরম্ ।
বীভত্সম্ বিষমম্ দীর্ঘম্ বিকৃতম্ ঘোর দর্শনম্ ॥৩-২-৫॥
2.6
বসানম্ চর্ম বৈয়াঘ্রম্ বস আর্দ্রম্ রুধিরোক্ষিতম্ ।
ত্রাসনম্ সর্ব ভূতানাম্ ব্যাদিতাস্যম্ ইব অন্তকম্ ॥৩-২-৬॥
2.7
ত্রীন্ সিংহান্ চতুরো ব্যাঘ্রান্ দ্বৌ বৃকৌ পৃষতান্ দশ ।
সবিষাণম্ বসাদিগ্ধম্ গজস্য চ শিরো মহৎ ॥৩-২-৭॥
2.8
অবসজ্য আঅয়সে শূলে বিনদন্তম্ মহাস্বনম্ ।
স রামম্ লক্ষ্মণম্ চৈব সীতাম্ দৃষ্ট্বা চ মৈথিলীম্ ॥৩-২-৮॥
2.9
অভ্য ধাবৎ সুসংক্রুদ্ধো প্রজাঃ কাল ইব অন্তকঃ ।
স কৃত্বা ভৈরবম্ নাদম্ চালয়ন্ ইব মেদিনীম্ ॥৩-২-৯॥
2.10
অঙ্কেন আদায় বৈদেহীম্ অপক্রম্য তদা অব্রবীৎ ।
যুবাম্ জটা চীর ধরৌ সভার্যৌ ক্ষীণ জীবিতৌ ॥৩-২-১০॥
2.11
প্রবিষ্টৌ দণ্ডকারণ্যম্ শর চাপ অসি পাণিনৌ ।
কথম্ তাপসয়োঃ যুবাম্ চ বাসঃ প্রমদয়া সহ ॥৩-২-১১॥
2.12
অধর্ম চারিণৌ পাপৌ কৌ যুবাম্ মুনি দূষকৌ ।
অহম্ বনম্ ইদম্ দুর্গম্ বিরাঘো নাম রাক্ষসঃ ॥৩-২-১২॥
2.13
চরামি সায়ুধো নিত্যম্ ঋষি মাংসানি ভক্ষয়ন্ ।
ইয়ম্ নারী বরারোহা মম ভার্যা ভবিষ্যতি ॥৩-২-১৩॥
2.14
যুবয়োঃ পাপয়োঃ চ অহম্ পাস্যামি রুধিরম্ মৃধে ।
তস্য এবম্ ব্রুবতো দুষ্টম্ বিরাধস্য দুরাত্মনঃ ॥৩-২-১৪॥
2.15
শ্রুত্বা সগর্বিতম্ বাক্যম্ সংভ্রান্তা জনকাত্মজা ।
সীতা প্রাবেপিতা উদ্বেগাৎ প্রবাতে কদলী যথা ॥৩-২-১৫॥
2.16
তাম্ দৃষ্ট্বা রাঘবঃ সীতাম্ বিরাধ অঙ্কগতাম্ শুভাম্ ।
অব্রবীৎ লক্ষ্মণম্ বাক্যম্ মুখেন পরিশুষ্যতা ॥৩-২-১৬॥
2.17
পশ্য সৌম্য নরেন্দ্রস্য জনকস্য অত্ম সংভবাম্ ।
মম ভার্যাম্ শুভাচারাম্ বিরাধাঙ্কে প্রবেশিতাম্ ॥৩-২-১৭॥
2.18
অত্যন্ত সুখ সংবৃদ্ধাম্ রাজপুত্রীম্ যশস্বিনীম্ ।
যৎ অভিপ্রেতম্ অস্মাসু প্রিয়ম্ বর বৃতম্ চ যৎ ॥৩-২-১৮॥
2.19
কৈকেয্যাস্তু সুসংবৃত্তম্ ক্ষিপ্রম্ অদ্য এব লক্ষ্মণ ।
যা ন তুষ্যতি রাজ্যেন পুত্রার্থে দীর্ঘ দর্শিনী ॥৩-২-১৯॥
2.20
যয়াঽহম্ সর্বভূতানাম্ প্রিয়ঃ প্রস্থাপিতো বনম্ ।
অদ্য ইদানীম্ সকামা সা যা মাতা মম মধ্যমা ॥৩-২-২০॥
2.21
পর স্পর্শাৎ তু বৈদেহ্যা ন দুঃখতরম্ অস্তি মে ।
পিতুর্ বিনাশাৎ সৌমিত্রে স্ব রাজ্য হরণাৎ তথা ॥৩-২-২১॥
2.22
ইতি ব্রুবতি কাকুত্স্থে বাষ্প শোক পরিপ্লুতঃ ।
অব্রবীৎ লক্ষ্মণঃ ক্রুদ্ধো রুদ্ধো নাগ ইব শ্বসন্ ॥৩-২-২২॥
2.23
অনাথ ইব ভূতানাম্ নাথঃ ত্বম্ বাসবোপমঃ ।
ময়া প্রেষ্যেণ কাকুত্স্থঃ কিম্ অর্থম্ পরিতপ্যসে ॥৩-২-২৩॥
2.24
শরেণ নিহতস্য অদ্য ময়া ক্রুদ্ধেন রক্ষসঃ ।
বিরাধস্য গত অসোঃ হি মহী পাস্যতি শোণিতম্ ॥৩-২-২৪॥
2.25
রাজ্য কামে মম ক্রোধো ভরতে যো বভূব হ ।
তম্ বিরাধে বিমোক্ষ্যামি বজ্রী বজ্রম্ ইব অচলে ॥৩-২-২৫॥
2.26
মম ভুজ বল বেগ বেগিতঃপততু শরোঽস্য মহান্ মহোরসি ।
ব্যপনয়তু তনোঃ চ জীবিতম্পততু ততঃ চ মহীম্ বিঘূর্ণিতঃ ॥৩-২-২৬॥