সূক্ত 20

20.1

২৬ সোভরিঃ কাণ্বঃ। মরুতঃ । প্রগাথঃ= ( বিষমা ককুপ্ , সমা সতোবৃহতী ), ১৪ সতো বিরাট্ ।

আ গন্তা মা রিষণ্যত প্রস্থাবানো মাপ স্থাতা সমন্যবঃ । স্থিরা চিন্নময়িষ্ণবঃ ॥১॥

20.2

বীলুপবিভির্মরুত ঋভুক্ষণ আ রুদ্রাসঃ সুদীতিভিঃ । ইষা নো অদ্যা গতা পুরুস্পৃহো যজ্ঞমা সোভরীয়বঃ ॥২॥

20.3

বিদ্মা হি রুদ্রিয়াণাং শুষ্মমুগ্রং মরুতাং শিমীবতাম্ । বিষ্ণোরেষস্য মীল্হুষাম্ ॥৩॥

20.4

বি দ্বীপানি পাপতন্তিষ্ঠদ্দুচ্ছুনোভে যুজন্ত রোদসী । প্র ধন্বান্যৈরত শুভ্রখাদয়ো যদেজথ স্বভানবঃ ॥৪॥

20.5

অচ্যুতা চিদ্বো অজ্মন্না নানদতি পর্বতাসো বনস্পতিঃ । ভূমির্যামেষু রেজতে ॥৫॥

20.6

অমায় বো মরুতো যাতবে দ্যৌর্জিহীত উত্তরা বৃহৎ । যত্রা নরো দেদিশতে তনূষ্বা ত্বক্ষাংসি বাহ্বোজসঃ ॥৬॥

20.7

স্বধামনু শ্রিয়ং নরো মহি ত্বেষা অমবন্তো বৃষপ্সবঃ । বহন্তে অহ্রুতপ্সবঃ ॥৭॥

20.8

গোভির্বাণো অজ্যতে সোভরীণাং রথে কোশে হিরণ্যয়ে । গোবন্ধবঃ সুজাতাস ইষে ভুজে মহান্তো নঃ স্পরসে নু ॥৮॥

20.9

প্রতি বো বৃষদঞ্জয়ো বৃষ্ণে শর্ধায় মারুতায় ভরধ্বম্ । হব্যা বৃষপ্রয়াব্ণে ॥৯॥

20.10

বৃষণশ্বেন মরুতো বৃষপ্সুনা রথেন বৃষনাভিনা । আ শ্যেনাসো ন পক্ষিণো বৃথা নরো হব্যা নো বীতয়ে গত ॥১০॥

20.11

সমানমঞ্জ্যেষাং বি ভ্রাজন্তে রুক্মাসো অধি বাহুষু । দবিদ্যুতত্যৃষ্টয়ঃ ॥১১॥

20.12

ত উগ্রাসো বৃষণ উগ্রবাহবো নকিষ্টনূষু যেতিরে । স্থিরা ধন্বান্যায়ুধা রথেষু বোঽনীকেষ্বধি শ্রিয়ঃ ॥১২॥

20.13

যেষামর্ণো ন সপ্রথো নাম ত্বেষং শশ্বতামেকমিদ্ভুজে । বয়ো ন পিত্র্যং সহঃ ॥১৩॥

20.14

তান্বন্দস্ব মরুতস্তাঁ উপ স্তুহি তেষাং হি ধুনীনাম্ । অরাণাং ন চরমস্তদেষাং দানা মহ্না তদেষাম্ ॥১৪॥

20.15

সুভগঃ স ব ঊতিষ্বাস পূর্বাসু মরুতো ব্যুষ্টিষু । যো বা নূনমুতাসতি ॥১৫॥

20.16

যস্য বা যূয়ং প্রতি বাজিনো নর আ হব্যা বীতয়ে গথ ।
অভি ষ দ্যুম্নৈরুত বাজসাতিভিঃ সুম্না বো ধূতয়ো নশৎ ॥১৬॥

20.17

যথা রুদ্রস্য সূনবো দিবো বশন্ত্যসুরস্য বেধসঃ । যুবানস্তথেদসৎ ॥১৭॥

20.18

যে চার্হন্তি মরুতঃ সুদানবঃ স্মন্মীল্হুষশ্চরন্তি যে । অতশ্চিদা ন উপ বস্যসা হৃদা যুবান আ ববৃধ্বম্ ॥১৮॥

20.19

যূন ঊ ষু নবিষ্ঠয়া বৃষ্ণঃ পাবকাঁ অভি সোভরে গিরা । গায় গা ইব চর্কৃষৎ ॥১৯॥

20.20

সাহা যে সন্তি মুষ্টিহেব হব্যো বিশ্বাসু পৃত্সু হোতৃষু ।
বৃষ্ণশ্চন্দ্রান্ন সুশ্রবস্তমান্গিরা বন্দস্ব মরুতো অহ ॥২০॥

20.21

গাবশ্চিদ্ঘা সমন্যবঃ সজাত্যেন মরুতঃ সবন্ধবঃ । রিহতে ককুভো মিথঃ ॥২১॥

20.22

মর্তশ্চিদ্বো নৃতবো রুক্মবক্ষস উপ ভ্রাতৃত্বমায়তি ।
অধি নো গাত মরুতঃ সদা হি ব আপিত্বমস্তি নিধ্রুবি ॥২২॥

20.23

মরুতো মারুতস্য ন আ ভেষজস্য বহতা সুদানবঃ । যূয়ং সখায়ঃ সপ্তয়ঃ ॥২৩॥

20.24

যাভিঃ সিন্ধুমবথ যাভিস্তূর্বথ যাভির্দশস্যথা ক্রিবিম্ ।
ময়ো নো ভূতোতিভির্ময়োভুবঃ শিবাভিরসচদ্বিষঃ ॥২৪॥

20.25

যত্সিন্ধৌ যদসিক্ন্যাং যত্সমুদ্রেষু মরুতঃ সুবর্হিষঃ । যত্পর্বতেষু ভেষজম্ ॥২৫॥

20.26

বিশ্বং পশ্যন্তো বিভৃথা তনূষ্বা তেনা নো অধি বোচত । ক্ষমা রপো মরুত আতুরস্য ন ইষ্কর্তা বিহ্রুতং পুনঃ ॥২৬॥