সূক্ত 52

52.1

১০ আয়ুঃ কাণ্বঃ। ইন্দ্রঃ । প্রগাথঃ= ( বিষমা বৃহতী, সমা সতোবৃহতী ) ।

যথা মনৌ বিবস্বতি সোমং শক্রাপিবঃ সুতম্ । যথা ত্রিতে ছন্দ ইন্দ্র জুজোষস্যায়ৌ মাদয়সে সচা ॥১॥

52.2

পৃষধ্রে মেধ্যে মাতরিশ্বনীন্দ্র সুবানে অমন্দথাঃ । যথা সোমং দশশিপ্রে দশোণ্যে স্যূমরশ্মাবৃজূনসি ॥২॥

52.3

য উক্থা কেবলা দধে যঃ সোমং ধৃষিতাপিবৎ । যস্মৈ বিষ্ণুস্ত্রীণি পদা বিচক্রম উপ মিত্রস্য ধর্মভিঃ ॥৩॥

52.4

যস্য ত্বমিন্দ্র স্তোমেষু চাকনো বাজে বাজিঞ্ছতক্রতো ।
তং ত্বা বয়ং সুদুঘামিব গোদুহো জুহূমসি শ্রবস্যবঃ ॥৪॥

52.5

যো নো দাতা স নঃ পিতা মহাঁ উগ্র ঈশানকৃৎ । অয়ামন্নুগ্রো মঘবা পুরূবসুর্গোরশ্বস্য প্র দাতু নঃ ॥৫॥

52.6

যস্মৈ ত্বং বসো দানায় মংহসে স রায়স্পোষমিন্বতি । বসূয়বো বসুপতিং শতক্রতুং স্তোমৈরিন্দ্রং হবামহে ॥৬॥

52.7

কদা চন প্র যুচ্ছস্যুভে নি পাসি জন্মনী । তুরীয়াদিত্য হবনং ত ইন্দ্রিয়মা তস্থাবমৃতং দিবি ॥৭॥

52.8

যস্মৈ ত্বং মঘবন্নিন্দ্র গির্বণঃ শিক্ষো শিক্ষসি দাশুষে ।
অস্মাকং গির উত সুষ্টুতিং বসো কণ্ববচ্ছৃণুধী হবম্ ॥৮॥

52.9

অস্তাবি মন্ম পূর্ব্যং ব্রহ্মেন্দ্রায় বোচত । পূর্বীৠতস্য বৃহতীরনূষত স্তোতুর্মেধা অসৃক্ষত ॥৯॥

52.10

সমিন্দ্রো রায়ো বৃহতীরধূনুত সং ক্ষোণী সমু সূর্যম্ ।
সং শুক্রাসঃ শুচয়ঃ সং গবাশিরঃ সোমা ইন্দ্রমমন্দিষুঃ ॥১০॥