সূক্ত 50

50.1

১০ পুষ্টিগুঃ কাণ্বঃ। ইন্দ্রঃ । প্রগাথঃ= ( বিষমা বৃহতী, সমা সতোবৃহতী ) ।

প্র সু শ্রুতং সুরাধসমর্চা শক্রমভিষ্টয়ে । যঃ সুন্বতে স্তুবতে কাম্যং বসু সহস্রেণেব মংহতে ॥১॥

50.2

শতানীকা হেতয়ো অস্য দুষ্টরা ইন্দ্রস্য সমিষো মহীঃ ।
গিরির্ন ভুজ্মা মঘবত্সু পিন্বতে যদীং সুতা অমন্দিষুঃ ॥২॥

50.3

যদীং সুতাস ইন্দবোঽভি প্রিয়মমন্দিষুঃ । আপো ন ধায়ি সবনং ম আ বসো দুঘা ইবোপ দাশুষে ॥৩॥

50.4

অনেহসং বো হবমানমূতয়ে মধ্বঃ ক্ষরন্তি ধীতয়ঃ । আ ত্বা বসো হবমানাস ইন্দব উপ স্তোত্রেষু দধিরে ॥৪॥

50.5

আ নঃ সোমে স্বধ্বর ইয়ানো অত্যো ন তোশতে । যং তে স্বদাবন্ত্স্বদন্তি গূর্তয়ঃ পৌরে ছন্দয়সে হবম্ ॥৫॥

50.6

প্র বীরমুগ্রং বিবিচিং ধনস্পৃতং বিভূতিং রাধসো মহঃ । উদ্রীব বজ্রিন্নবতো বসুত্বনা সদা পীপেথ দাশুষে ॥৬॥

50.7

যদ্ধ নূনং পরাবতি যদ্বা পৃথিব্যাং দিবি । যুজান ইন্দ্র হরিভির্মহেমত ঋষ্ব ঋষ্বেভিরা গহি ॥৭॥

50.8

রথিরাসো হরয়ো যে তে অস্রিধ ওজো বাতস্য পিপ্রতি । যেভির্নি দস্যুং মনুষো নিঘোষয়ো যেভিঃ স্বঃ পরীয়সে ॥৮॥

50.9

এতাবতস্তে বসো বিদ্যাম শূর নব্যসঃ । যথা প্রাব এতশং কৃত্ব্যে ধনে যথা বশং দশব্রজে ॥৯॥

50.10

যথা কণ্বে মঘবন্মেধে অধ্বরে দীর্ঘনীথে দমূনসি ।
যথা গোশর্যে অসিষাসো অদ্রিবো ময়ি গোত্রং হরিশ্রিয়ম্ ॥১০॥