সূক্ত 26

26.1

২৫ বিশ্বমনা বৈয়শ্বঃ,ব্যশ্বো বাংগিরসঃ ।অশ্বিনৌ, ২০-২৫ বায়ুঃ ।উষ্ণিক্; ১৬-১৯,২১,২৫ গায়ত্রী; ২০ অনুষ্টুপ্ ।

যুবোরু ষূ রথং হুবে সধস্তুত্যায় সূরিষু । অতূর্তদক্ষা বৃষণা বৃষণ্বসূ ॥১॥

26.2

যুবং বরো সুষাম্ণে মহে তনে নাসত্যা । অবোভির্যাথো বৃষণা বৃষণ্বসূ ॥২॥

26.3

তা বামদ্য হবামহে হব্যেভির্বাজিনীবসূ । পূর্বীরিষ ইষয়ন্তাবতি ক্ষপঃ ॥৩॥

26.4

আ বাং বাহিষ্ঠো অশ্বিনা রথো যাতু শ্রুতো নরা । উপ স্তোমান্তুরস্য দর্শথঃ শ্রিয়ে ॥৪॥

26.5

জুহুরাণা চিদশ্বিনা ঽঽমন্যেথাং বৃষণ্বসূ । যুবং হি রুদ্রা পর্ষথো অতি দ্বিষঃ ॥৫॥

26.6

দস্রা হি বিশ্বমানুষঙ্মক্ষূভিঃ পরিদীয়থঃ । ধিয়ংজিন্বা মধুবর্ণা শুভস্পতী ॥৬॥

26.7

উপ নো যাতমশ্বিনা রায়া বিশ্বপুষা সহ । মঘবানা সুবীরাবনপচ্যুতা ॥৭॥

26.8

আ মে অস্য প্রতীব্য১মিন্দ্রনাসত্যা গতম্ । দেবা দেবেভিরদ্য সচনস্তমা ॥৮॥

26.9

বয়ং হি বাং হবামহ উক্ষণ্যন্তো ব্যশ্ববৎ । সুমতিভিরুপ বিপ্রাবিহা গতম্ ॥৯॥

26.10

অশ্বিনা স্বৃষে স্তুহি কুবিত্তে শ্রবতো হবম্ । নেদীয়সঃ কূলয়াতঃ পণীঁরুত ॥১০॥

26.11

বৈয়শ্বস্য শ্রুতং নরোতো মে অস্য বেদথঃ । সজোষসা বরুণো মিত্রো অর্যমা ॥১১॥

26.12

যুবাদত্তস্য ধিষ্ণ্যা যুবানীতস্য সূরিভিঃ । অহরহর্বৃষণ মহ্যং শিক্ষতম্ ॥১২॥

26.13

যো বাং যজ্ঞেভিরাবৃতোঽধিবস্ত্রা বধূরিব । সপর্যন্তা শুভে চক্রাতে অশ্বিনা ॥১৩॥

26.14

যো বামুরুব্যচস্তমং চিকেততি নৃপায্যম্ । বর্তিরশ্বিনা পরি যাতমস্ময়ূ ॥১৪॥

26.15

অস্মভ্যং সু বৃষণ্বসূ যাতং বর্তির্নৃপায্যম্ । বিষুদ্রুহেব যজ্ঞমূহথুর্গিরা ॥১৫॥

26.16

বাহিষ্ঠো বাং হবানাং স্তোমো দূতো হুবন্নরা । যুবাভ্যাং ভূত্বশ্বিনা ॥১৬॥

26.17

যদদো দিবো অর্ণব ইষো বা মদথো গৃহে । শ্রুতমিন্মে অমর্ত্যা ॥১৭॥

26.18

উত স্যা শ্বেতয়াবরী বাহিষ্ঠা বাং নদীনাম্ । সিন্ধুর্হিরণ্যবর্তনিঃ ॥১৮॥

26.19

স্মদেতয়া সুকীর্ত্যাঽশ্বিনা শ্বেতয়া ধিয়া । বহেথে শুভ্রয়াবানা ॥১৯॥

26.20

যুক্ষ্বা হি ত্বং রথাসহা যুবস্ব পোষ্যা বসো । আন্নো বায়ো মধু পিবাঽস্মাকং সবনা গহি ॥২০॥

26.21

তব বায়বৃতস্পতে ত্বষ্টুর্জামাতরদ্ভুত । অবাংস্যা বৃণীমহে ॥২১॥

26.22

ত্বষ্টুর্জামাতরং বয়মীশানং রায় ঈমহে । সুতাবন্তো বায়ুং দ্যুম্না জনাসঃ ॥২২॥

26.23

বায়ো যাহি শিবা দিবো বহস্বা সু স্বশ্ব্যম্ । বহস্ব মহঃ পৃথুপক্ষসা রথে ॥২৩॥

26.24

ত্বাং হি সুপ্সরস্তমং নৃষদনেষু হূমহে । গ্রাবাণং নাশ্বপৃষ্ঠং মংহনা ॥২৪॥

26.25

স ত্বং নো দেব মনসা বায়ো মন্দানো অগ্রিয়ঃ । কৃধি বাজাঁ অপো ধিয়ঃ ॥২৫॥