Utshovসর্গ 57
57.1
কথয়িত্বা সুদুহ্খ আর্তঃ সুমন্ত্রেণ চিরম্ সহ ।
রামে দক্ষিণ কূলস্থে জগাম স্ব গৃহম্ গুহঃ ॥২-৫৭-১॥
57.2
ভরদ্বাজাভিগমনম্ প্রয়াগে চ সহাসনম্ ।
আগিরের্গমনম্ তেষাম্ তত্রস্থৈরভিলক্ষিতম্ ॥২-৫৭-২॥
57.3
অনুজ্ঞাতঃ সুমন্ত্রঃ অথ যোজয়িত্বা হয় উত্তমান্ ।
অয়োধ্যাম্ এব নগরীম্ প্রয়য়ৌ গাঢ দুর্মনাঃ ॥২-৫৭-৩॥
57.4
স বনানি সুগন্ধীনি সরিতঃ চ সরাম্সি চ ।
পশ্যন্ন্ অতিয়য়ৌ শীঘ্রম্ গ্রামাণি নগরাণি চ ॥২-৫৭-৪॥
57.5
ততঃ সায় অহ্ন সময়ে তৃতীয়ে অহনি সারথিঃ ।
অয়োধ্যাম্ সমনুপ্রাপ্য নিরানন্দাম্ দদর্শ হ ॥২-৫৭-৫॥
57.6
স শূন্যাম্ ইব নিহ্শব্দাম্ দৃষ্ট্বা পরম দুর্মনাঃ ।
সুমন্ত্রঃ চিন্তয়াম্ আস শোক বেগ সমাহতঃ ॥২-৫৭-৬॥
57.7
কচ্চিন্ ন সগজা সাশ্বা সজনা সজন অধিপা ।
রাম সম্তাপ দুহ্খেন দগ্ধা শোক অগ্নিনা পুরী ॥২-৫৭-৭॥
57.8
ইতি চিন্তা পরঃ সূতঃ বাজিভিঃ শ্রীঘ্রপাতিভিঃ ।
নগরদ্বারমাসাদ্য ত্বরিতঃ প্রবিবেশ হ ॥২-৫৭-৮॥
57.9
সুমন্ত্রম্ অভিয়ান্তম্ তম্ শতশো অথ সহস্রশঃ ।
ক্ব রামৈতি পৃচ্চন্তঃ সূতম্ অভ্যদ্রবন্ নরাঃ ॥২-৫৭-৯॥
57.10
তেষাম্ শশম্স গঙ্গায়াম্ অহম্ আপৃচ্চ্য রাঘবম্ ।
অনুজ্ঞাতঃ নিবৃত্তঃ অস্মি ধার্মিকেণ মহাত্মনা ॥২-৫৭-১০॥
57.11
তে তীর্ণাইতি বিজ্ঞায় বাষ্প পূর্ণ মুখা জনাঃ ।
অহো ধিগ্ ইতি নিশ্শ্বস্য হা রাম ইতি চ চুক্রুশুঃ ॥২-৫৭-১১॥
57.12
শুশ্রাব চ বচঃ তেষাম্ বৃন্দম্ বৃন্দম্ চ তিষ্ঠতাম্ ।
হতাঃ স্ম খলু যে ন ইহ পশ্যামৈতি রাঘবম্ ॥২-৫৭-১২॥
57.13
দান যজ্ঞ বিবাহেষু সমাজেষু মহত্সু চ ।
ন দ্রক্ষ্যামঃ পুনর্ জাতু ধার্মিকম্ রামম্ অন্তরা ॥২-৫৭-১৩॥
57.14
কিম্ সমর্থম্ জনস্য অস্য কিম্ প্রিয়ম্ কিম্ সুখ আবহম্ ।
ইতি রামেণ নগরম্ পিতৃবৎ পরিপালিতম্ ॥২-৫৭-১৪॥
57.15
বাত অয়ন গতানাম্ চ স্ত্রীণাম্ অন্বন্তর আপণম্ ।
রাম শোক অভিতপ্তানাম্ শুশ্রাব পরিদেবনম্ ॥২-৫৭-১৫॥
57.16
স রাজ মার্গ মধ্যেন সুমন্ত্রঃ পিহিত আননঃ ।
যত্র রাজা দশরথঃ তৎ এব উপয়য়ৌ গৃহম্ ॥২-৫৭-১৬॥
57.17
সো অবতীর্য রথাৎ শীঘ্রম্ রাজ বেশ্ম প্রবিশ্য চ ।
কক্ষ্যাঃ সপ্ত অভিচক্রাম মহা জন সমাকুলাঃ ॥২-৫৭-১৭॥
57.18
হর্ম্যৈর্বিমানৈঃ প্রাসাদৈরবেক্ষ্যাথ সমাগতম্ ।
