সূক্ত 95

95.1

৫ প্রস্কণ্বঃ কাণ্বঃ । পবমানঃ সোমঃ । ত্রিষ্টুপ্ ।

কনিক্রন্তি হরিরা সৃজ্যমানঃ সীদন্বনস্য জঠরে পুনানঃ ।
নৃভির্যতঃ কৃণুতে নির্ণিজং গা অতো মতীর্জনয়ত স্বধাভিঃ ॥১॥

95.2

হরিঃ সৃজানঃ পথ্যামৃতস্যেয়র্তি বাচমরিতেব নাবম্ ।
দেবো দেবানাং গুহ্যানি নামাঽঽবিষ্কৃণোতি বর্হিষি প্রবাচে ॥২॥

95.3

অপামিবেদূর্ময়স্তর্তুরাণাঃ প্র মনীষা ঈরতে সোমমচ্ছ ।
নমস্যন্তীরুপ চ যন্তি সং চা ঽঽচ বিশন্ত্যুশতীরুশন্তম্ ॥৩॥

95.4

তং মর্মৃজানং মহিষং ন সানাবংশুং দুহন্ত্যুক্ষণং গিরিষ্ঠাম্ ।
তং বাবশানং মতয়ঃ সচন্তে ত্রিতো বিভর্তি বরুণং সমুদ্রে ॥৪॥

95.5

ইষ্যন্বাচমুপবক্তেব হোতুঃ পুনান ইন্দো বি ষ্যা মনীষাম্ ।
ইন্দ্রশ্চ যত্ক্ষয়থঃ সৌভগায় সুবীর্যস্য পতয়ঃ স্যাম ॥৫॥