Sukta 46

46.1

6 ayasya angirasah, pavamanah somah, gayatri

असृ॑ग्रन्दे॒ववी॑त॒येऽत्या॑स॒ः कृत्व्या॑ इव । क्षर॑न्तः पर्वता॒वृध॑ः ॥१॥

Asrigrandevavitayetyasah kritvya iva, ksharantah parvatavridhah

परि॑ष्कृतास॒ इन्द॑वो॒ योषे॑व॒ पित्र्या॑वती । वा॒युं सोमा॑ असृक्षत ॥२॥

Parishkritasa indavo yosheva pitryavati, vayum soma asrikshata

ए॒ते सोमा॑स॒ इन्द॑व॒ः प्रय॑स्वन्तश्च॒मू सु॒ताः । इन्द्रं॑ वर्धन्ति॒ कर्म॑भिः ॥३॥

Ete somasa indavah prayasvantashchamu sutah, indram vardhanti karmabhih

आ धा॑वता सुहस्त्यः शु॒क्रा गृ॑भ्णीत म॒न्थिना॑ । गोभि॑ः श्रीणीत मत्स॒रम् ॥४॥

A dhavata suhastyah shukra gribhnita manthina, gobhih shrinita matsaram

स प॑वस्व धनंजय प्रय॒न्ता राध॑सो म॒हः । अ॒स्मभ्यं॑ सोम गातु॒वित् ॥५॥

Sa pavasva dhananjaya prayanta radhaso mahah, asmabhyam soma gatuvit

ए॒तं मृ॑जन्ति॒ मर्ज्यं॒ पव॑मानं॒ दश॒ क्षिप॑ः । इन्द्रा॑य मत्स॒रं मद॑म् ॥६॥

Etam mrijanti marjyam pavamanam dasha kshipah, indraya matsaram madam