সূক্ত 3

3.1

১০ আজীগর্তিঃ শুনঃ শেপ :, কৃত্রিমো বৈশ্বামিত্রো দেবরাতঃ । পবমানঃ সোমঃ । গায়ত্রী ।

এষ দেবো অমর্ত্যঃ পর্ণবীরিব দীয়তি । অভি দ্রোণান্যাসদম্ ॥১॥

3.2

এষ দেবো বিপা কৃতোঽতি হ্বরাংসি ধাবতি । পবমানো অদাভ্যঃ ॥২॥

3.3

এষ দেবো বিপন্যুভিঃ পবমান ঋতায়ুভিঃ । হরির্বাজায় মৃজ্যতে ॥৩॥

3.4

এষ বিশ্বানি বার্যা শূরো যন্নিব সত্বভিঃ । পবমানঃ সিষাসতি ॥৪॥

3.5

এষ দেবো রথর্যতি পবমানো দশস্যতি । আবিষ্কৃণোতি বগ্বনুম্ ॥৫॥

3.6

এষ বিপ্রৈরভিষ্টুতোঽপো দেবো বি গাহতে । দধদ্রত্নানি দাশুষে ॥৬॥

3.7

এষ দিবং বি ধাবতি তিরো রজাংসি ধারয়া । পবমানঃ কনিক্রদৎ ॥৭॥

3.8

এষ দিবং ব্যাসরত্তিরো রজাংস্যস্পৃতঃ । পবমানঃ স্বধ্বরঃ ॥৮॥

3.9

এষ প্রত্নেন জন্মনা দেবো দেবেভ্যঃ সুতঃ । হরিঃ পবিত্রে অর্ষতি ॥৯॥

3.10

এষ উ স্য পুরুব্রতো জজ্ঞানো জনয়ন্নিষঃ । ধারয়া পবতে সুতঃ ॥১০॥