সূক্ত 103

103.1

৬ দ্বিত আপ্ত্যঃ । পবমানঃ সোমঃ । উষ্ণিক্ ।

প্র পুনানায় বেধসে সোমায় বচ উদ্যতম্ । ভৃতিং ন ভরা মতিভির্জুজোষতে ॥১॥

103.2

পরি বারাণ্যব্যয়া গোভিরঞ্জানো অর্ষতি । ত্রী ষধস্থা পুনানঃ কৃণুতে হরিঃ ॥২॥

103.3

পরি কোশং মধুশ্চুতমব্যয়ে বারে অর্ষতি । অভি বাণীৠষীণাং সপ্ত নূষত ॥৩॥

103.4

পরি ণেতা মতীনাং বিশ্বদেবো অদাভ্যঃ । সোমঃ পুনানশ্চম্বোর্বিশদ্ধরিঃ ॥৪॥

103.5

পরি দৈবীরনু স্বধা ইন্দ্রেণ যাহি সরথম্ । পুনানো বাঘদ্বাঘদ্ভিরমর্ত্যঃ ॥৫॥

103.6

পরি সপ্তির্ন বাজয়ুর্দেবো দেবেভ্যঃ সুতঃ । ব্যানশিঃ পবমানো বি ধাবতি ॥৬॥