সূক্ত 19

19.1

৩৭ সোভরিঃ কাণ্বঃ।অগ্নি :,৩৪-৩৫ আদিত্যাঃ; ৩৬-৩৭ ত্রসদস্যুঃ পৌরুকুত্স্যঃ। ১-২৬ প্রগাথঃ= ( বিষমা ককুপ্ , সমা সতোবৃহতী ) , ২৭ দ্বিপদা বিরাট্ , ২৮-৩৩ প্রগাথঃ = ( সমা ককুপ্ , বিষমা সতোবৃহতী ), ৩৪ উষ্ণিক্,৩৫ সতোবৃহতী , ৩৬ ককুপ্ ; ৩৭ পংক্তি : ।

তং গূর্ধয়া স্বর্ণরং দেবাসো দেবমরতিং দধন্বিরে । দেবত্রা হব্যমোহিরে ॥১॥

19.2

বিভূতরাতিং বিপ্র চিত্রশোচিষমগ্নিমীলিষ্ব যন্তুরম্ । অস্য মেধস্য সোম্যস্য সোভরে প্রেমধ্বরায় পূর্ব্যম্ ॥২॥

19.3

যজিষ্ঠং ত্বা ববৃমহে দেবং দেবত্রা হোতারমমর্ত্যম্ । অস্য যজ্ঞস্য সুক্রতুম্ ॥৩॥

19.4

ঊর্জো নপাতং সুভগং সুদীদিতিমগ্নিং শ্রেষ্ঠশোচিষম্ । স নো মিত্রস্য বরুণস্য সো অপামা সুম্নং যক্ষতে দিবি ॥৪॥

19.5

যঃ সমিধা য আহুতী যো বেদেন দদাশ মর্তো অগ্নয়ে । যো নমসা স্বধ্বরঃ ॥৫॥

19.6

তস্যেদর্বন্তো রংহয়ন্ত আশবস্তস্য দ্যুম্নিতমং যশঃ । ন তমংহো দেবকৃতং কুতশ্চন ন মর্ত্যকৃতং নশৎ ॥৬॥

19.7

স্বগ্নয়ো বো অগ্নিভিঃ স্যাম সূনো সহস ঊর্জাং পতে । সুবীরস্ত্বমস্ময়ুঃ ॥৭॥

19.8

প্রশংসমানো অতিথির্ন মিত্রিয়োঽগ্নী রথো ন বেদ্যঃ । ত্বে ক্ষেমাসো অপি সন্তি সাধবস্ত্বং রাজা রয়ীণাম্ ॥৮॥

19.9

সো অদ্ধা দাশ্বধ্বরোঽগ্নে মর্তঃ সুভগ স প্রশংস্যঃ । স ধীভিরস্তু সনিতা ॥৯॥

19.10

যস্য ত্বমূর্ধ্বো অধ্বরায় তিষ্ঠসি ক্ষয়দ্বীরঃ স সাধতে ।
সো অর্বদ্ভিঃ সনিতা স বিপন্যুভিঃ স শূরৈঃ সনিতা কৃতম্ ॥১০॥

19.11

যস্যাগ্নির্বপুর্গৃহে স্তোমং চনো দধীত বিশ্ববার্যঃ । হব্যা বা বেবিষদ্বিষঃ ॥১১॥

19.12

বিপ্রস্য বা স্তুবতঃ সহসো যহো মক্ষূতমস্য রাতিষু । অবোদেবমুপরিমর্ত্যং কৃধি বসো বিবিদুষো বচঃ ॥১২॥

19.13

যো অগ্নিং হব্যদাতিভির্নমোভির্বা সুদক্ষমাবিবাসতি । গিরা বাজিরশোচিষম্ ॥১৩॥

19.14

সমিধা যো নিশিতী দাশদদিতিং ধামভিরস্য মর্ত্যঃ ।
বিশ্বেত্স ধীভিঃ সুভগো জনাঁ অতি দ্যুম্নৈরুদ্ন ইব তারিষৎ ॥১৪॥

19.15

তদগ্নে দ্যুম্নমা ভর যত্সাসহত্সদনে কং চিদত্রিণম্ । মন্যুং জনস্য দূঢ্যঃ ॥১৫॥

19.16

যেন চষ্টে বরুণো মিত্রো অর্যমা যেন নাসত্যা ভগঃ । বয়ং তত্তে শবসা গাতুবিত্তমা ইন্দ্রত্বোতা বিধেমহি ॥১৬॥

19.17

তে ঘেদগ্নে স্বাধ্যো৩ যে ত্বা বিপ্র নিদধিরে নৃচক্ষসম্ । বিপ্রাসো দেব সুক্রতুম্ ॥১৭॥

