সূক্ত 34

34.1

(১৮) ১ ১৫ নীপাতিথিঃ কাণ্বঃ, ১৬ -১৮ সহস্রং বসুরোচিষোঽঙ্গিরসঃ । ইন্দ্রঃ । অনুষ্টুপ্ , ১৬-১৮ গায়ত্রী ।

এন্দ্র যাহি হরিভিরুপ কণ্বস্য সুষ্টুতিম্ । দিবো অমুষ্য শাসতো দিবং যয় দিবাবসো ॥১॥

34.2

আ ত্বা গ্রাবা বদন্নিহ সোমী ঘোষেণ যচ্ছতু । দিবো অমুষ্য শাসতো দিবং যয় দিবাবসো ॥২॥

34.3

অত্রা বি নেমিরেষামুরাং ন ধূনুতে বৃকঃ । দিবো অমুষ্য শাসতো দিবং যয় দিবাবসো ॥৩॥

34.4

আ ত্বা কণ্বা ইহাবসে হবন্তে বাজসাতয়ে । দিবো অমুষ্য শাসতো দিবং যয় দিবাবসো ॥৪॥

34.5

দধামি তে সুতানাং বৃষ্ণে ন পূর্বপায্যম্ । দিবো অমুষ্য শাসতো দিবং যয় দিবাবসো ॥৫॥

34.6

স্মত্পুরংধির্ন আ গহি বিশ্বতোধীর্ন ঊতয়ে । দিবো অমুষ্য শাসতো দিবং যয় দিবাবসো ॥৬॥

34.7

আ নো যাহি মহেমতে সহস্রোতে শতামঘ । দিবো অমুষ্য শাসতো দিবং যয় দিবাবসো ॥৭॥

34.8

আ ত্বা হোতা মনুর্হিতো দেবত্রা বক্ষদীড্যঃ । দিবো অমুষ্য শাসতো দিবং যয় দিবাবসো ॥৮॥

34.9

আ ত্বা মদচ্যুতা হরী শ্যেনং পক্ষেব বক্ষতঃ । দিবো অমুষ্য শাসতো দিবং যয় দিবাবসো ॥৯॥

34.10

আ যাহ্যর্য আ পরি স্বাহা সোমস্য পীতয়ে । দিবো অমুষ্য শাসতো দিবং যয় দিবাবসো ॥১০॥

34.11

আ নো যাহ্যুপশ্রুত্যুক্থেষু রণয়া ইহ । দিবো অমুষ্য শাসতো দিবং যয় দিবাবসো ॥১১॥

34.12

সরূপৈরা সু নো গহি সম্ভৃতৈঃ সম্ভৃতাশ্বঃ । দিবো অমুষ্য শাসতো দিবং যয় দিবাবসো ॥১২॥

34.13

আ যাহি পর্বতেভ্যঃ সমুদ্রস্যাধি বিষ্টপঃ । দিবো অমুষ্য শাসতো দিবং যয় দিবাবসো ॥১৩॥

34.14

আ নো গব্যান্যশ্ব্যা সহস্রা শূর দর্দৃহি । দিবো অমুষ্য শাসতো দিবং যয় দিবাবসো ॥১৪॥

34.15

আ নঃ সহস্রশো ভরাঽয়ুতানি শতানি চ । দিবো অমুষ্য শাসতো দিবং যয় দিবাবসো ॥১৫॥

34.16

আ যদিন্দ্রশ্চ দদ্বহে সহস্রং বসুরোচিষঃ । ওজিষ্ঠমশ্ব্যং পশুম্ ॥১৬॥

34.17

য ঋজ্রা বাতরংহসোঽরুষাসো রঘুষ্যদঃ । ভ্রাজন্তে সূর্যা ইব ॥১৭॥

34.18

পারাবতস্য রাতিষু দ্রবচ্চক্রেষ্বাশুষু । তিষ্ঠং বনস্য মধ্য আ ॥১৮॥