সূক্ত 38

38.1

১০ শ্যাবাশ্ব আত্রেয়ঃ । ইন্দ্রাগ্নী । গায়ত্রী ।

যজ্ঞস্য হি স্থ ঋত্বিজা সস্নী বাজেষু কর্মসু । ইন্দ্রাগ্নী তস্য বোধতম্ ॥১॥

38.2

তোশাসা রথয়াবানা বৃত্রহণাপরাজিতা । ইন্দ্রাগ্নী তস্য বোধতম্ ॥২॥

38.3

ইদং বাং মদিরং মধ্বধুক্ষন্নদ্রিভির্নরঃ । ইন্দ্রাগ্নী তস্য বোধতম্ ॥৩॥

38.4

জুষেথাং যজ্ঞমিষ্টয়ে সুতং সোমং সধস্তুতী । ইন্দ্রাগ্নী আ গতং নরা ॥৪॥

38.5

ইমা জুষেথাং সবনা যেভির্হব্যান্যূহথুঃ । ইন্দ্রাগ্নী আ গতং নরা ॥৫॥

38.6

ইমাং গায়ত্রবর্তনিং জুষেথাং সুষ্টুতিং মম । ইন্দ্রাগ্নী আ গতং নরা ॥৬॥

38.7

প্রাতর্যাবভিরা গতং দেবেভির্জেন্যাবসূ । ইন্দ্রাগ্নী সোমপীতয়ে ॥৭॥

38.8

শ্যাবাশ্বস্য সুন্বতোঽত্রীণাং শৃণুতং হবম্ । ইন্দ্রাগ্নী সোমপীতয়ে ॥৮॥

38.9

এবা বামহ্ব ঊতয়ে যথাহুবন্ত মেধিরাঃ । ইন্দ্রাগ্নী সোমপীতয়ে ॥৯॥

38.10

আহং সরস্বতীবতোরিন্দ্রাগ্ন্যোরবো বৃণে । যাভ্যাং গায়ত্রমৃচ্যতে ॥১০॥