সূক্ত 51

51.1

১০ শ্রুষ্টিগুঃ কাণ্বঃ। ইন্দ্রঃ । প্রগাথঃ= ( বিষমা বৃহতী, সমা সতোবৃহতী ) ।

যথা মনৌ সাংবরণৌ সোমমিন্দ্রাপিবঃ সুতম্ । নীপাতিথৌ মঘবন্মেধ্যাতিথৌ পুষ্টিগৌ শ্রুষ্টিগৌ সচা ॥১॥

51.2

পার্ষদ্বাণঃ প্রস্কণ্বং সমসাদয়চ্ছয়ানং জিব্রিমুদ্ধিতম্ । সহস্রাণ্যসিষাসদ্গবামৃষিস্ত্বোতো দস্যবে বৃকঃ ॥২॥

51.3

য উক্থেভির্ন বিন্ধতে চিকিদ্য ঋষিচোদনঃ । ইন্দ্রং তমচ্ছা বদ নব্যস্যা মত্যরিষ্যন্তং ন ভোজসে ॥৩॥

51.4

যস্মা অর্কং সপ্তশীর্ষাণমানৃচুস্ত্রিধাতুমুত্তমে পদে । স ত্বি১মা বিশ্বা ভুবনানি চিক্রদদাদিজ্জনিষ্ট পৌংস্যম্ ॥৪॥

51.5

যো নো দাতা বসূনামিন্দ্রং তং হূমহে বয়ম্ । বিদ্মা হ্যস্য সুমতিং নবীয়সীং গমেম গোমতি ব্রজে ॥৫॥

51.6

যস্মৈ ত্বং বসো দানায় শিক্ষসি স রায়স্পোষমশ্নুতে । তং ত্বা বয়ং মঘবন্নিন্দ্র গির্বণঃ সুতাবন্তো হবামহে ॥৬॥

51.7

কদা চন স্তরীরসি নেন্দ্র সশ্চসি দাশুষে । উপোপেন্নু মঘবন্ভূয় ইন্নু তে দানং দেবস্য পৃচ্যতে ॥৭॥

51.8

প্র যো ননক্ষে অভ্যোজসা ক্রিবিং বধৈঃ শুষ্ণং নিঘোষয়ন্ । যদেদস্তম্ভীত্প্রথয়ন্নমূং দিবমাদিজ্জনিষ্ট পার্থিবঃ ॥৮॥

51.9

যস্যায়ং বিশ্ব আর্যো দাসঃ শেবধিপা অরিঃ । তিরশ্চিদর্যে রুশমে পরীরবি তুভ্যেত্সো অজ্যতে রয়িঃ ॥৯॥

51.10

তুরণ্যবো মধুমন্তং ঘৃতশ্চুতং বিপ্রাসো অর্কমানৃচুঃ ।
অস্মে রয়িঃ পপ্রথে বৃষ্ণ্যং শবোঽস্মে সুবানাস ইন্দবঃ ॥১০॥