সূক্ত 33

33.1

৬ ত্রিত আপ্ত্যঃ । পবমানঃ সোমঃ । গায়ত্রী ।

প্র সোমাসো বিপশ্চিতোঽপাং ন যন্ত্যূর্ময়ঃ । বনানি মহিষা ইব ॥১॥

33.2

অভি দ্রোণানি বভ্রবঃ শুক্রা ঋতস্য ধারয়া । বাজং গোমন্তমক্ষরন্ ॥২॥

33.3

সুতা ইন্দ্রায় বায়বে বরুণায় মরুদ্ভ্যঃ । সোমা অর্ষন্তি বিষ্ণবে ॥৩॥

33.4

তিস্রো বাচ উদীরতে গাবো মিমন্তি ধেনবঃ । হরিরেতি কনিক্রদৎ ॥৪॥

33.5

অভি ব্রহ্মীরনূষত যহ্বীৠতস্য মাতরঃ । মর্মৃজ্যন্তে দিবঃ শিশুম্ ॥৫॥

33.6

রায়ঃ সমুদ্রাঁশ্চতুরোঽস্মভ্যং সোম বিশ্বতঃ । আ পবস্ব সহস্রিণঃ ॥৬॥