সূক্ত 73

73.1

১৮ গোপবন আত্রেয়ঃ সপ্তবধ্রির্বা । অশ্বিনৌ ।গায়ত্রী ।

উদীরাথামৃতায়তে যুঞ্জাথামশ্বিনা রথম্ । অন্তি ষদ্ভূতু বামবঃ ॥১॥

নিমিষশ্চিজ্জবীয়সা রথেনা যাতমশ্বিনা । অন্তি ষদ্ভূতু বামবঃ ॥২॥

উপ স্তৃণীতমত্রয়ে হিমেন ঘর্মমশ্বিনা । অন্তি ষদ্ভূতু বামবঃ ॥৩॥

কুহ স্থঃ কুহ জগ্মথুঃ কুহ শ্যেনেব পেতথুঃ । অন্তি ষদ্ভূতু বামবঃ ॥৪॥

যদদ্য কর্হি কর্হি চিচ্ছুশ্রূয়াতমিমং হবম্ । অন্তি ষদ্ভূতু বামবঃ ॥৫॥

অশ্বিনা যামহূতমা নেদিষ্ঠং যাম্যাপ্যম্ । অন্তি ষদ্ভূতু বামবঃ ॥৬॥

অবন্তমত্রয়ে গৃহং কৃণুতং যুবমশ্বিনা । অন্তি ষদ্ভূতু বামবঃ ॥৭॥

বরেথে অগ্নিমাতপো বদতে বল্গ্বত্রয়ে । অন্তি ষদ্ভূতু বামবঃ ॥৮॥

প্র সপ্তবধ্রিরাশসা ধারামগ্নেরশায়ত । অন্তি ষদ্ভূতু বামবঃ ॥৯॥

ইহা গতং বৃষণ্বসূ শৃণুতং ম ইমং হবম্ । অন্তি ষদ্ভূতু বামবঃ ॥১০॥

কিমিদং বাং পুরাণবজ্জরতোরিব শস্যতে । অন্তি ষদ্ভূতু বামবঃ ॥১১॥

সমানং বাং সজাত্যং সমানো বন্ধুরশ্বিনা । অন্তি ষদ্ভূতু বামবঃ ॥১২॥

যো বাং রজাংস্যশ্বিনা রথো বিয়াতি রোদসী । অন্তি ষদ্ভূতু বামবঃ ॥১৩॥

আ নো গব্যেভিরশ্ব্যৈঃ সহস্রৈরুপ গচ্ছতম্ । অন্তি ষদ্ভূতু বামবঃ ॥১৪॥

মা নো গব্যেভিরশ্ব্যৈঃ সহস্রেভিরতি খ্যতম্ । অন্তি ষদ্ভূতু বামবঃ ॥১৫॥

অরুণপ্সুরুষা অভূদকর্জ্যোতিৠতাবরী । অন্তি ষদ্ভূতু বামবঃ ॥১৬॥

অশ্বিনা সু বিচাকশদ্বৃক্ষং পরশুমাঁ ইব । অন্তি ষদ্ভূতু বামবঃ ॥১৭॥

পুরং ন ধৃষ্ণবা রুজ কৃষ্ণয়া বাধিতো বিশা । অন্তি ষদ্ভূতু বামবঃ ॥১৮॥