সূক্ত 76

76.1

১২ কুরুসুতিঃ কাণ্বঃ। ইন্দ্রঃ ।গায়ত্রী ।

ইমং নু মায়িনং হুব ইন্দ্রমীশানমোজসা । মরুত্বন্তং ন বৃঞ্জসে ॥১॥

অয়মিন্দ্রো মরুত্সখা বি বৃত্রস্যাভিনচ্ছিরঃ । বজ্রেণ শতপর্বণা ॥২॥

বাবৃধানো মরুত্সখেন্দ্রো বি বৃত্রমৈরয়ৎ । সৃজন্ত্সমুদ্রিয়া অপঃ ॥৩॥

অয়ং হ যেন বা ইদং স্বর্মরুত্বতা জিতম্ । ইন্দ্রেণ সোমপীতয়ে ॥৪॥

মরুত্বন্তমৃজীষিণমোজস্বন্তং বিরপ্শিনম্ । ইন্দ্রং গীর্ভির্হবামহে ॥৫॥

ইন্দ্রং প্রত্নেন মন্মনা মরুত্বন্তং হবামহে । অস্য সোমস্য পীতয়ে ॥৬॥

মরুত্বাঁ ইন্দ্র মীঢ্বঃ পিবা সোমং শতক্রতো । অস্মিন্যজ্ঞে পুরুষ্টুত ॥৭॥

তুভ্যেদিন্দ্র মরুত্বতে সুতাঃ সোমাসো অদ্রিবঃ । হৃদা হূয়ন্ত উক্থিনঃ ॥৮॥

পিবেদিন্দ্র মরুত্সখা সুতং সোমং দিবিষ্টিষু । বজ্রং শিশান ওজসা ॥৯॥

উত্তিষ্ঠন্নোজসা সহ পীত্বী শিপ্রে অবেপয়ঃ । সোমমিন্দ্র চমূ সুতম্ ॥১০॥

অনু ত্বা রোদসী উভে ক্রক্ষমাণমকৃপেতাম্ । ইন্দ্র যদ্দস্যুহাভবঃ ॥১১॥

বাচমষ্টাপদীমহং নবস্রক্তিমৃতস্পৃশম্ । ইন্দ্রাত্পরি তন্বং মমে ॥১২॥