Utshovসর্গ 74
74.1
তাম্ তথা গর্হয়িত্বা তু মাতরম্ ভরতঃ তদা ।
রোষেণ মহতা আবিষ্টঃ পুনর্ এব অব্রবীদ্ বচঃ ॥২-৭৪-১॥
74.2
রাজ্যাৎ ভ্রম্শস্ব কৈকেয়ি নৃশম্সে দুষ্ট চারিণি ।
পরিত্যক্তা চ ধর্মেণ মা মৃতম্ রুদতী ভব ॥২-৭৪-২॥
74.3
কিম্ নু তে অদূষয়দ্ রাজা রামঃ বা ভৃশ ধার্মিকঃ ।
যয়োঃ মৃত্যুর্ বিবাসঃ চ ত্বৎ কৃতে তুল্যম্ আগতৌ ॥২-৭৪-৩॥
74.4
ভ্রূণহত্যাম্ অসি প্রাপ্তা কুলস্য অস্য বিনাশনাৎ ।
কৈকেয়ি নরকম্ গচ্চ মা চ ভর্তুঃ সলোকতাম্ ॥২-৭৪-৪॥
74.5
যত্ত্বয়া হীদৃশম্ পাপম্ কৃতম্ ঘোরেণ কর্মণা ।
সর্বলোকপ্রিয়ম্ হিত্বা মমাপ্যাপাদিতম্ ভয়ম্ ॥২-৭৪-৫॥
74.6
ত্বৎ কৃতে মে পিতা বৃত্তঃ রামঃ চ অরণ্যম্ আশ্রিতঃ ।
অয়শো জীব লোকে চ ত্বয়া অহম্ প্রতিপাদিতঃ ॥২-৭৪-৬॥
74.7
মাতৃ রূপে মম অমিত্রে নৃশম্সে রাজ্য কামুকে ।
ন তে অহম্ অভিভাষ্যো অস্মি দুর্বৃত্তে পতি ঘাতিনি ॥২-৭৪-৭॥
74.8
কৌসল্যা চ সুমিত্রা চ যাঃ চ অন্যা মম মাতরঃ ।
দুহ্খেন মহতা আবিষ্টাঃ ত্বাম্ প্রাপ্য কুল দূষিণীম্ ॥২-৭৪-৮॥
74.9
ন ত্বম্ অশ্ব পতেঃ কন্যা ধর্ম রাজস্য ধীমতঃ ।
রাক্ষসী তত্র জাতা অসি কুল প্রধ্বম্সিনী পিতুঃ ॥২-৭৪-৯॥
74.10
যৎ ত্বয়া ধার্মিকো রামঃ নিত্যম্ সত্য পরায়ণঃ ।
বনম্ প্রস্থাপিতঃ দুহ্খাৎ পিতা চ ত্রিদিবম্ গতঃ ॥২-৭৪-১০॥
74.11
যৎ প্রধানা অসি তৎ পাপম্ ময়ি পিত্রা বিনা কৃতে ।
ভ্রাতৃভ্যাম্ চ পরিত্যক্তে সর্ব লোকস্য চ অপ্রিয়ে ॥২-৭৪-১১॥
74.12
কৌসল্যাম্ ধর্ম সম্যুক্তাম্ বিয়ুক্তাম্ পাপ নিশ্চয়ে ।
কৃত্বা কম্ প্রাপ্স্যসে তু অদ্য লোকম্ নিরয় গামিনী ॥২-৭৪-১২॥
74.13
কিম্ ন অববুধ্যসে ক্রূরে নিয়তম্ বন্ধু সম্শ্রয়ম্ ।
জ্যেষ্ঠম্ পিতৃ সমম্ রামম্ কৌসল্যায় আত্ম সম্ভবম্ ॥২-৭৪-১৩॥
74.14
অন্গ প্রত্যন্গজঃ পুত্রঃ হৃদয়াচ্ চ অপি জায়তে ।
তস্মাৎ প্রিয়তরঃ মাতুঃ প্রিয়ত্বান্ ন তু বান্ধবঃ ॥২-৭৪-১৪॥
74.15
অন্যদা কিল ধর্মজ্ঞা সুরভিঃ সুর সম্মতা ।
বহমানৌ দদর্শ উর্ব্যাম্ পুত্রৌ বিগত চেতসৌ ॥২-৭৪-১৫॥
74.16
তাব্ অর্ধ দিবসে শ্রান্তৌ দৃষ্ট্বা পুত্রৌ মহী তলে ।
রুরোদ পুত্র শোকেন বাষ্প পর্যাকুল ঈক্ষণা ॥২-৭৪-১৬॥
74.17
অধস্তাৎ ব্রজতঃ তস্যাঃ সুর রাজ্ঞো মহাত্মনঃ ।
বিন্দবঃ পতিতা গাত্রে সূক্ষ্মাঃ সুরভি গন্ধিনঃ ॥২-৭৪-১৭॥
74.18
ইন্দ্রোঽপ্যশ্রুনিপাতম্ তম্ স্বগাত্রে পুণ্যগন্ধিনম্ ।
সুরভিম্ মন্যতে দৃষ্ট্বা ভূয়সীম্ তাম্ সুরেশ্বরঃ ॥২-৭৪-১৮॥
