সূক্ত 24

24.1

৩০ বিশ্বমনা বৈয়শ্বঃ । ইন্দ্রঃ, ২৮-৩০ বরুঃ সৌষাম্ণিঃ । উষ্ণিক্, ৩০ অনুষ্টুপ্।

সখায় আ শিষামহি ব্রহ্মেন্দ্রায় বজ্রিণে । স্তুষ ঊ ষু বো নৃতমায় ধৃষ্ণবে ॥১॥

24.2

শবসা হ্যসি শ্রুতো বৃত্রহত্যেন বৃত্রহা । মঘৈর্মঘোনো অতি শূর দাশসি ॥২॥

24.3

স নঃ স্তবান আ ভর রয়িং চিত্রশ্রবস্তমম্ । নিরেকে চিদ্যো হরিবো বসুর্দদিঃ ॥৩॥

24.4

আ নিরেকমুত প্রিয়মিন্দ্র দর্ষি জনানাম্ । ধৃষতা ধৃষ্ণো স্তবমান আ ভর ॥৪॥

24.5

ন তে সব্যং ন দক্ষিণং হস্তং বরন্ত আমুরঃ । ন পরিবাধো হরিবো গবিষ্টিষু ॥৫॥

24.6

আ ত্বা গোভিরিব ব্রজং গীর্ভিৠণোম্যদ্রিবঃ । আ স্মা কামং জরিতুরা মনঃ পৃণ ॥৬॥

24.7

বিশ্বানি বিশ্বমনসো ধিয়া নো বৃত্রহন্তম । উগ্র প্রণেতরধি ষূ বসো গহি ॥৭॥

24.8

বয়ং তে অস্য বৃত্রহন্বিদ্যাম শূর নব্যসঃ । বসোঃ স্পার্হস্য পুরুহূত রাধসঃ ॥৮॥

24.9

ইন্দ্র যথা হ্যস্তি তেঽপরীতং নৃতো শবঃ । অমৃক্তা রাতিঃ পুরুহূত দাশুষে ॥৯॥

24.10

আ বৃষস্ব মহামহ মহে নৃতম রাধসে । দৃল্হশ্চিদ্দৃহ্য মঘবন্মঘত্তয়ে ॥১০॥

24.11

নূ অন্যত্রা চিদদ্রিবস্ত্বন্নো জগ্মুরাশসঃ । মঘবঞ্ছগ্ধি তব তন্ন ঊতিভিঃ ॥১১॥

24.12

নহ্য১ঙ্গ নৃতো ত্বদন্যং বিন্দামি রাধসে । রায়ে দ্যুম্নায় শবসে চ গির্বণঃ ॥১২॥

24.13

এন্দুমিন্দ্রায় সিঞ্চত পিবাতি সোম্যং মধু । প্র রাধসা চোদয়াতে মহিত্বনা ॥১৩॥

24.14

উপো হরীণাং পতিং দক্ষং পৃঞ্চন্তমব্রবম্ । নূনং শ্রুধি স্তুবতো অশ্ব্যস্য ॥১৪॥

24.15

নহ্য১ঙ্গ পুরা চন জজ্ঞে বীরতরস্ত্বৎ । নকী রায়া নৈবথা ন ভন্দনা ॥১৫॥

24.16

এদু মধ্বো মদিন্তরং সিঞ্চ বাধ্বর্যো অন্ধসঃ । এবা হি বীরঃ স্তবতে সদাবৃধঃ ॥১৬॥

24.17

ইন্দ্র স্থাতর্হরীণাং নকিষ্টে পূর্ব্যস্তুতিম্ । উদানংশ শবসা ন ভন্দনা ॥১৭॥

24.18

তং বো বাজানাং পতিমহূমহি শ্রবস্যবঃ । অপ্রায়ুভির্যজ্ঞেভির্বাবৃধেন্যম্ ॥১৮॥

24.19

এতো ন্বিন্দ্রং স্তবাম সখায়ঃ স্তোম্যং নরম্ । কৃষ্টীর্যো বিশ্বা অভ্যস্ত্যেক ইৎ ॥১৯॥

24.20

অগোরুধায় গবিষে দ্যুক্ষায় দস্ম্যং বচঃ । ঘৃতাত্স্বাদীয়ো মধুনশ্চ বোচত ॥২০॥

24.21

যস্যামিতানি বীর্যা৩ ন রাধঃ পর্যেতবে । জ্যোতির্ন বিশ্বমভ্যস্তি দক্ষিণা ॥২১॥

24.22

স্তুহীন্দ্রং ব্যশ্ববদনূর্মিং বাজিনং যমম্ । অর্যো গয়ং মংহমানং বি দাশুষে ॥২২॥

24.23

এবা নূনমুপ স্তুহি বৈয়শ্ব দশমং নবম্ । সুবিদ্বাংসং চর্কৃত্যং চরণীনাম্ ॥২৩॥

24.24

বেত্থা হি নিৠতীনাং বজ্রহস্ত পরিবৃজম্ । অহরহঃ শুন্ধ্যুঃ পরিপদামিব ॥২৪॥

24.25

তদিন্দ্রাব আ ভর যেনা দংসিষ্ঠ কৃত্বনে । দ্বিতা কুত্সায় শিশ্নথো নি চোদয় ॥২৫॥

24.26

তমু ত্বা নূনমীমহে নব্যং দংসিষ্ঠ সন্যসে । স ত্বং নো বিশ্বা অভিমাতীঃ সক্ষণিঃ ॥২৬॥

24.27

য ঋক্ষাদংহসো মুচদ্যো বার্যাত্সপ্ত সিন্ধুষু । বধর্দাসস্য তুবিনৃম্ণ নীনমঃ ॥২৭॥

24.28

যথা বরো সুষাম্ণে সনিভ্য আবহো রয়িম্ । ব্যশ্বেভ্যঃ সুভগে বাজিনীবতি ॥২৮॥

24.29

আ নার্যস্য দক্ষিণা ব্যশ্বাঁ এতু সোমিনঃ । স্থূরং চ রাধঃ শতবত্সহস্রবৎ ॥২৯॥

24.30

যত্ত্বা পৃচ্ছাদীজানঃ কুহয়া কুহয়াকৃতে । এষো অপশ্রিতো বলো গোমতীমব তিষ্ঠতি ॥৩০॥