19.18

ত ইদ্বেদিং সুভগ ত আহুতিং তে সোতুং চক্রিরে দিবি । ত ইদ্বাজেভির্জিগ্যুর্মহদ্ধনং যে ত্বে কামং ন্যেরিরে ॥১৮॥

19.19

ভদ্রো নো অগ্নিরাহুতো ভদ্রা রাতিঃ সুভগ ভদ্রো অধ্বরঃ । ভদ্রা উত প্রশস্তয়ঃ ॥১৯॥

19.20

ভদ্রং মনঃ কৃণুষ্ব বৃত্রতূর্যে যেনা সমত্সু সাসহঃ । অব স্থিরা তনুহি ভূরি শর্ধতাং বনেমা তে অভিষ্টিভিঃ ॥২০॥

19.21

ঈলে গিরা মনুর্হিতং যং দেবা দূতমরতিং ন্যেরিরে । যজিষ্ঠং হব্যবাহনম্ ॥২১॥

19.22

তিগ্মজম্ভায় তরুণায় রাজতে প্রয়ো গায়স্যগ্নয়ে । যঃ পিংশতে সূনৃতাভিঃ সুবীর্যমগ্নির্ঘৃতেভিরাহুতঃ ॥২২॥

19.23

যদী ঘৃতেভিরাহুতো বাশীমগ্নির্ভরত উচ্চাব চ । অসুর ইব নির্ণিজম্ ॥২৩॥

19.24

যো হব্যান্যৈরয়তা মনুর্হিতো দেব আসা সুগন্ধিনা । বিবাসতে বার্যাণি স্বধ্বরো হোতা দেবো অমর্ত্যঃ ॥২৪॥

19.25

যদগ্নে মর্ত্যস্ত্বং স্যামহং মিত্রমহো অমর্ত্যঃ । সহসঃ সূনবাহুত ॥২৫॥

19.26

ন ত্বা রাসীয়াভিশস্তয়ে বসো ন পাপত্বায় সন্ত্য । ন মে স্তোতামতীবা ন দুর্হিতঃ স্যাদগ্নে ন পাপয়া ॥২৬॥

19.27

পিতুর্ন পুত্রঃ সুভৃতো দুরোণ আ দেবাঁ এতু প্র ণো হবিঃ ॥২৭॥

19.28

তবাহমগ্ন ঊতিভির্নেদিষ্ঠাভিঃ সচেয় জোষমা বসো । সদা দেবস্য মর্ত্যঃ ॥২৮॥

19.29

তব ক্রত্বা সনেয়ং তব রাতিভিরগ্নে তব প্রশস্তিভিঃ । ত্বামিদাহুঃ প্রমতিং বসো মমাঽগ্নে হর্ষস্ব দাতবে ॥২৯॥

19.30

প্র সো অগ্নে তবোতিভিঃ সুবীরাভিস্তিরতে বাজভর্মভিঃ । যস্য ত্বং সখ্যমাবরঃ ॥৩০॥

19.31

তব দ্রপ্সো নীলবান্বাশ ঋত্বিয় ইন্ধানঃ সিষ্ণবা দদে ।
ত্বং মহীনামুষসামসি প্রিয়ঃ ক্ষপো বস্তুষু রাজসি ॥৩১॥

19.32

তমাগন্ম সোভরয়ঃ সহস্রমুষ্কং স্বভিষ্টিমবসে । সম্রাজং ত্রাসদস্যবম্ ॥৩২॥

19.33

যস্য তে অগ্নে অন্যে অগ্নয় উপক্ষিতো বয়া ইব । বিপো ন দ্যুম্না নি যুবে জনানাং তব ক্ষত্রাণি বর্ধয়ন্ ॥৩৩॥

19.34

যমাদিত্যাসো অদ্রুহঃ পারং নয়থ মর্ত্যম্ । মঘোনাং বিশ্বেষাং সুদানবঃ ॥৩৪॥

19.35

যূয়ং রাজানঃ কং চিচ্চর্ষণীসহঃ ক্ষয়ন্তং মানুষাঁ অনু । বয়ং তে বো বরুণ মিত্রার্যমন্ত্স্যামেদৃতস্য রথ্যঃ ॥৩৫॥

19.36

অদান্মে পৌরুকুত্স্যঃ পঞ্চাশতং ত্রসদস্যুর্বধূনাম্ । মংহিষ্ঠো অর্যঃ সত্পতিঃ ॥৩৬॥

19.37

উত মে প্রয়িয়োর্বয়িয়োঃ সুবাস্ত্বা অধি তুগ্বনি । তিসৄণাং সপ্ততীনাং শ্যাবঃ প্রণেতা ভুবদ্বসুর্দিয়ানাং পতিঃ ॥৩৭॥