সর্গ 76

76.1

তম্ এবম্ শোক সম্তপ্তম্ ভরতম্ কেকয়ী সুতম্ ।
উবাচ বদতাম্ শ্রেষ্ঠো বসিষ্ঠঃ শ্রেষ্ঠ বাগ্ ঋষিঃ ॥২-৭৬-১॥

অলম্ শোকেন ভদ্রম্ তে রাজ পুত্র মহা যশঃ ।
প্রাপ্ত কালম্ নর পতেঃ কুরু সম্যানম্ উত্তরম্ ॥২-৭৬-২॥

বসিষ্ঠস্য বচঃ শ্রুত্বা ভরতঃ ধারণাম্ গতঃ ।
প্রেত কার্যাণি সর্বাণি কারয়াম্ আস ধর্মবিৎ ॥২-৭৬-৩॥

উদ্ধৃতম্ তৈল সম্ক্লেদাৎ স তু ভূমৌ নিবেশিতম্ ।
আপীত বর্ণ বদনম্ প্রসুপ্তম্ ইব ভূমিপম্ ॥২-৭৬-৪॥

সম্বেশ্য শয়নে চ অগ্র্যে নানা রত্ন পরিষ্কৃতে ।
ততঃ দশরথম্ পুত্রঃ বিললাপ সুদুহ্খিতঃ ॥২-৭৬-৫॥

কিম্ তে ব্যবসিতম্ রাজন্ প্রোষিতে ময্য্ অনাগতে ।
বিবাস্য রামম্ ধর্মজ্ঞম্ লক্ষ্মণম্ চ মহা বলম্ ॥২-৭৬-৬॥

ক্ব যাস্যসি মহা রাজ হিত্বা ইমম্ দুহ্খিতম্ জনম্ ।
হীনম্ পুরুষ সিম্হেন রামেণ অক্লিষ্ট কর্মণা ॥২-৭৬-৭॥

যোগ ক্ষেমম্ তু তে রাজন্ কো অস্মিন্ কল্পয়িতা পুরে ।
ত্বয়ি প্রয়াতে স্বঃ তাত রামে চ বনম্ আশ্রিতে ॥২-৭৬-৮॥

বিধবা পৃথিবী রাজম্স্ ত্বয়া হীনা ন রাজতে ।
হীন চন্দ্রা ইব রজনী নগরী প্রতিভাতি মাম্ ॥২-৭৬-৯॥

এবম্ বিলপমানম্ তম্ ভরতম্ দীন মানসম্ ।
অব্রবীদ্ বচনম্ ভূয়ো বসিষ্ঠঃ তু মহান্ ঋষিঃ ॥২-৭৬-১০॥

প্রেত কার্যাণি যানি অস্য কর্তব্যানি বিশাম্পতেঃ ।
তানি অব্যগ্রম্ মহা বাহো ক্রিয়তাম্ অবিচারিতম্ ॥২-৭৬-১১॥

তথা ইতি ভরতঃ বাক্যম্ বসিষ্ঠস্য অভিপূজ্য তৎ ।
ঋত্বিক্ পুরোহিত আচার্যাম্স্ ত্বরয়াম্ আস সর্বশঃ ॥২-৭৬-১২॥

যে তু অগ্রতঃ নর ইন্দ্রস্যাগ্নি অগারাৎ বহিষ্ কৃতাঃ ।
ঋত্বিগ্ভির্ যাজকৈঃ চৈব তে হ্রিয়ন্তে যথা বিধি ॥২-৭৬-১৩॥

শিবিলায়াম্ অথ আরোপ্য রাজানম্ গত চেতনম্ ।
বাষ্প কণ্ঠা বিমনসঃ তম্ ঊহুঃ পরিচারকাঃ ॥২-৭৬-১৪॥

হিরণ্যম্ চ সুবর্ণম্ চ বাসাম্সি বিবিধানি চ ।
প্রকিরন্তঃ জনা মার্গম্ নৃপতের্ অগ্রতঃ যয়ুঃ ॥২-৭৬-১৫॥

চন্দন অগুরু নির্যাসান্ সরলম্ পদ্মকম্ তথা ।
দেব দারূণি চ আহৃত্য চিতাম্ চক্রুস্ তথা অপরে ॥২-৭৬-১৬॥

গন্ধান্ উচ্চ অবচামঃ চ অন্যাম্স্ তত্র দত্ত্বা অথ ভূমিপম্ ।
ততঃ সম্বেশয়াম্ আসুঃ চিতা মধ্যে তম্ ঋত্বিজঃ ॥২-৭৬-১৭॥

তথা হুত অশনম্ হুত্বা জেপুস্ তস্য তদা ঋত্বিজঃ ।
জগুঃ চ তে যথা শাস্ত্রম্ তত্র সামানি সামগাঃ ॥২-৭৬-১৮॥

শিবিকাভিঃ চ যানৈঃ চ যথা অর্হম্ তস্য যোষিতঃ ।
নগরান্ নির্যয়ুস্ তত্র বৃদ্ধৈঃ পরিবৃতাঃ তদা ॥২-৭৬-১৯॥

প্রসব্যম্ চ অপি তম্ চক্রুর্ ঋত্বিজো অগ্নি চিতম্ নৃপম্ ।
স্ত্রিয়ঃ চ শোক সম্তপ্তাঃ কৌসল্যা প্রমুখাঃ তদা ॥২-৭৬-২০॥

ক্রৌন্চীনাম্ ইব নারীণাম্ নিনাদঃ তত্র শুশ্রুবে ।
আর্তানাম্ করুণম্ কালে ক্রোশন্তীনাম্ সহস্রশঃ ॥২-৭৬-২১॥

ততঃ রুদন্ত্যো বিবশা বিলপ্য চ পুনঃ পুনঃ ।
যানেভ্যঃ সরয়ূ তীরম্ অবতেরুর্ বর অন্গনাঃ ॥২-৭৬-২২॥

কৃত উদকম্ তে ভরতেন সার্ধম্ ।
নৃপ অন্গনা মন্ত্রি পুরোহিতাঃ চ ।পুরম্ প্রবিশ্য অশ্রু পরীত নেত্রা ।ভূমৌ দশ অহম্ ব্যনয়ন্ত দুহ্খম্ ॥২-৭৬-২৩॥