Utshovসর্গ 64
64.1
বধমপ্রতিরূপম্ তু মহর্ষেস্তস্য রাঘবঃ ।
বিলপন্নে ব ধর্মাত্মা কৌসল্যাম্ পুন রব্রবীৎ ॥২-৬৪-১॥
64.2
তৎ অজ্ঞানান্ মহৎ পাপম্ কৃত্বা সম্কুলিত ইন্দ্রিয়ঃ ।
একঃ তু অচিন্তয়ম্ বুদ্ধ্যা কথম্ নু সুকৃতম্ ভবেৎ ॥২-৬৪-২॥
64.3
ততঃ তম্ ঘটম্ আদয় পূর্ণম্ পরম বারিণা ।
আশ্রমম্ তম্ অহম্ প্রাপ্য যথা আখ্যাত পথম্ গতঃ ॥২-৬৪-৩॥
64.4
তত্র অহম্ দুর্বলাব্ অন্ধৌ বৃদ্ধাব্ অপরিণায়কৌ ।
অপশ্যম্ তস্য পিতরৌ লূন পক্ষাব্ ইব দ্বিজৌ ॥২-৬৪-৪॥
64.5
তন্ নিমিত্তাভির্ আসীনৌ কথাভির্ অপরিক্রমৌ ।
তাম্ আশাম্ মৎ কৃতে হীনাব্ উদাসীনাব্ অনাথবৎ ॥২-৬৪-৫॥
64.6
শোকোপহতচিত্তশ্চ ভয়সম্ত্রস্তচেতনঃ ।
তচ্চাশ্রমপদম্ গত্বা ভূয়ঃ শোকমহম্ গতঃ ॥২-৬৪-৬॥
64.7
পদ শব্দম্ তু মে শ্রুত্বা মুনির্ বাক্যম্ অভাষত ।
কিম্ চিরায়সি মে পুত্র পানীয়ম্ ক্ষিপ্রম্ আনয় ॥২-৬৪-৭॥
64.8
যন্ নিমিত্তম্ ইদম্ তাত সলিলে ক্রীডিতম্ ত্বয়া ।
উত্কণ্ঠিতা তে মাতা ইয়ম্ প্রবিশ ক্ষিপ্রম্ আশ্রমম্ ॥২-৬৪-৮॥
64.9
যদ্ ব্যলীকম্ কৃতম্ পুত্র মাত্রা তে যদি বা ময়া ।
ন তন্ মনসি কর্তব্যম্ ত্বয়া তাত তপস্বিনা ॥২-৬৪-৯॥
64.10
ত্বম্ গতিস্ তু অগতীনাম্ চ চক্ষুস্ ত্বম্ হীন চক্ষুষাম্ ।
সমাসক্তাঃ ত্বয়ি প্রাণাঃ কিম্চিন্ নৌ ন অভিভাষসে ॥২-৬৪-১০॥
64.11
মুনিম্ অব্যক্তয়া বাচা তম্ অহম্ সজ্জমানয়া ।
হীন ব্যন্জনয়া প্রেক্ষ্য ভীতঃ ভীতৈব অব্রুবম্ ॥২-৬৪-১১॥
64.12
মনসঃ কর্ম চেষ্টাভির্ অভিসম্স্তভ্য বাগ্ বলম্ ।
আচচক্ষে তু অহম্ তস্মৈ পুত্র ব্যসনজম্ ভয়ম্ ॥২-৬৪-১২॥
64.13
ক্ষত্রিয়ো অহম্ দশরথো ন অহম্ পুত্রঃ মহাত্মনঃ ।
সজ্জন অবমতম্ দুহ্খম্ ইদম্ প্রাপ্তম্ স্ব কর্মজম্ ॥২-৬৪-১৩॥
64.14
ভগবমঃ চ অপহস্তঃ অহম্ সরয়ূ তীরম্ আগতঃ ।
জিঘাম্সুঃ শ্বা পদম্ কিম্চিন্ নিপানে বা আগতম্ গজম্ ॥২-৬৪-১৪॥
64.15
ততঃ শ্রুতঃ ময়া শব্দো জলে কুম্ভস্য পূর্যতঃ ।
দ্বিপো অয়ম্ ইতি মত্বা হি বাণেন অভিহতঃ ময়া ॥২-৬৪-১৫॥
64.16
গত্বা নদ্যাঃ ততঃ তীরম্ অপশ্যম্ ইষুণা হৃদি ।
