সূক্ত 36

36.1

৬ প্রভূবসুরাঙ্গিরসঃ । পবমানঃ সোমঃ । গায়ত্রী ।

অসর্জি রথ্যো যথা পবিত্রে চম্বোঃ সুতঃ । কার্ষ্মন্বাজী ন্যক্রমীৎ ॥১॥

36.2

স বহ্নিঃ সোম জাগৃবিঃ পবস্ব দেববীরতি । অভি কোশং মধুশ্চুতম্ ॥২॥

36.3

স নো জ্যোতীংষি পূর্ব্য পবমান বি রোচয় । ক্রত্বে দক্ষায় নো হিনু ॥৩॥

36.4

শুম্ভমান ঋতায়ুভির্মৃজ্যমানো গভস্ত্যোঃ । পবতে বারে অব্যয়ে ॥৪॥

36.5

স বিশ্বা দাশুষে বসু সোমো দিব্যানি পার্থিবা । পবতামান্তরিক্ষ্যা ॥৫॥

36.6

আ দিবস্পৃষ্ঠমশ্বয়ুর্গব্যয়ুঃ সোম রোহসি । বীরয়ুঃ শবসস্পতে ॥৬॥