সূক্ত 104

104.1

৬ পর্বতনারদৌ কাণ্বৌ, কাশ্যপ্যৌ শিখণ্ডিন্যাবপ্সরসৌ বা । পবমানঃ সোমঃ । উষ্ণিক্ ।

সখায় আ নি ষীদত পুনানায় প্র গায়ত । শিশুং ন যজ্ঞৈঃ পরি ভূষত শ্রিয়ে ॥১॥

104.2

সমী বত্সং ন মাতৃভিঃ সৃজতা গয়সাধনম্ । দেবাব্যং১ মদমভি দ্বিশবসম্ ॥২॥

104.3

পুনাতা দক্ষসাধনং যথা শর্ধায় বীতয়ে । যথা মিত্রায় বরুণায় শংতমঃ ॥৩॥

104.4

অস্মভ্যং ত্বা বসুবিদমভি বাণীরনূষত । গোভিষ্টে বর্ণমভি বাসয়ামসি ॥৪॥

104.5

স নো মদানাং পত ইন্দো দেবপ্সরা অসি । সখেব সখ্যে গাতুবিত্তমো ভব ॥৫॥

104.6

সনেমি কৃধ্য১স্মদা রক্ষসং কং চিদত্রিণম্ । অপাদেবং দ্বয়ুমংহো যুয়োধি নঃ ॥৬॥