বিনির্ভিন্নম্ গত প্রাণম্ শয়ানম্ ভুবি তাপসম্ ॥২-৬৪-১৬॥
64.17
ভগবন্ শব্দম্ আলক্ষ্য ময়া গজ জিঘাম্সুনা ।
বিসৃষ্টঃ অম্ভসি নারাচঃ তেন তে নিহতঃ সুতঃ ॥২-৬৪-১৭॥
64.18
ততস্তস্যৈব বচনাদুপেত্য পরিতপ্যতঃ ।
স ময়া সহসা বণ উদ্ধৃতো মর্মতস্তদা ॥২-৬৪-১৮॥
64.19
স চ উদ্ধৃতেন বাণেন তত্র এব স্বর্গম্ আস্থিতঃ ।
ভগবন্তাব্ উভৌ শোচন্ন্ অন্ধাব্ ইতি বিলপ্য চ ॥২-৬৪-১৯॥
64.20
অজ্ঞানাৎ ভবতঃ পুত্রঃ সহসা অভিহতঃ ময়া ।
শেষম্ এবম্ গতে যৎ স্যাৎ তৎ প্রসীদতু মে মুনিঃ ॥২-৬৪-২০॥
64.21
স তৎ শ্রুত্বা বচঃ ক্রূরম্ নিহ্শ্বসন্ শোক কর্শিতঃ ।
নাশকত্তীব্রমায়াসমকর্তুম্ ভগবানৃষিঃ ॥২-৬৪-২১॥
64.22
সবাষ্পপূর্ণবদনো নিঃশ্বসন্ শোককর্শিতঃ ।
মাম্ উবাচ মহা তেজাঃ কৃত অন্জলিম্ উপস্থিতম্ ॥২-৬৪-২২॥
64.23
যদ্য্ এতৎ অশুভম্ কর্ম ন স্ম মে কথয়েঃ স্বয়ম্ ।
ফলেন্ মূর্ধা স্ম তে রাজন্ সদ্যঃ শত সহস্রধা ॥২-৬৪-২৩॥
64.24
ক্ষত্রিয়েণ বধো রাজন্ বানপ্রস্থে বিশেষতঃ ।
জ্ঞান পূর্বম্ কৃতঃ স্থানাচ্ চ্যাবয়েদ্ অপি বজ্রিণম্ ॥২-৬৪-২৪॥
64.25
সপ্তধা তু ফলেন্মূর্ধা মুনৌ তপসি তিষ্ঠতি ।
জ্ঞানাদ্বিসৃজতঃ শস্ত্রম্ তাদৃশে ব্রহ্মচারিণি ॥২-৬৪-২৫॥
64.26
অজ্ঞানাদ্দ্ হি কৃতম্ যস্মাৎ ইদম্ তেন এব জীবসি ।
অপি হি অদ্য কুলম্ নস্যাৎ রাঘবাণাম্ কুতঃ ভবান্ ॥২-৬৪-২৬॥
64.27
নয় নৌ নৃপ তম্ দেশম্ ইতি মাম্ চ অভ্যভাষত ।
অদ্য তম্ দ্রষ্টুম্ ইচ্চাবঃ পুত্রম্ পশ্চিম দর্শনম্ ॥২-৬৪-২৭॥
64.28
রুধিরেণ অবসিত অন্গম্ প্রকীর্ণ অজিন বাসসম্ ।
শয়ানম্ ভুবি নিহ্সম্জ্ঞম্ ধর্ম রাজ বশম্ গতম্ ॥২-৬৪-২৮॥
64.29
অথ অহম্ একঃ তম্ দেশম্ নীত্বা তৌ ভৃশ দুহ্খিতৌ ।
অস্পর্শয়ম্ অহম্ পুত্রম্ তম্ মুনিম্ সহ ভার্যয়া ॥২-৬৪-২৯॥
64.30
তৌ পুত্রম্ আত্মনঃ স্পৃষ্ট্বা তম্ আসাদ্য তপস্বিনৌ ।
নিপেততুঃ শরীরে অস্য পিতা চ অস্য ইদম্ অব্রবীৎ ॥২-৬৪-৩০॥
64.31
ন ন্ব্ অহম্ তে প্রিয়ঃ পুত্র মাতরম্ পশ্য ধার্মিক ।
কিম্ নু ন আলিন্গসে পুত্র সুকুমার বচো বদ ॥২-৬৪-৩১॥
64.32
ন ত্বহম্ তে প্রিয়ঃ পুত্র মাতরম্ পস্য ধার্মিক ।
