সূক্ত 46

46.1

৬ অয়াস্য আঙ্গিরসঃ । পবমানঃ সোমঃ । গায়ত্রী ।

অসৃগ্রন্দেববীতয়েঽত্যাসঃ কৃত্ব্যা ইব । ক্ষরন্তঃ পর্বতাবৃধঃ ॥১॥

46.2

পরিষ্কৃতাস ইন্দবো যোষেব পিত্র্যাবতী । বায়ুং সোমা অসৃক্ষত ॥২॥

46.3

এতে সোমাস ইন্দবঃ প্রয়স্বন্তশ্চমূ সুতাঃ । ইন্দ্রং বর্ধন্তি কর্মভিঃ ॥৩॥

46.4

আ ধাবতা সুহস্ত্যঃ শুক্রা গৃভ্ণীত মন্থিনা । গোভিঃ শ্রীণীত মত্সরম্ ॥৪॥

46.5

স পবস্ব ধনংজয় প্রয়ন্তা রাধসো মহঃ । অস্মভ্যং সোম গাতুবিৎ ॥৫॥

46.6

এতং মৃজন্তি মর্জ্যং পবমানং দশ ক্ষিপঃ । ইন্দ্রায় মত্সরং মদম্ ॥৬॥