সূক্ত 98

98.1

১২ অম্বরীষো বার্ষাগিরঃ, ঋজিশ্বা ভারদ্বাজশ্চ । পবমানঃ সোমঃ ।অনুষ্টুপ্ , ১১ বৃহতী ।

অভি নো বাজসাতমং রয়িমর্ষ পুরুস্পৃহম্ । ইন্দো সহস্রভর্ণসং তুবিদ্যুম্নং বিভ্বাসহম্ ॥১॥

98.2

পরি ষ্য সুবানো অব্যয়ং রথে ন বর্মাব্যত । ইন্দুরভি দ্রুণা হিতো হিয়ানো ধারাভিরক্ষাঃ ॥২॥

98.3

পরি ষ্য সুবানো অক্ষা ইন্দুরব্যে মদচ্যুতঃ । ধারা য ঊর্ধ্বো অধ্বরে ভ্রাজা নৈতি গব্যয়ুঃ ॥৩॥

98.4

স হি ত্বং দেব শশ্বতে বসু মর্তায় দাশুষে । ইন্দো সহস্রিণং রয়িং শতাত্মানং বিবাসসি ॥৪॥

98.5

বয়ং তে অস্য বৃত্রহন্বসো বস্বঃ পুরুস্পৃহঃ । নি নেদিষ্ঠতমা ইষঃ স্যাম সুম্নস্যাধ্রিগো ॥৫॥

98.6

দ্বির্যং পঞ্চ স্বয়শসং স্বসারো অদ্রিসংহতম্ । প্রিয়মিন্দ্রস্য কাম্যং প্রস্নাপয়ন্ত্যূর্মিণম্ ॥৬॥

98.7

পরি ত্যং হর্যতং হরিং বভ্রুং পুনন্তি বারেণ । যো দেবান্বিশ্বাঁ ইত্পরি মদেন সহ গচ্ছতি ॥৭॥

98.8

অস্য বো হ্যবসা পান্তো দক্ষসাধনম্ । যঃ সূরিষু শ্রবো বৃহদ্দধে স্ব১র্ণ হর্যতঃ ॥৮॥

98.9

স বাং যজ্ঞেষু মানবী ইন্দুর্জনিষ্ট রোদসী । দেবো দেবী গিরিষ্ঠা অস্রেধন্তং তুবিষ্বণি ॥৯॥

98.10

ইন্দ্রায় সোম পাতবে বৃত্রঘ্নে পরি ষিচ্যসে । নরে চ দক্ষিণাবতে দেবায় সদনাসদে ॥১০॥

98.11

তে প্রত্নাসো ব্যুষ্টিষু সোমাঃ পবিত্রে অক্ষরন্ ।
অপপ্রোথন্তঃ সনুতর্হুরশ্চিতঃ প্রাতস্তাঁ অপ্রচেতসঃ ॥১১॥

98.12

তং সখায়ঃ পুরোরুচং যূয়ং বয়ং চ সূরয়ঃ । অশ্যাম বাজগন্ধ্যং সনেম বাজপস্ত্যম্ ॥১২॥