Utshovসর্গ 28
28.1
সএবম্ ব্রুবতীম্ সীতাম্ ধর্মজ্ঞো ধর্ম বত্সলঃ ।
নিবর্তন অর্থে ধর্ম আত্মা বাক্যম্ এতৎ উবাচ হ ॥২-২৮-১॥
28.2
সান্ত্বয়িত্বা পুনস্তাম্ তু বাষ্পদূষিতলোচনাম্ ।
নিবর্তনার্থে ধর্মাত্মা বাক্যমেতদুবাচ হ ॥২-২৮-২॥
28.3
সীতে মহা কুলীনা অসি ধর্মে চ নিরতা সদা ।
ইহ আচর স্বধর্মম্ ত্বম্ মা যথা মনসঃ সুখম্ ॥২-২৮-৩॥
28.4
সীতে যথা ত্বাম্ বক্ষ্যামি তথা কার্যম্ ত্বয়া অবলে ।
বনে দোষা হি বহবো বদতঃ তান্ নিবোধ মে ॥২-২৮-৪॥
28.5
সীতে বিমুচ্যতাম্ এষা বন বাস কৃতা মতিঃ ।
বহু দোষম্ হি কান্তারম্ বনম্ ইতি অভিধীয়তে ॥২-২৮-৫॥
28.6
হিত বুদ্ধ্যা খলু বচো ময়া এতৎ অভিধীয়তে ।
সদা সুখম্ ন জানামি দুহ্খম্ এব সদা বনম্ ॥২-২৮-৬॥
28.7
গিরি নির্ঝর সম্ভূতা গিরি কন্দর বাসিনাম্ ।
সিম্হানাম্ নিনদা দুহ্খাঃ শ্রোতুম্ দুহ্খম্ অতঃ বনম্ ॥২-২৮-৭॥
28.8
ক্রীডমানাশ্চ বিস্রব্ধা মত্তাহ্ শূন্যে মহামৃগাঃ ।
দৃষ্ট্বা সমভিবর্তন্তে সীতে দুঃখমতো বনম্ ॥২-২৮-৮॥
28.9
সগ্রাহাঃ সরিতশ্চৈব পঙ্কবত্যশ্চ দুস্তরাঃ ।
মত্তৈরপি গজৈর্নিত্যমতো দুঃখতরম্ বনম্ ॥২-২৮-৯॥
28.10
লতাকণ্টকসম্পূর্ণাঃ কৃকবাকূপনাদিতাঃ ।
নিরপাশ্চ সুদুর্গাশ্চ মার্গা দুঃখমতো বনম্ ॥২-২৮-১০॥
28.11
সুপ্যতে পর্ণ শয্যাসু স্বয়ম্ ভগ্নাসু ভূ তলে ।
রাত্রিষু শ্রম খিন্নেন তস্মাৎ দুহ্খতরম্ বনম্ ॥২-২৮-১১॥
28.12
অহোরাত্রম্ চ সন্তোষঃ কর্তব্যো নিয়তাত্মনা ।
ফলৈর্বৃক্ষাবপতিতৈঃ সীতে দুঃখমতো বনম্ ॥২-২৮-১২॥
28.13
উপবাসঃ চ কর্তব্যা যথা প্রাণেন মৈথিলি ।
জটা ভারঃ চ কর্তব্যো বল্কল অম্বর ধারিণা ॥২-২৮-১৩॥
28.14
দেবতানাম্ পিতৃইণাম্ চকর্তব্যম্ বিধিপূর্বকম্ ।
প্রাপ্তানামতিথীনাম্ চ নিত্যশঃ প্রতিপূজনম্ ॥২-২৮-১৪॥
28.15
কার্যস্ত্রীরভিষেকশ্চ কালে কালে চ নিত্যশঃ ।
চরতা নিয়মেনৈব তস্মাদ্দুঃখতরম্ বনম্ ॥২-২৮-১৫॥
28.16
উপহারশ্চ কর্তব্যঃ কুসুমৈঃ স্বয়মাহৃতৈঃ ।
আর্ষেণ বিধিনা বেদ্যাম্ বালে দুঃখমতো বনম্ ॥২-২৮-১৬॥
28.17
যথালব্ধেন কর্তব্যঃ সন্তোষ্স্তেন মৈথিলি ।
যতাহারৈর্বনচরৈঃ সীতে দুঃখমতো বনম্ ॥২-২৮-১৭॥
28.18
অতীব বাতঃ তিমিরম্ বুভুক্ষা চ অত্র নিত্যশঃ ।
ভয়ানি চ মহান্তি অত্র ততঃ দুহ্খতরম্ বনম্ ॥২-২৮-১৮॥
28.19
সরী সৃপাঃ চ বহবো বহু রূপাঃ চ ভামিনি ।
চরন্তি পৃথিবীম্ দর্পাৎ অতঃ দুখতরম্ বনম্ ॥২-২৮-১৯॥
28.20
নদী নিলয়নাঃ সর্পা নদী কুটিল গামিনঃ ।
তিষ্ঠন্তি আবৃত্য পন্থানম্ অতঃ দুহ্খতরম্ বনম্ ॥২-২৮-২০॥
28.21
পতম্গা বৃশ্চিকাঃ কীটা দম্শাঃ চ মশকৈঃ সহ ।
বাধন্তে নিত্যম্ অবলে সর্বম্ দুহ্খম্ অতঃ বনম্ ॥২-২৮-২১॥
28.22
দ্রুমাঃ কণ্টকিনঃ চৈব কুশ কাশাঃ চ ভামিনি ।
বনে ব্যাকুল শাখা অগ্রাঃ তেন দুহ্খতরম্ বনম্ ॥২-২৮-২২॥
28.23
কায়ক্লেশাশ্চ বহবো ভয়ানি বিবিধানি চ ।
অরণ্যবাসে বসতো ক্ধুঃখমেব ততো বনম্ ॥২-২৮-২৩॥
28.24
ক্রোধলোভে বিমোক্তব্যৌ কর্তব্যা তপসে মতিঃ ।
ন ভেতব্যম্ চ ভেতব্যে নিত্যম্ দুঃখমতো বনম্ ॥২-২৮-২৪॥
28.25
তৎ অলম্ তে বনম্ গত্বা ক্ষমম্ ন হি বনম্ তব ।
বিমৃশন্ন্ ইহ পশ্যামি বহু দোষতরম্ বনম্ ॥২-২৮-২৫॥
28.26
বনম্ তু নেতুম্ ন কৃতা মতিস্ তদা ।
বভূব রামেণ যদা মহাত্মনা ।ন তস্য সীতা বচনম্ চকার তৎ ।ততঃ অব্রবীদ্ রামম্ ইদম্ সুদুহ্খিতা ॥২-২৮-২৬॥