সূক্ত 54

54.1

৮ মাতরিশ্বা কাণ্বঃ। ইন্দ্রঃ, ৩-৪ বিশ্বে দেবা : । প্রগাথঃ= ( বিষমা বৃহতী, সমা সতোবৃহতী ) ।

এতত্ত ইন্দ্র বীর্যং গীর্ভির্গৃণন্তি কারবঃ । তে স্তোভন্ত ঊর্জমাবন্ঘৃতশ্চুতং পৌরাসো নক্ষন্ধীতিভিঃ ॥১॥

নক্ষন্ত ইন্দ্রমবসে সুকৃত্যয়া যেষাং সুতেষু মন্দসে । যথা সংবর্তে অমদো যথা কৃশ এবাস্মে ইন্দ্র মত্স্ব ॥২॥

আ নো বিশ্বে সজোষসো দেবাসো গন্তনোপ নঃ । বসবো রুদ্রা অবসে ন আ গমঞ্ছৃণ্বন্তু মরুতো হবম্ ॥৩॥

পূষা বিষ্ণুর্হবনং মে সরস্বত্যবন্তু সপ্ত সিন্ধবঃ । আপো বাতঃ পর্বতাসো বনস্পতিঃ শৃণোতু পৃথিবী হবম্ ॥৪॥

যদিন্দ্র রাধো অস্তি তে মাঘোনং মঘবত্তম । তেন নো বোধি সধমাদ্যো বৃধে ভগো দানায় বৃত্রহন্ ॥৫॥

আজিপতে নৃপতে ত্বমিদ্ধি নো বাজ আ বক্ষি সুক্রতো । বীতী হোত্রাভিরুত দেববীতিভিঃ সসবাংসো বি শৃণ্বিরে ॥৬॥

সন্তি হ্য১র্য আশিষ ইন্দ্র আয়ুর্জনানাম্ । অস্মান্নক্ষস্ব মঘবন্নুপাবসে ধুক্ষস্ব পিপ্যুষীমিষম্ ॥৭॥

বয়ং ত ইন্দ্র স্তোমেভির্বিধেম ত্বমস্মাকং শতক্রতো । মহি স্থূরং শশয়ং রাধো অহ্রয়ং প্রস্কণ্বায় নি তোশয় ॥৮॥