সূক্ত 35

35.1

৬ প্রভূবসুরাঙ্গিরসঃ । পবমানঃ সোমঃ । গায়ত্রী ।

আ নঃ পবস্ব ধারয়া পবমান রয়িং পৃথুম্ । যয়া জ্যোতির্বিদাসি নঃ ॥১॥

35.2

ইন্দো সমুদ্রমীঙ্খয় পবস্ব বিশ্বমেজয় । রায়ো ধর্তা ন ওজসা ॥২॥

35.3

ত্বয়া বীরেণ বীরবোঽভি ষ্যাম পৃতন্যতঃ । ক্ষরা ণো অভি বার্যম্ ॥৩॥

35.4

প্র বাজমিন্দুরিষ্যতি সিষাসন্বাজসা ঋষিঃ । ব্রতা বিদান আয়ুধা ॥৪॥

35.5

তং গীর্ভির্বাচমীঙ্খয়ং পুনানং বাসয়ামসি । সোম জনস্য গোপতিম্ ॥৫॥

35.6

বিশ্বো যস্য ব্রতে জনো দাধার ধর্মণস্পতেঃ । পুনানস্য প্রভূবসোঃ ॥৬॥