কিম্ নু নালিঙ্গসে পুত্র সুকুমার বচো বদ ॥২-৬৪-৩২॥
64.33
কস্য বা অপর রাত্রে অহম্ শ্রোষ্যামি হৃদয়ম্ গমম্ ।
অধীয়ানস্য মধুরম্ শাস্ত্রম্ বা অন্যদ্ বিশেষতঃ ॥২-৬৪-৩৩॥
64.34
কো মাম্ সম্ধ্যাম্ উপাস্য এব স্নাত্বা হুত হুত অশনঃ ।
শ্লাঘয়িষ্যতি উপাসীনঃ পুত্র শোক ভয় অর্দিতম্ ॥২-৬৪-৩৪॥
64.35
কন্দ মূল ফলম্ হৃত্বা কো মাম্ প্রিয়ম্ ইব অতিথিম্ ।
ভোজয়িষ্যতি অকর্মণ্যম্ অপ্রগ্রহম্ অনায়কম্ ॥২-৬৪-৩৫॥
64.36
ইমাম্ অন্ধাম্ চ বৃদ্ধাম্ চ মাতরম্ তে তপস্বিনীম্ ।
কথম্ পুত্র ভরিষ্যামি কৃপণাম্ পুত্র গর্ধিনীম্ ॥২-৬৪-৩৬॥
64.37
তিষ্ঠ মা মা গমঃ পুত্র যমস্য সদনম্ প্রতি ।
শ্বো ময়া সহ গন্তা অসি জনন্যা চ সমেধিতঃ ॥২-৬৪-৩৭॥
64.38
উভাব্ অপি চ শোক আর্তাব্ অনাথৌ কৃপণৌ বনে ।
ক্ষিপ্রম্ এব গমিষ্যাবঃ ত্বয়া হীনৌ যম ক্ষয়ম্ ॥২-৬৪-৩৮॥
64.39
ততঃ বৈবস্বতম্ দৃষ্ট্বা তম্ প্রবক্ষ্যামি ভারতীম্ ।
ক্ষমতাম্ ধর্ম রাজো মে বিভৃয়াৎ পিতরাব্ অয়ম্ ॥২-৬৪-৩৯॥
64.40
দাতুমর্হতি ধর্মাত্মা লোকপালো মহায়শাঃ ।
ঈদৃষস্য মমাক্ষয্যা মেকামভয়দক্ষিণাম্ ॥২-৬৪-৪০॥
64.41
অপাপো অসি যথা পুত্র নিহতঃ পাপ কর্মণা ।
তেন সত্যেন গচ্চ আশু যে লোকাঃ শস্ত্র যোধিনাম্ ॥২-৬৪-৪১॥
64.42
যান্তি শূরা গতিম্ যাম্ চ সম্গ্রামেষ্ব্ অনিবর্তিনঃ ।
হতাঃ তু অভিমুখাঃ পুত্র গতিম্ তাম্ পরমাম্ ব্রজ ॥২-৬৪-৪২॥
64.43
যাম্ গতিম্ সগরঃ শৈব্যো দিলীপো জনমেজয়ঃ ।
নহুষো ধুন্ধুমারঃ চ প্রাপ্তাঃ তাম্ গচ্চ পুত্রক ॥২-৬৪-৪৩॥
64.44
যা গতিঃ সর্ব সাধূনাম্ স্বাধ্যায়াৎ পতসঃ চ যা ।
ভূমিদস্য আহিত অগ্নেঃ চএক পত্নী ব্রতস্য চ ॥২-৬৪-৪৪॥
64.45
গো সহস্র প্রদাতৃঋণাম্ যা যা গুরুভৃতাম্ অপি ।
দেহ ন্যাস কৃতাম্ যা চ তাম্ গতিম্ গচ্চ পুত্রক ॥২-৬৪-৪৫॥
64.46
ন হি তু অস্মিন্ কুলে জাতঃ গচ্চতি অকুশলাম্ গতিম্ ।
স তু যাস্যতি যেন ত্বম্ নিহতো মম বান্ধবঃ ॥২-৬৪-৪৬॥
64.47
এবম্ স কৃপণম্ তত্র পর্যদেবয়ত অসকৃৎ ।
ততঃ অস্মৈ কর্তুম্ উদকম্ প্রবৃত্তঃ সহ ভার্যয়া ॥২-৬৪-৪৭॥
64.48
স তু দিব্যেন রূপেণ মুনি পুত্রঃ স্ব কর্মভিঃ ।
