সূক্ত 72

72.1

১৮ হর্যতঃ প্রাগাথঃ । অগ্নিঃ হবীংষি বা । গায়ত্রী ।

হবিষ্কৃণুধ্বমা গমদধ্বর্যুর্বনতে পুনঃ । বিদ্বাঁ অস্য প্রশাসনম্ ॥১॥

72.2

নি তিগ্মমভ্যং১শুং সীদদ্ধোতা মনাবধি । জুষাণো অস্য সখ্যম্ ॥২॥

72.3

অন্তরিচ্ছন্তি তং জনে রুদ্রং পরো মনীষয়া । গৃভ্ণন্তি জিহ্বয়া সসম্ ॥৩॥

72.4

জাম্যতীতপে ধনুর্বয়োধা অরুহদ্বনম্ । দৃষদং জিহ্বয়াবধীৎ ॥৪॥

72.5

চরন্বত্সো রুশন্নিহ নিদাতারং ন বিন্দতে । বেতি স্তোতব অম্ব্যম্ ॥৫॥

72.6

উতো ন্বস্য যন্মহদশ্বাবদ্যোজনং বৃহদ্ । দামা রথস্য দদৃশে ॥৬॥

72.7

দুহন্তি সপ্তৈকামুপ দ্বা পঞ্চ সৃজতঃ । তীর্থে সিন্ধোরধি স্বরে ॥৭॥

72.8

আ দশভির্বিবস্বত ইন্দ্রঃ কোশমচুচ্যবীৎ । খেদয়া ত্রিবৃতা দিবঃ ॥৮॥

72.9

পরি ত্রিধাতুরধ্বরং জূর্ণিরেতি নবীয়সী । মধ্বা হোতারো অঞ্জতে ॥৯॥

72.10

সিঞ্চন্তি নমসাবতমুচ্চাচক্রং পরিজ্মানম্ । নীচীনবারমক্ষিতম্ ॥১০॥

72.11

অভ্যারমিদদ্রয়ো নিষিক্তং পুষ্করে মধু । অবতস্য বিসর্জনে ॥১১॥

72.12

গাব উপাবতাবতং মহী যজ্ঞস্য রপ্সুদা । উভা কর্ণা হিরণ্যয়া ॥১২॥

72.13

আ সুতে সিঞ্চত শ্রিয়ং রোদস্যোরভিশ্রিয়ম্ । রসা দধীত বৃষভম্ ॥১৩॥

72.14

তে জানত স্বমোক্যং১ সং বত্সাসো ন মাতৃভিঃ । মিথো নসন্ত জামিভিঃ ॥১৪॥

72.15

উপ স্রক্বেষু বপ্সতঃ কৃণ্বতে ধরুণং দিবি । ইন্দ্রে অগ্না নমঃ স্বঃ ॥১৫॥

72.16

অধুক্ষত্পিপ্যুষীমিষমূর্জং সপ্তপদীমরিঃ । সূর্যস্য সপ্ত রশ্মিভিঃ ॥১৬॥

72.17

সোমস্য মিত্রাবরুণোদিতা সূর আ দদে । তদাতুরস্য ভেষজম্ ॥১৭॥

72.18

উতো ন্বস্য যত্পদং হর্যতস্য নিধান্যম্ । পরি দ্যাং জিহ্বয়াতনৎ ॥১৮॥