সূক্ত 68

68.1

১০বত্সপ্রির্ভালন্দনঃ । পবমানঃ সোমঃ ।জগতী ,১০ ত্রিষ্টুপ্ ।

প্র দেবমচ্ছা মধুমন্ত ইন্দবোঽসিষ্যদন্ত গাব আ ন ধেনবঃ ।
বর্হিষদো বচনাবন্ত ঊধভিঃ পরিস্রুতমুস্রিয়া নির্ণিজং ধিরে ॥১॥

স রোরুবদভি পূর্বা অচিক্রদদুপারুহঃ শ্রথয়ন্ত্স্বাদতে হরিঃ ।
তিরঃ পবিত্রং পরিয়ন্নুরু জ্রয়ো নি শর্যাণি দধতে দেব আ বরম্ ॥২॥

বি যো মমে যম্যা সংয়তী মদঃ সাকংবৃধা পয়সা পিন্বদক্ষিতা ।
মহী অপারে রজসী বিবেবিদদভিব্রজন্নক্ষিতং পাজ আ দদে ॥৩॥

স মাতরা বিচরন্বাজয়ন্নপঃ প্র মেধিরঃ স্বধয়া পিন্বতে পদম্ ।
অংশুর্যবেন পিপিশে যতো নৃভিঃ সং জামিভির্নসতে রক্ষতে শিরঃ ॥৪॥

সং দক্ষেণ মনসা জায়তে কবিৠতস্য গর্ভো নিহিতো যমা পরঃ ।
যূনা হ সন্তা প্রথমং বি জজ্ঞতুর্গুহা হিতং জনিম নেমমুদ্যতম্ ॥৫॥

মন্দ্রস্য রূপং বিবিদুর্মনীষিণঃ শ্যেনো যদন্ধো অভরত্পরাবতঃ ।
তং মর্জয়ন্ত সুবৃধং নদীষ্বাঁ উশন্তমংশুং পরিয়ন্তমৃগ্মিয়ম্ ॥৬॥

ত্বাং মৃজন্তি দশ যোষণঃ সুতং সোম ঋষিভির্মতিভির্ধীতিভির্হিতম্ ।
অব্যো বারেভিরুত দেবহূতিভির্নৃভির্যতো বাজমা দর্ষি সাতয়ে ॥৭॥

পরিপ্রয়ন্তং বয্যং সুষংসদং সোমং মনীষা অভ্যনূষত স্তুভঃ ।
যো ধারয়া মধুমাঁ ঊর্মিণা দিব ইয়র্তি বাচং রয়িষালমর্ত্যঃ ॥৮॥

অয়ং দিব ইয়র্তি বিশ্বমা রজঃ সোমঃ পুনানঃ কলশেষু সীদতি ।
অদ্ভির্গোভির্মৃজ্যতে অদ্রিভিঃ সুতঃ পুনান ইন্দুর্বরিবো বিদত্প্রিয়ম্ ॥৯॥

এবা নঃ সোম পরিষিচ্যমানো বয়ো দধচ্চিত্রতমং পবস্ব ।
অদ্বেষে দ্যাবাপৃথিবী হুবেম দেবা ধত্ত রয়িমস্মে সুবীরম্ ॥১০॥