সর্গ 27

27.1

এবম্ উক্তা তু বৈদেহী প্রিয় অর্হা প্রিয় বাদিনী ।
প্রণয়াৎ এব সম্ক্রুদ্ধা ভর্তারম্ ইদম্ অব্রবীৎ ॥২-২৭-১॥

কিমিদম্ ভাষসে রাম বাক্যম্ লঘুতয়া ধ্রুবম্ ।
ত্বয়া যদপহাস্যম্ মে শ্রুত্বা নরবরাত্মজ ॥২-২৭-২॥

আর্য পুত্র পিতা মাতা ভ্রাতা পুত্রঃ তথা স্নুষা ।
স্বানি পুণ্যানি ভুন্জানাঃ স্বম্ স্বম্ ভাগ্যম্ উপাসতে ॥২-২৭-৩॥

ভর্তুর্ ভাগ্যম্ তু ভার্যা একা প্রাপ্নোতি পুরুষ ঋষভ ।
অতঃ চৈব অহম্ আদিষ্টা বনে বস্তব্যম্ ইতি অপি ॥২-২৭-৪॥

ন পিতা ন আত্মজো ন আত্মা ন মাতা ন সখী জনঃ ।
ইহ প্রেত্য চ নারীণাম্ পতির্ একো গতিঃ সদা ॥২-২৭-৫॥

যদি ত্বম্ প্রস্থিতঃ দুর্গম্ বনম্ অদ্য এব রাঘব ।
অগ্রতঃ তে গমিষ্যামি মৃদ্নন্তী কুশ কণ্টকান্ ॥২-২৭-৬॥

ঈর্ষ্যা রোষৌ বহিষ্ কৃত্য ভুক্ত শেষম্ ইব উদকম্ ।
নয় মাম্ বীর বিশ্রব্ধঃ পাপম্ ময়ি ন বিদ্যতে ॥২-২৭-৭॥

প্রাসাদ অগ্রৈঃ বিমানৈঃ বা বৈহায়স গতেন বা ।
সর্ব অবস্থা গতা ভর্তুঃ পাদচ্ চায়া বিশিষ্যতে ॥২-২৭-৮॥

অনুশিষ্টা অস্মি মাত্রা চ পিত্রা চ বিবিধ আশ্রয়ম্ ।
ন অস্মি সম্প্রতি বক্তব্যা বর্তিতব্যম্ যথা ময়া ॥২-২৭-৯॥

অহম্ দুর্গম্ গমিষ্যামি বনম্ পুরুষবর্জিতম্ ।
নানামৃগগণাকীর্ণম্ শার্দূলবৃকসেবিতম্ ॥২-২৭-১০॥

সুখম্ বনে নিবত্স্যামি যথা এব ভবনে পিতুঃ ।
অচিন্তয়ন্তী ত্রীম্ল্ লোকামঃ চিন্তয়ন্তী পতি ব্রতম্ ॥২-২৭-১১॥

শুশ্রূষমাণা তে নিত্যম্ নিয়তা ব্রহ্ম চারিণী ।
সহ রম্স্যে ত্বয়া বীর বনেষু মধু গন্ধিষু ॥২-২৭-১২॥

ত্বম্ হি কর্তুম্ বনে শক্তঃ রাম সম্পরিপালনম্ ।
অন্যস্য পৈ জনস্য ইহ কিম্ পুনর্ মম মানদ ॥২-২৭-১৩॥

সহ ত্বয়া গমিশ্যামি বসমদ্য ন সম্শয়ঃ ।
নাহম্ শক্যা মহাভাগ নিবর্তয়িতু মুদ্যতা ॥২-২৭-১৪॥

ফল মূল অশনা নিত্যম্ ভবিষ্যামি ন সম্শয়ঃ ।
ন তে দুহ্খম্ করিষ্যামি নিবসন্তী সহ ত্বয়া ॥২-২৭-১৫॥

ইচ্চামি সরিতঃ শৈলান্ পল্বলানি বনানি চ ।
দ্রষ্টুম্ সর্বত্র নির্ভীতা ত্বয়া নাথেন ধীমতা ॥২-২৭-১৬॥

হম্স কারণ্ডব আকীর্ণাঃ পদ্মিনীঃ সাধু পুষ্পিতাঃ ।
ইচ্চেয়ম্ সুখিনী দ্রষ্টুম্ ত্বয়া বীরেণ সম্গতা ॥২-২৭-১৭॥

অভিষেকম্ করিষ্যামি তাসু নিত্যম্ যতব্রতা ।
সহ ত্বয়া বিশাল অক্ষ রম্স্যে পরম নন্দিনী ॥২-২৭-১৮॥

এবম্ বর্ষ সহস্রাণাম্ শতম্ বা অহম্ ত্বয়া সহ ।
ব্যতিক্রমম্ ন বেত্স্যামি স্বর্গোঽপি হি ন মে মতঃ ॥২-২৭-১৯॥

স্বর্গে অপি চ বিনা বাসো ভবিতা যদি রাঘব ।
ত্বয়া মম নর ব্যাঘ্র ন অহম্ তম্ অপি রোচয়ে ॥২-২৭-২০॥

অহম্ গমিষ্যামি বনম্ সুদুর্গমম্ ।
মৃগ আয়ুতম্ বানর বারণৈঃ যুতম্ ।বনে নিবত্স্যামি যথা পিতুর্ গৃহে ।তব এব পাদাব্ উপগৃহ্য সম্মতা ॥২-২৭-২১॥

অনন্য ভাবাম্ অনুরক্ত চেতসম্ ।
ত্বয়া বিয়ুক্তাম্ মরণায় নিশ্চিতাম্ ।নয়স্ব মাম্ সাধু কুরুষ্ব যাচনাম্ ।ন তে ময়া অতঃ গুরুতা ভবিষ্যতি ॥২-২৭-২২॥

তথা ব্রুবাণাম্ অপি ধর্ম বত্সলো ।
ন চ স্ম সীতাম্ নৃ বরঃ নিনীষতি ।উবাচ চ এনাম্ বহু সম্নিবর্তনে ।বনে নিবাসস্য চ দুহ্খিতাম্ প্রতি ॥২-২৭-২৩॥