সূক্ত 34

34.1

৬ ত্রিত আপ্ত্যঃ । পবমানঃ সোমঃ । গায়ত্রী ।

প্র সুবানো ধারয়া তনেন্দুর্হিন্বানো অর্ষতি । রুজদ্দৃল্হা ব্যোজসা ॥১॥

34.2

সুত ইন্দ্রায় বায়বে বরুণায় মরুদ্ভ্যঃ । সোমো অর্ষতি বিষ্ণবে ॥২॥

34.3

বৃষাণং বৃষভির্যতং সুন্বন্তি সোমমদ্রিভিঃ । দুহন্তি শক্মনা পয়ঃ ॥৩॥

34.4

ভুবত্ত্রিতস্য মর্জ্যো ভুবদিন্দ্রায় মত্সরঃ । সং রূপৈরজ্যতে হরিঃ ॥৪॥

34.5

অভীমৃতস্য বিষ্টপং দুহতে পৃশ্নিমাতরঃ । চারু প্রিয়তমং হবিঃ ॥৫॥

34.6

সমেনমহ্রুতা ইমা গিরো অর্ষন্তি সস্রুতঃ । ধেনূর্বাশ্রো অবীবশৎ ॥৬॥