74.19
নিরীক্সমাণঃ শক্রস্তাম্ দদর্শ সুরভিম্ স্থিতাম্ ।
আকাশে বিষ্ঠিতাম্ দীনাম্ রুদতীম্ ভৃশদুঃখিতাম্ ॥২-৭৪-১৯॥
74.20
তাম্ দৃষ্ট্বা শোক সম্তপ্তাম্ বজ্র পাণির্ যশস্বিনীম্ ।
ইন্দ্রঃ প্রান্জলির্ উদ্বিগ্নঃ সুর রাজো অব্রবীদ্ বচঃ ॥২-৭৪-২০॥
74.21
ভয়ম্ কচ্চিন্ ন চ অস্মাসু কুতশ্চিৎ বিদ্যতে মহৎ ।
কুতঃ নিমিত্তঃ শোকঃ তে ব্রূহি সর্ব হিত এষিণি ॥২-৭৪-২১॥
74.22
এবম্ উক্তা তু সুরভিঃ সুর রাজেন ধীমতা ।
পত্যুবাচ ততঃ ধীরা বাক্যম্ বাক্য বিশারদা ॥২-৭৪-২২॥
74.23
শান্তম্ পাতম্ ন বঃ কিম্চিৎ কুতশ্চিৎ অমর অধিপ ।
অহম্ তু মগ্নৌ শোচামি স্ব পুত্রৌ বিষমে স্থিতৌ ॥২-৭৪-২৩॥
74.24
এতৌ দৃষ্ট্বা কৃষৌ দীনৌ সূর্য রশ্মি প্রতাপিনৌ ।
অর্ধ্যমানৌ বলী বর্দৌ কর্ষকেণ সুর অধিপ ॥২-৭৪-২৪॥
74.25
মম কায়াৎ প্রসূতৌ হি দুহ্খিতৌ ভার পীডিতৌ ।
যৌ দৃষ্ট্বা পরিতপ্যে অহম্ ন অস্তি পুত্র সমঃ প্রিয়ঃ ॥২-৭৪-২৫॥
74.26
যস্যাঃ পুত্র সহস্ত্রৈস্তু কৃত্স্নম্ ব্যাপ্তমিদম্ জগৎ ।
তাম্ দৃষ্ট্বা রুদতীম্ শক্রো ন সুতান্মন্যতে পরম্ ॥২-৭৪-২৬॥
74.27
সদাঽপ্রতিমবৃত্তায়া লোকধারণকাম্যয়া ।
শ্রীমত্যা গুণনিত্যায়াঃ স্বভাবপরিচেষ্টয়া ॥২-৭৪-২৭॥
74.28
যস্যাঃ পুত্রসহস্রাণি সাপি শোচৈ কামধুক্ ।
কিম্ পুনর্ যা বিনা রামম্ কৌসল্যা বর্তয়িষ্যতি ॥২-৭৪-২৮॥
74.29
এক পুত্রা চ সাধ্বী চ বিবত্সা ইয়ম্ ত্বয়া কৃতা ।
তস্মাৎ ত্বম্ সততম্ দুহ্খম্ প্রেত্য চ ইহ চ লপ্স্যসে ॥২-৭৪-২৯॥
74.30
অহম্ হি অপচিতিম্ ভ্রাতুঃ পিতুঃ চ সকলাম্ ইমাম্ ।
বর্ধনম্ যশসঃ চ অপি করিষ্যামি ন সম্শয়ঃ ॥২-৭৪-৩০॥
74.31
আনায়য়িত্বা তনয়ম্ কৌসল্যায়া মহা দ্যুতিম্ ।
স্বয়ম্ এব প্রবেক্ষ্যামি বনম্ মুনি নিষেবিতম্ ॥২-৭৪-৩১॥
74.32
ন হ্যহম্ পাপসম্কল্পে পাপে পাপম্ ত্বয়া কৃতম্ ।
শক্তো ধারয়িতুম্ পৌরৈরশ্রুকণ্ঠৈ র্নিরীক্ষিতঃ ॥২-৭৪-৩২॥
74.33
সা ত্বমগ্নিম্ প্রবিশ বা স্বয়ম্ বা দণ্ডকান্বিশ ।
রজ্জুম্ বধান বা কণ্ঠে ন হি তেঽন্যত্পরায়ণম্ ॥২-৭৪-৩৩॥
74.34
অহমপ্যবনিম্ প্রাপ্তে রামে সত্যপরাক্রমে ।
কৃতকৃত্যো ভবিষ্যামি বিপ্রবাসিতকল্মষঃ ॥২-৭৪-৩৪॥
74.35
ইতি নাগৈব অরণ্যে তোমর অন্কুশ চোদিতঃ ।
পপাত ভুবি সম্ক্রুদ্ধো নিহ্শ্বসন্ন্ ইব পন্নগঃ ॥২-৭৪-৩৫॥
74.36
সম্রক্ত নেত্রঃ শিথিল অম্বরঃ তদা ।
বিধূত সর্ব আভরণঃ পরম্তপঃ ।বভূব ভূমৌ পতিতঃ নৃপ আত্মজঃ ।শচী পতেঃ কেতুর্ ইব উত্সব ক্ষয়ে ॥২-৭৪-৩৬॥