সূক্ত 18

18.1

২২ ইরিম্বিষ্ঠিঃ কাণ্বঃ ।আদিত্যাঃ ;৪,৬,৭, অদিতিঃ; ৮ অশ্বিনৌ; ৯ অগ্নিসূর্যানিলা : । উষ্ণিক্ ।

ইদং হ নূনমেষাং সুম্নং ভিক্ষেত মর্ত্যঃ । আদিত্যানামপূর্ব্যং সবীমনি ॥১॥

অনর্বাণো হ্যেষাং পন্থা আদিত্যানাম্ । অদব্ধাঃ সন্তি পায়বঃ সুগেবৃধঃ ॥২॥

তত্সু নঃ সবিতা ভগো বরুণো মিত্রো অর্যমা । শর্ম যচ্ছন্তু সপ্রথো যদীমহে ॥৩॥

দেবেভির্দেব্যদিতেঽরিষ্টভর্মন্না গহি । স্মত্সূরিভিঃ পুরুপ্রিয়ে সুশর্মভিঃ ॥৪॥

তে হি পুত্রাসো অদিতের্বিদুর্দ্বেষাংসি যোতবে । অংহোশ্চিদুরুচক্রয়োঽনেহসঃ ॥৫॥

অদিতির্নো দিবা পশুমদিতির্নক্তমদ্বয়াঃ । অদিতিঃ পাত্বংহসঃ সদাবৃধা ॥৬॥

উত স্যা নো দিবা মতিরদিতিরূত্যা গমৎ । সা শংতাতি ময়স্করদপ স্রিধঃ ॥৭॥

উত ত্যা দৈব্যা ভিষজা শং নঃ করতো অশ্বিনা । যুয়ুয়াতামিতো রপো অপ স্রিধঃ ॥৮॥

শমগ্নিরগ্নিভিঃ করচ্ছং নস্তপতু সূর্যঃ । শং বাতো বাত্বরপা অপ স্রিধঃ ॥৯॥

অপামীবামপ স্রিধমপ সেধত দুর্মতিম্ । আদিত্যাসো যুয়োতনা নো অংহসঃ ॥১০॥

যুয়োতা শরুমস্মদাঁ আদিত্যাস উতামতিম্ । ঋধগ্দ্বেষঃ কৃণুত বিশ্ববেদসঃ ॥১১॥

তত্সু নঃ শর্ম যচ্ছতাঽঽদিত্যা যন্মুমোচতি । এনস্বন্তং চিদেনসঃ সুদানবঃ ॥১২॥

যো নঃ কশ্চিদ্রিরিক্ষতি রক্ষস্ত্বেন মর্ত্যঃ । স্বৈঃ ষ এবৈ রিরিষীষ্ট যুর্জনঃ ॥১৩॥

সমিত্তমঘমশ্নবদ্দুঃশংসং মর্ত্যং রিপুম্ । যো অস্মত্রা দুর্হণাবাঁ উপ দ্বয়ুঃ ॥১৪॥

পাকত্রা স্থন দেবা হৃত্সু জানীথ মর্ত্যম্ । উপ দ্বয়ুং চাদ্বয়ুং চ বসবঃ ॥১৫॥

আ শর্ম পর্বতানামোতাপাং বৃণীমহে । দ্যাবাক্ষামারে অস্মদ্রপস্কৃতম্ ॥১৬॥

তে নো ভদ্রেণ শর্মণা যুষ্মাকং নাবা বসবঃ । অতি বিশ্বানি দুরিতা পিপর্তন ॥১৭॥

তুচে তনায় তত্সু নো দ্রাঘীয় আয়ুর্জীবসে । আদিত্যাসঃ সুমহসঃ কৃণোতন ॥১৮॥

যজ্ঞো হীলো বো অন্তর আদিত্যা অস্তি মৃলত । যুষ্মে ইদ্বো অপি ষ্মসি সজাত্যে ॥১৯॥

বৃহদ্বরূথং মরুতাং দেবং ত্রাতারমশ্বিনা । মিত্রমীমহে বরুণং স্বস্তয়ে ॥২০॥

অনেহো মিত্রার্যমন্নৃবদ্বরুণ শংস্যম্ । ত্রিবরূথং মরুতো যন্ত নশ্ছর্দিঃ ॥২১॥

যে চিদ্ধি মৃত্যুবন্ধব আদিত্যা মনবঃ স্মসি । প্র সূ ন আয়ুর্জীবসে তিরেতন ॥২২॥