সূক্ত 74

74.1

৯ কক্ষীবান্ দৈর্ঘতমসঃ । পবমানঃ সোমঃ ।জগতী , ৮ ত্রিষ্টুপ্ ।

শিশুর্ন জাতোঽব চক্রদদ্বনে স্ব১র্যদ্বাজ্যরুষঃ সিষাসতি ।
দিবো রেতসা সচতে পয়োবৃধা তমীমহে সুমতী শর্ম সপ্রথঃ ॥১॥

দিবো যঃ স্কম্ভো ধরুণঃ স্বাতত আপূর্ণো অংশুঃ পর্যেতি বিশ্বতঃ ।
সেমে মহী রোদসী যক্ষদাবৃতা সমীচীনে দাধার সমিষঃ কবিঃ ॥২॥

মহি প্সরঃ সুকৃতং সোম্যং মধূর্বী গব্যূতিরদিতেৠতং যতে ।
ঈশে যো বৃষ্টেরিত উস্রিয়ো বৃষাঽপাং নেতা য ইতঊতিৠগ্মিয়ঃ ॥৩॥

আত্মন্বন্নভো দুহ্যতে ঘৃতং পয় ঋতস্য নাভিরমৃতং বি জায়তে ।
সমীচীনাঃ সুদানবঃ প্রীণন্তি তং নরো হিতমব মেহন্তি পেরবঃ ॥৪॥

অরাবীদংশুঃ সচমান ঊর্মিণা দেবাব্যং১ মনুষে পিন্বতি ত্বচম্ ।
দধাতি গর্ভমদিতেরুপস্থ আ যেন তোকং চ তনয়ং চ ধামহে ॥৫॥

সহস্রধারেঽব তা অসশ্চতস্তৃতীয়ে সন্তু রজসি প্রজাবতীঃ ।
চতস্রো নাভো নিহিতা অবো দিবো হবির্ভরন্ত্যমৃতং ঘৃতশ্চুতঃ ॥৬॥

শ্বেতং রূপং কৃণুতে যত্সিষাসতি সোমো মীঢ্বাঁ অসুরো বেদ ভূমনঃ ।
ধিয়া শমী সচতে সেমভি প্রবদ্দিবস্কবন্ধমব দর্ষদুদ্রিণম্ ॥৭॥

অধ শ্বেতং কলশং গোভিরক্তং কার্ষ্মন্না বাজ্যক্রমীত্সসবান্ ।
আ হিন্বিরে মনসা দেবয়ন্তঃ কক্ষীবতে শতহিমায় গোনাম্ ॥৮॥

অদ্ভিঃ সোম পপৃচানস্য তে রসোঽব্যো বারং বি পবমান ধাবতি ।
স মৃজ্যমানঃ কবিভির্মদিন্তম স্বদস্বেন্দ্রায় পবমান পীতয়ে ॥৯॥