হাহাকারকৃতা নার্যো রামদর্শনকর্শিতাঃ ॥২-৫৭-১৮॥
57.19
আয়তৈর্বিমলৈর্নেত্রৈরশ্রুবেগপরিপ্লুতৈঃ ।
অন্যোন্যমভিবীক্ষন্তেঽব্যক্তমার্ততরাঃ স্ত্রীয়ঃ ॥২-৫৭-১৯॥
57.20
ততঃ দশরথ স্ত্রীণাম্ প্রাসাদেভ্যঃ ততঃ ততঃ ।
রাম শোক অভিতপ্তানাম্ মন্দম্ শুশ্রাব জল্পিতম্ ॥২-৫৭-২০॥
57.21
সহ রামেণ নির্যাতঃ বিনা রামম্ ইহ আগতঃ ।
সূতঃ কিম্ নাম কৌসল্যাম্ শোচন্তীম্ প্রতি বক্ষ্যতি ॥২-৫৭-২১॥
57.22
যথা চ মন্যে দুর্জীবম্ এবম্ ন সুকরম্ ধ্রুবম্ ।
আচ্চিদ্য পুত্রে নির্যাতে কৌসল্যা যত্র জীবতি ॥২-৫৭-২২॥
57.23
সত্য রূপম্ তু তৎ বাক্যম্ রাজ্ঞঃ স্ত্রীণাম্ নিশাময়ন্ ।
প্রদীপ্তম্ ইব শোকেন বিবেশ সহসা গৃহম্ ॥২-৫৭-২৩॥
57.24
স প্রবিশ্য অষ্টমীম্ কক্ষ্যাম্ রাজানম্ দীনম্ আতুলম্ ।
পুত্র শোক পরিম্লানম্ অপশ্যৎ পাণ্ডুরে গৃহে ॥২-৫৭-২৪॥
57.25
অভিগম্য তম্ আসীনম্ নর ইন্দ্রম্ অভিবাদ্য চ ।
সুমন্ত্রঃ রাম বচনম্ যথা উক্তম্ প্রত্যবেদয়ৎ ॥২-৫৭-২৫॥
57.26
স তূষ্ণীম্ এব তৎ শ্রুত্বা রাজা বিভ্রান্ত চেতনঃ ।
মূর্চিতঃ ন্যপতৎ ভূমৌ রাম শোক অভিপীডিতঃ ॥২-৫৭-২৬॥
57.27
ততঃ অন্তঃ পুরম্ আবিদ্ধম্ মূর্চিতে পৃথিবী পতৌ ।
উদ্ধৃত্য বাহূ চুক্রোশ নৃপতৌ পতিতে ক্ষিতৌ ॥২-৫৭-২৭॥
57.28
সুমিত্রয়া তু সহিতা কৌসল্যা পতিতম্ পতিম্ ।
উত্থাপয়াম্ আস তদা বচনম্ চ ইদম্ অব্রবীৎ ॥২-৫৭-২৮॥
57.29
ইমম্ তস্য মহা ভাগ দূতম্ দুষ্কর কারিণঃ ।
বন বাসাৎ অনুপ্রাপ্তম্ কস্মান্ ন প্রতিভাষসে ॥২-৫৭-২৯॥
57.30
অদ্য ইমম্ অনয়ম্ কৃত্বা ব্যপত্রপসি রাঘব ।
উত্তিষ্ঠ সুকৃতম্ তে অস্তু শোকে ন স্যাৎ সহায়তা ॥২-৫৭-৩০॥
57.31
দেব যস্যা ভয়াৎ রামম্ ন অনুপৃচ্চসি সারথিম্ ।
ন ইহ তিষ্ঠতি কৈকেয়ী বিশ্রব্ধম্ প্রতিভাষ্যতাম্ ॥২-৫৭-৩১॥
57.32
সা তথা উক্ত্বা মহা রাজম্ কৌসল্যা শোক লালসা ।
ধরণ্যাম্ নিপপাত আশু বাষ্প বিপ্লুত ভাষিণী ॥২-৫৭-৩২॥
57.33
এবম্ বিলপতীম্ দৃষ্ট্বা কৌসল্যাম্ পতিতাম্ ভুবি ।
পতিম্ চ অবেক্ষ্য তাঃ সর্বাঃ সুস্বরম্ রুরুদুঃ স্ত্রিয়ঃ ॥২-৫৭-৩৩॥
57.34
ততঃ তম্ অন্তঃ পুর নাদম্ উত্থিতম্ ।
সমীক্ষ্য বৃদ্ধাঃ তরুণাঃ চ মানবাঃ ।স্ত্রিয়ঃ চ সর্বা রুরুদুঃ সমন্ততঃ ।পুরম্ তদা আসীৎ পুনর্ এব সম্কুলম্ ॥২-৫৭-৩৪॥