সূক্ত 99

99.1

৮ রেভসূনূ কাশ্যপৌ । পবমানঃ সোমঃ ।অনুষ্টুপ্ ,১ বৃহতী।

আ হর্যতায় ধৃষ্ণবে ধনুস্তন্বন্তি পৌংস্যম্ ।
শুক্রাং বয়ন্ত্যসুরায় নির্ণিজং বিপামগ্রে মহীয়ুবঃ ॥১॥

99.2

অধ ক্ষপা পরিষ্কৃতো বাজাঁ অভি প্র গাহতে । যদী বিবস্বতো ধিয়ো হরিং হিন্বন্তি যাতবে ॥২॥

99.3

তমস্য মর্জয়ামসি মদো য ইন্দ্রপাতমঃ । যং গাব আসভির্দধুঃ পুরা নূনং চ সূরয়ঃ ॥৩॥

99.4

তং গাথয়া পুরাণ্যা পুনানমভ্যনূষত । উতো কৃপন্ত ধীতয়ো দেবানাং নাম বিভ্রতীঃ ॥৪॥

99.5

তমুক্ষমাণমব্যয়ে বারে পুনন্তি ধর্ণসিম্ । দূতং ন পূর্বচিত্তয় আ শাসতে মনীষিণঃ ॥৫॥

99.6

স পুনানো মদিন্তমঃ সোমশ্চমূষু সীদতি । পশৌ ন রেত আদধত্পতির্বচস্যতে ধিয়ঃ ॥৬॥

99.7

স মৃজ্যতে সুকর্মভির্দেবো দেবেভ্যঃ সুতঃ । বিদে যদাসু সংদদির্মহীরপো বি গাহতে ॥৭॥

99.8

সুত ইন্দো পবিত্র আ নৃভির্যতো বি নীয়সে । ইন্দ্রায় মত্সরিন্তমশ্চমূষ্বা নি ষীদসি ॥৮॥