সূক্ত 37

37.1

৭ শ্যাবাশ্ব আত্রেয়ঃ । ইন্দ্রঃ । মহাপংক্তিঃ, ১ অতিজগতী ।

প্রেদং ব্রহ্ম বৃত্রতূর্যেষ্বাবিথ প্র সুন্বতঃ শচীপত ইন্দ্র বিশ্বাভিরূতিভিঃ ।
মাধ্যংদিনস্য সবনস্য বৃত্রহন্ননেদ্য পিবা সোমস্য বজ্রিবঃ ॥১॥

37.2

সেহান উগ্র পৃতনা অভি দ্রুহঃ শচীপত ইন্দ্র বিশ্বাভিরূতিভিঃ ।
মাধ্যংদিনস্য সবনস্য বৃত্রহন্ননেদ্য পিবা সোমস্য বজ্রিবঃ ॥২॥

37.3

একরালস্য ভুবনস্য রাজসি শচীপত ইন্দ্র বিশ্বাভিরূতিভিঃ ।
মাধ্যংদিনস্য সবনস্য বৃত্রহন্ননেদ্য পিবা সোমস্য বজ্রিবঃ ॥৩॥

37.4

সস্থাবানা যবয়সি ত্বমেক ইচ্ছচীপত ইন্দ্র বিশ্বাভিরূতিভিঃ ।
মাধ্যংদিনস্য সবনস্য বৃত্রহন্ননেদ্য পিবা সোমস্য বজ্রিবঃ ॥৪॥

37.5

ক্ষেমস্য চ প্রয়ুজশ্চ ত্বমীশিষে শচীপত ইন্দ্র বিশ্বাভিরূতিভিঃ ।
মাধ্যংদিনস্য সবনস্য বৃত্রহন্ননেদ্য পিবা সোমস্য বজ্রিবঃ ॥৫॥

37.6

ক্ষত্রায় ত্বমবসি ন ত্বমাবিথ শচীপত ইন্দ্র বিশ্বাভিরূতিভিঃ ।
মাধ্যংদিনস্য সবনস্য বৃত্রহন্ননেদ্য পিবা সোমস্য বজ্রিবঃ ॥৬॥

37.7

শ্যাবাশ্বস্য রেভতস্তথা শৃণু যথাশৃণোরত্রেঃ কর্মাণি কৃণ্বতঃ ।
প্র ত্রসদস্যুমাবিথ ত্বমেক ইন্নৃষাহ্য ইন্দ্র ক্ষত্রাণি বর্ধয়ন্ ॥৭॥