সূক্ত 15

15.1

৮ কাশ্যপোঽসিতো দেবলো বা । পবমানঃ সোমঃ । গায়ত্রী ।

এষ ধিয়া যাত্যণ্ব্যা শূরো রথেভিরাশুভিঃ । গচ্ছন্নিন্দ্রস্য নিষ্কৃতম্ ॥১॥

15.2

এষ পুরূ ধিয়ায়তে বৃহতে দেবতাতয়ে । যত্রামৃতাস আসতে ॥২॥

15.3

এষ হিতো বি নীয়তেঽন্তঃ শুভ্রাবতা পথা । যদী তুঞ্জন্তি ভূর্ণয়ঃ ॥৩॥

15.4

এষ শৃঙ্গাণি দোধুবচ্ছিশীতে যূথ্যো৩ বৃষা । নৃম্ণা দধান ওজসা ॥৪॥

15.5

এষ রুক্মিভিরীয়তে বাজী শুভ্রেভিরংশুভিঃ । পতিঃ সিন্ধূনাং ভবন্ ॥৫॥

15.6

এষ বসূনি পিব্দনা পরুষা যয়িবাঁ অতি । অব শাদেষু গচ্ছতি ॥৬॥

15.7

এতং মৃজন্তি মর্জ্যমুপ দ্রোণেষ্বায়বঃ । প্রচক্রাণং মহীরিষঃ ॥৭॥

15.8

এতমু ত্যং দশ ক্ষিপো মৃজন্তি সপ্ত ধীতয়ঃ । স্বায়ুধং মদিন্তমম্ ॥৮॥