স্বর্গমাধ্যারুহৎ খ্ষিপ্রম্ শক্রেণ সহ খর্মবিৎ ॥২-৬৪-৪৮॥
64.49
আবভাষে চ বৃদ্ধৌ তৌ সহ শক্রেণ তাপসঃ ।
আশ্বাস্য চ মুহূর্তম্ তু পিতরৌ বাক্যম্ অব্রবীৎ ॥২-৬৪-৪৯॥
64.50
স্থানম্ অস্মি মহৎ প্রাপ্তঃ ভবতোহ্ পরিচারণাৎ ।
ভবন্তাব্ অপি চ ক্ষিপ্রম্ মম মূলম্ উপৈষ্যতঃ ॥২-৬৪-৫০॥
64.51
এবম্ উক্ত্বা তু দিব্যেন বিমানেন বপুষ্মতা ।
আরুরোহ দিবম্ ক্ষিপ্রম্ মুনি পুত্রঃ জিত ইন্দ্রিয়ঃ ॥২-৬৪-৫১॥
64.52
স কৃত্বা তু উদকম্ তূর্ণম্ তাপসঃ সহ ভার্যয়া ।
মাম্ উবাচ মহা তেজাঃ কৃত অন্জলিম্ উপস্থিতম্ ॥২-৬৪-৫২॥
64.53
অদ্য এব জহি মাম্ রাজন্ মরণে ন অস্তি মে ব্যথা ।
যৎ শরেণ এক পুত্রম্ মাম্ ত্বম্ অকার্ষীর্ অপুত্রকম্ ॥২-৬৪-৫৩॥
64.54
ত্বয়া তু যদ্ অবিজ্ঞানান্ নিহতঃ মে সুতঃ শুচিঃ ।
তেন ত্বাম্ অভিশপ্স্যামি সুদুহ্খম্ অতিদারুণম্ ॥২-৬৪-৫৪॥
64.55
পুত্র ব্যসনজম্ দুহ্খম্ যদ্ এতন্ মম সাম্প্রতম্ ।
এবম্ ত্বম্ পুত্র শোকেন রাজন্ কালম্ করিষ্যসি ॥২-৬৪-৫৫॥
64.56
অজ্ঞানাত্তু হতো যস্মাৎ ক্ষত্রিয়েণ ত্বয়া মুনিঃ ।
তস্মাত্ত্বাম্ নাবিশত্যাশু ব্রহ্মহত্যা নরাধিপ ॥২-৬৪-৫৬॥
64.57
ত্বামপ্যেতাদৃশো ভাবঃ ক্ষিপ্রমেব গমিষ্যতি ।
জীবিতান্তকরো ঘোরো দাতারমিব দক্ষিণা ॥২-৬৪-৫৭॥
64.58
এবম্ শাপম্ ময়ি ন্যস্য বিলপ্য করুণম্ বহু ।
চিতামারোপ্য দেহম্ তন্মিথুনম্ স্বর্গমভ্যয়াৎ ॥২-৬৪-৫৮॥
64.59
তদেতচ্চিন্তয়ানেন স্মঋতম্ পাপম্ ময়া স্বয়ম্ ।
তদা বাল্যাত্কৃতম্ দেবি শব্দবেধ্যনুকর্ষিণা ॥২-৬৪-৫৯॥
64.60
তস্যায়ম্ কর্মণো দেবি বিপাকঃ সমুপস্থিতঃ ।
অপথ্যৈঃ সহ সম্ভুক্তে ব্যাধিরন্নরসে যথা ॥২-৬৪-৬০॥
64.61
তস্মান্ মাম্ আগতম্ ভদ্রে তস্য উদারস্য তৎ বচঃ ।
যদ্ অহম্ পুত্র শোকেন সম্ত্যক্ষ্যাম্য্ অদ্য জীবিতম্ ॥২-৬৪-৬১॥
64.62
চক্ষুর্ভ্যাম্ ত্বাম্ ন পশ্যামি কৌসল্যে সাধু মাম্স্ফৃশ ।
ইত্যুক্ত্বা স রুদম্স্ত্রস্তো ভার্যামাহ চ ভূমিপঃ ॥২-৬৪-৬২॥
64.63
এতন্মে সদৃশম্ দেবি যন্ময়া রাঘবে কৃতম্ ।
সদৃশম্ তত্তু তস্যৈব যদনেন কৃতম্ ময়ি ॥২-৬৪-৬৩॥
64.64
