সূক্ত 69

69.1

১০ হিরণ্যস্তূপ আঙ্গিরসঃ । পবমানঃ সোমঃ ।জগতী ,৯-১০ ত্রিষ্টুপ্ ।

ইষুর্ন ধন্বন্প্রতি ধীয়তে মতির্বত্সো ন মাতুরুপ সর্জ্যূধনি ।
উরুধারেব দুহে অগ্র আয়ত্যস্য ব্রতেষ্বপি সোম ইষ্যতে ॥১॥

69.2

উপো মতিঃ পৃচ্যতে সিচ্যতে মধু মন্দ্রাজনী চোদতে অন্তরাসনি ।
পবমানঃ সংতনিঃ প্রঘ্নতামিব মধুমান্দ্রপ্সঃ পরি বারমর্ষতি ॥২॥

69.3

অব্যে বধূয়ুঃ পবতে পরি ত্বচি শ্রথ্নীতে নপ্তীরদিতেৠতং যতে ।
হরিরক্রান্যজতঃ সংয়তো মদো নৃম্ণা শিশানো মহিষো ন শোভতে ॥৩॥

69.4

উক্ষা মিমাতি প্রতি যন্তি ধেনবো দেবস্য দেবীরুপ যন্তি নিষ্কৃতম্ ।
অত্যক্রমীদর্জুনং বারমব্যয়মত্কং ন নিক্তং পরি সোমো অব্যত ॥৪॥

69.5

অমৃক্তেন রুশতা বাসসা হরিরমর্ত্যো নির্ণিজানঃ পরি ব্যত ।
দিবস্পৃষ্ঠং বর্হণা নির্ণিজে কৃতোপস্তরণং চম্বোর্নভস্ময়ম্ ॥৫॥

69.6

সূর্যস্যেব রশ্ময়ো দ্রাবয়িত্নবো মত্সরাসঃ প্রসুপঃ সাকমীরতে ।
তন্তুং ততং পরি সর্গাস আশবো নেন্দ্রাদৃতে পবতে ধাম কিং চন ॥৬॥

69.7

সিন্ধোরিব প্রবণে নিম্ন আশবো বৃষচ্যুতা মদাসো গাতুমাশত ।
শং নো নিবেশে দ্বিপদে চতুষ্পদেঽস্মে বাজাঃ সোম তিষ্ঠন্তু কৃষ্টয়ঃ ॥৭॥

69.8

আ নঃ পবস্ব বসুমদ্ধিরণ্যবদশ্বাবদ্গোমদ্যবমত্সুবীর্যম্ ।
যূয়ং হি সোম পিতরো মম স্থন দিবো মূর্ধানঃ প্রস্থিতা বয়স্কৃতঃ ॥৮॥

69.9

এতে সোমাঃ পবমানাস ইন্দ্রং রথা ইব প্র যয়ুঃ সাতিমচ্ছ ।
সুতাঃ পবিত্রমতি যন্ত্যব্যং হিত্বী বব্রিং হরিতো বৃষ্টিমচ্ছ ॥৯॥

69.10

ইন্দবিন্দ্রায় বৃহতে পবস্ব সুমৃলীকো অনবদ্যো রিশাদাঃ ।
ভরা চন্দ্রাণি গৃণতে বসূনি দেবৈর্দ্যাবাপৃথিবী প্রাবতং নঃ ॥১০॥