সূক্ত 71

71.1

৯ ঋষভো বৈশ্বামিত্রঃ । পবমানঃ সোমঃ ।জগতী ,৯ ত্রিষ্টুপ্ ।

আ দক্ষিণা সৃজ্যতে শুষ্ম্যা৩সদং বেতি দ্রুহো রক্ষসঃ পাতি জাগৃবিঃ ।
হরিরোপশং কৃণুতে নভস্পয় উপস্তিরে চম্বো৩র্ব্রহ্ম নির্ণিজে ॥১॥

71.2

প্র কৃষ্টিহেব শূষ এতি রোরুবদসুর্যং১ বর্ণং নি রিণীতে অস্য তম্ ।
জহাতি বব্রিং পিতুরেতি নিষ্কৃতমুপপ্রুতং কৃণুতে নির্ণিজং তনা ॥২॥

71.3

অদ্রিভিঃ সুতঃ পবতে গভস্ত্যোর্বৃষায়তে নভসা বেপতে মতী ।
স মোদতে নসতে সাধতে গিরা নেনিক্তে অপ্সু যজতে পরীমণি ॥৩॥

71.4

পরি দ্যুক্ষং সহসঃ পর্বতাবৃধং মধ্বঃ সিঞ্চন্তি হর্ম্যস্য সক্ষণিম্ ।
আ যস্মিন্গাবঃ সুহুতাদ ঊধনি মূর্ধঞ্ছ্রীণন্ত্যগ্রিয়ং বরীমভিঃ ॥৪॥

71.5

সমী রথং ন ভুরিজোরহেষত দশ স্বসারো অদিতেরুপস্থ আ ।
জিগাদুপ জ্রয়তি গোরপীচ্যং পদং যদস্য মতুথা অজীজনন্ ॥৫॥

71.6

শ্যেনো ন যোনিং সদনং ধিয়া কৃতং হিরণ্যয়মাসদং দেব এষতি ।
এ রিণন্তি বর্হিষি প্রিয়ং গিরাঽশ্বো ন দেবাঁ অপ্যেতি যজ্ঞিয়ঃ ॥৬॥

71.7

পরা ব্যক্তো অরুষো দিবঃ কবির্বৃষা ত্রিপৃষ্ঠো অনবিষ্ট গা অভি ।
সহস্রণীতির্যতিঃ পরায়তী রেভো ন পূর্বীরুষসো বি রাজতি ॥৭॥

71.8

ত্বেষং রূপং কৃণুতে বর্ণো অস্য স যত্রাশয়ত্সমৃতা সেধতি স্রিধঃ ।
অপ্সা যাতি স্বধয়া দৈব্যং জনং সং সুষ্টুতী নসতে সং গোঅগ্রয়া ॥৮॥

71.9

উক্ষেব যূথা পরিয়ন্নরাবীদধি ত্বিষীরধিত সূর্যস্য ।
দিব্যঃ সুপর্ণোঽব চক্ষত ক্ষাং সোমঃ পরি ক্রতুনা পশ্যতে জাঃ ॥৯॥