সূক্ত 105

105.1

৬ পর্বতনারদৌ কাণ্বৌ । পবমানঃ সোমঃ । উষ্ণিক্ ।

তং বঃ সখায়ো মদায় পুনানমভি গায়ত । শিশুং ন যজ্ঞৈঃ স্বদয়ন্ত গূর্তিভিঃ ॥১॥

105.2

সং বত্স ইব মাতৃভিরিন্দুর্হিন্বানো অজ্যতে । দেবাবীর্মদো মতিভিঃ পরিষ্কৃতঃ ॥২॥

105.3

অয়ং দক্ষায় সাধনোঽয়ং শর্ধায় বীতয়ে । অয়ং দেবেভ্যো মধুমত্তমঃ সুতঃ ॥৩॥

105.4

গোমন্ন ইন্দো অশ্ববত্সুতঃ সুদক্ষ ধন্ব । শুচিং তে বর্ণমধি গোষু দীধরম্ ॥৪॥

105.5

স নো হরীণাং পত ইন্দো দেবপ্সরস্তমঃ । সখেব সখ্যে নর্যো রুচে ভব ॥৫॥

105.6

সনেমি ত্বমস্মদাঁ অদেবং কং চিদত্রিণম্ । সাহ্বাঁ ইন্দো পরি বাধো অপ দ্বয়ুম্ ॥৬॥