সূক্ত 25

25.1

২৪ বিশ্বমনা বৈয়শ্বঃ । মিত্রাবরুণৌ, ১০-১২ বিশ্বে দেবা : । উষ্ণিক্ ,২৩ উষ্ণিগ্গর্ভা ।

তা বাং বিশ্বস্য গোপা দেবা দেবেষু যজ্ঞিয়া । ঋতাবানা যজসে পূতদক্ষসা ॥১॥

25.2

মিত্রা তনা ন রথ্যা৩ বরুণো যশ্চ সুক্রতুঃ । সনাত্সুজাতা তনয়া ধৃতব্রতা ॥২॥

25.3

তা মাতা বিশ্ববেদসাঽসুর্যায় প্রমহসা । মহী জজানাদিতিৠতাবরী ॥৩॥

25.4

মহান্তা মিত্রাবরুণা সম্রাজা দেবাবসুরা । ঋতাবানাবৃতমা ঘোষতো বৃহৎ ॥৪॥

25.5

নপাতা শবসো মহঃ সূনূ দক্ষস্য সুক্রতূ । সৃপ্রদানূ ইষো বাস্ত্বধি ক্ষিতঃ ॥৫॥

25.6

সং যা দানূনি যেমথুর্দিব্যাঃ পার্থিবীরিষঃ । নভস্বতীরা বাং চরন্তু বৃষ্টয়ঃ ॥৬॥

25.7

অধি যা বৃহতো দিবো৩ঽভি যূথেব পশ্যতঃ । ঋতাবানা সম্রাজা নমসে হিতা ॥৭॥

25.8

ঋতাবানা নি ষেদতুঃ সাম্রাজ্যায় সুক্রতূ । ধৃতব্রতা ক্ষত্রিয়া ক্ষত্রমাশতুঃ ॥৮॥

25.9

অক্ষ্ণশ্চিদ্গাতুবিত্তরানুল্বণেন চক্ষসা । নি চিন্মিষন্তা নিচিরা নি চিক্যতুঃ ॥৯॥

25.10

উত নো দেব্যদিতিরুরুষ্যতাং নাসত্যা । উরুষ্যন্তু মরুতো বৃদ্ধশবসঃ ॥১০॥

25.11

তে নো নাবমুরুষ্যত দিবা নক্তং সুদানবঃ । অরিষ্যন্তো নি পায়ুভিঃ সচেমহি ॥১১॥

25.12

অঘ্নতে বিষ্ণবে বয়মরিষ্যন্তঃ সুদানবে । শ্রুধি স্বয়াবন্ত্সিন্ধো পূর্বচিত্তয়ে ॥১২॥

25.13

তদ্বার্যং বৃণীমহে বরিষ্ঠং গোপয়ত্যম্ । মিত্রো যত্পান্তি বরুণো যদর্যমা ॥১৩॥

25.14

উত নঃ সিন্ধুরপাং তন্মরুতস্তদশ্বিনা । ইন্দ্রো বিষ্ণুর্মীঢ্বাংসঃ সজোষসঃ ॥১৪॥

25.15

তে হি ষ্মা বনুষো নরোঽভিমাতিং কয়স্য চিৎ । তিগ্মং ন ক্ষোদঃ প্রতিঘ্নন্তি ভূর্ণয়ঃ ॥১৫॥

25.16

অয়মেক ইত্থা পুরূরু চষ্টে বি বিশ্পতিঃ । তস্য ব্রতান্যনু বশ্চরামসি ॥১৬॥

25.17

অনু পূর্বাণ্যোক্যা সাম্রাজ্যস্য সশ্চিম । মিত্রস্য ব্রতা বরুণস্য দীর্ঘশ্রুৎ ॥১৭॥

25.18

পরি যো রশ্মিনা দিবোঽন্তান্মমে পৃথিব্যাঃ । উভে আ পপ্রৌ রোদসী মহিত্বা ॥১৮॥

25.19

উদু ষ্য শরণে দিবো জ্যোতিরয়ংস্ত সূর্যঃ । অগ্নির্ন শুক্রঃ সমিধান আহুতঃ ॥১৯॥

25.20

বচো দীর্ঘপ্রসদ্মনীশে বাজস্য গোমতঃ । ঈশে হি পিত্বোঽবিষস্য দাবনে ॥২০॥

25.21

তত্সূর্যং রোদসী উভে দোষা বস্তোরুপ ব্রুবে । ভোজেষ্বস্মাঁ অভ্যুচ্চরা সদা ॥২১॥

25.22

ঋজ্রমুক্ষণ্যায়নে রজতং হরয়াণে । রথং যুক্তমসনাম সুষামণি ॥২২॥

25.23

তা মে অশ্ব্যানাং হরীণাং নিতোশনা । উতো নু কৃত্ব্যানাং নৃবাহসা ॥২৩॥

25.24

স্মদভীশূ কশাবন্তা বিপ্রা নবিষ্ঠয়া মতী । মহো বাজিনাবর্বন্তা সচাসনম্ ॥২৪॥