দুর্বৃত্তমপি কঃ পুত্রম্ ত্যজেদ্ভুবি বিচক্ষণঃ ।
কশ্চ প্রব্রাজ্যমানো বা নাসূয়েত্পিতরম্ সুতঃ ॥২-৬৪-৬৪॥
64.65
যদি মাম্ সম্স্পৃশেদ্ রামঃ সকৃদদ্য লভেত বা ।
যমক্ষয়মনুপ্রাপ্তা দ্রক্ষ্যন্তি ন হি মানবাঃ ॥২-৬৪-৬৫॥
64.66
চক্ষুষা ত্বাম্ ন পশ্যামি স্মৃতির্ মম বিলুপ্যতে ।
দূতা বৈবস্বতস্য এতে কৌসল্যে ত্বরয়ন্তি মাম্ ॥২-৬৪-৬৬॥
64.67
অতঃ তু কিম্ দুহ্খতরম্ যদ্ অহম্ জীবিত ক্ষয়ে ।
ন হি পশ্যামি ধর্মজ্ঞম্ রামম্ সত্য পরাক্যমম্ ॥২-৬৪-৬৭॥
64.68
তস্যাদর্শনজঃ শোকঃ সুতস্যাপ্রতিকর্মণঃ ।
উচ্চোষয়তি মে প্রাণান্বারি স্তোকমিবাতবঃ ॥২-৬৪-৬৮॥
64.69
ন তে মনুষ্যা দেবাঃ তে যে চারু শুভ কুণ্ডলম্ ।
মুখম্ দ্রক্ষ্যন্তি রামস্য বর্ষে পন্চ দশে পুনঃ ॥২-৬৪-৬৯॥
64.70
পদ্ম পত্র ঈক্ষণম্ সুভ্রু সুদম্ষ্ট্রম্ চারু নাসিকম্ ।
ধন্যা দ্রক্ষ্যন্তি রামস্য তারা অধিপ নিভম্ মুখম্ ॥২-৬৪-৭০॥
64.71
সদৃশম্ শারদস্য ইন্দোহ্ ফুল্লস্য কমলস্য চ ।
সুগন্ধি মম নাথস্য ধন্যা দ্রক্ষ্যন্তি তন্ মুখম্ ॥২-৬৪-৭১॥
64.72
নিবৃত্ত বন বাসম্ তম্ অয়োধ্যাম্ পুনর্ আগতম্ ।
দ্রক্ষ্যন্তি সুখিনো রামম্ শুক্রম্ মার্গ গতম্ যথা ॥২-৬৪-৭২॥
64.73
কৌসল্যে চিত্ত মোহেন হৃদয়ম্ সীদতীব মে ।
বেদয়ে ন চ সমুক্তান্ শব্দস্পর্শরসানহম্ ॥২-৬৪-৭৩॥
64.74
চিত্তনাশাদ্বিপদ্যন্তে সর্বাণ্যেবেন্দ্রিয়াণি মে ।
ক্ষিণস্নেহস্য দীপস্য সম্সক্তা রশ্ময়ো যথা ॥২-৬৪-৭৪॥
64.75
অয়ম্ আত্ম ভবঃ শোকো মাম্ অনাথম্ অচেতনম্ ।
সম্সাদয়তি বেগেন যথা কূলম্ নদী রয়ঃ ॥২-৬৪-৭৫॥
64.76
হা রাঘব মহা বাহো হা মম আয়াস নাশন ।
হা পিতৃপ্রিয় মে নাথ হাদ্য ক্বাসি গতঃ সুত ॥২-৬৪-৭৬॥
64.77
হা কৌসল্যে নশিষ্যামি হা সুমিত্রে তপস্বিনি ।
হা নৃশম্সে মমামিত্রে কৈকেয়ি কুলপাম্সনি ॥২-৬৪-৭৭॥
64.78
ইতি রামস্য মাতুশ্চ সুমিত্রায়াশ্চ সন্নিধৌ ।
রাজা দশরথঃ শোচন্ জীবিত অন্তম্ উপাগমৎ ॥২-৬৪-৭৮॥
64.79
যথা তু দীনম্ কথয়ন্ নর অধিপঃ ।
প্রিয়স্য পুত্রস্য বিবাসন আতুরঃ ।গতে অর্ধ রাত্রে ভৃশ দুহ্খ পীডিতঃ ।তদা জহৌ প্রাণম্ উদার দর্শনঃ ॥২-৬৪-৭৯॥