সূক্ত 100

100.1

৯ রেভসূনূ কাশ্যপৌ । পবমানঃ সোমঃ । অনুষ্টুপ্ ।

অভী নবন্তে অদ্রুহঃ প্রিয়মিন্দ্রস্য কাম্যম্ । বত্সং ন পূর্ব আয়ুনি জাতং রিহন্তি মাতরঃ ॥১॥

100.2

পুনান ইন্দবা ভর সোম দ্বিবর্হসং রয়িম্ । ত্বং বসূনি পুষ্যসি বিশ্বানি দাশুষো গৃহে ॥২॥

100.3

ত্বং ধিয়ং মনোয়ুজং সৃজা বৃষ্টিং ন তন্যতুঃ । ত্বং বসূনি পার্থিবা দিব্যা চ সোম পুষ্যসি ॥৩॥

100.4

পরি তে জিগ্যুষো যথা ধারা সুতস্য ধাবতি । রংহমাণা ব্য১ব্যয়ং বারং বাজীব সানসিঃ ॥৪॥

100.5

ক্রত্বে দক্ষায় নঃ কবে পবস্ব সোম ধারয়া । ইন্দ্রায় পাতবে সুতো মিত্রায় বরুণায় চ ॥৫॥

100.6

পবস্ব বাজসাতমঃ পবিত্রে ধারয়া সুতঃ । ইন্দ্রায় সোম বিষ্ণবে দেবেভ্যো মধুমত্তমঃ ॥৬॥

100.7

ত্বাং রিহন্তি মাতরো হরিং পবিত্রে অদ্রুহঃ । বত্সং জাতং ন ধেনবঃ পবমান বিধর্মণি ॥৭॥

100.8

পবমান মহি শ্রবশ্চিত্রেভির্যাসি রশ্মিভিঃ । শর্ধন্তমাংসি জিঘ্নসে বিশ্বানি দাশুষো গৃহে ॥৮॥

100.9

ত্বং দ্যাং চ মহিব্রত পৃথিবীং চাতি জভ্রিষে । প্রতি দ্রাপিমমুঞ্চথাঃ পবমান মহিত্বনা ॥৯॥