সূক্ত 53

53.1

৮ মধ্যঃ কাণ্বঃ। ইন্দ্রঃ । প্রগাথঃ= ( বিষমা বৃহতী, সমা সতোবৃহতী ) ।

উপমং ত্বা মঘোনাং জ্যেষ্ঠং চ বৃষভাণাম্ । পূর্ভিত্তমং মঘবন্নিন্দ্র গোবিদমীশানং রায় ঈমহে ॥১॥

53.2

য আয়ুং কুত্সমতিথিগ্বমর্দয়ো বাবৃধানো দিবেদিবে । তং ত্বা বয়ং হর্যশ্বং শতক্রতুং বাজয়ন্তো হবামহে ॥২॥

53.3

আ নো বিশ্বেষাং রসং মধ্বঃ সিঞ্চন্ত্বদ্রয়ঃ । যে পরাবতি সুন্বিরে জনেষ্বা যে অর্বাবতীন্দবঃ ॥৩॥

53.4

বিশ্বা দ্বেষাংসি জহি চাব চা কৃধি বিশ্বে সন্বন্ত্বা বসু ।
শীষ্টেষু চিত্তে মদিরাসো অংশবো যত্রা সোমস্য তৃম্পসি ॥৪॥

53.5

ইন্দ্র নেদীয় এদিহি মিতমেধাভিরূতিভিঃ । আ শংতম শংতমাভিরভিষ্টিভিরা স্বাপে স্বাপিভিঃ ॥৫॥

53.6

আজিতুরং সত্পতিং বিশ্বচর্ষণিং কৃধি প্রজাস্বাভগম্ ।
প্র সূ তিরা শচীভির্যে ত উক্থিনঃ ক্রতুং পুনত আনুষক্ ॥৬॥

53.7

যস্তে সাধিষ্ঠোঽবসে তে স্যাম ভরেষু তে । বয়ং হোত্রাভিরুত দেবহূতিভিঃ সসবাংসো মনামহে ॥৭॥

53.8

অহং হি তে হরিবো ব্রহ্ম বাজয়ুরাজিং যামি সদোতিভিঃ । ত্বামিদেব তমমে সমশ্বয়ুর্গব্যুরগ্র মথীনাম্ ॥৮॥