সূক্ত 17

17.1

১৫ ইরিম্বিষ্ঠিঃ কাণ্বঃ ।ইন্দ্রঃ ; ১৪ বাস্তোষ্পতির্বা । গায়ত্রী , প্রগাথঃ= (১৪ বৃহতী , ১৫ সতোবৃহতী ) ।

আ যাহি সুষুমা হি ত ইন্দ্র সোমং পিবা ইমম্ । এদং বর্হিঃ সদো মম ॥১॥

আ ত্বা ব্রহ্ময়ুজা হরী বহতামিন্দ্র কেশিনা । উপ ব্রহ্মাণি নঃ শৃণু ॥২॥

ব্রহ্মাণস্ত্বা বয়ং যুজা সোমপামিন্দ্র সোমিনঃ । সুতাবন্তো হবামহে ॥৩॥

আ নো যাহি সুতাবতোঽস্মাকং সুষ্টুতীরুপ । পিবা সু শিপ্রিন্নন্ধসঃ ॥৪॥

আ তে সিঞ্চামি কুক্ষ্যোরনু গাত্রা বি ধাবতু । গৃভায় জিহ্বয়া মধু ॥৫॥

স্বাদুষ্টে অস্তু সংসুদে মধুমান্তন্বে৩ তব । সোমঃ শমস্তু তে হৃদে ॥৬॥

অয়মু ত্বা বিচর্ষণে জনীরিবাভি সংবৃতঃ । প্র সোম ইন্দ্র সর্পতু ॥৭॥

তুবিগ্রীবো বপোদরঃ সুবাহুরন্ধসো মদে । ইন্দ্রো বৃত্রাণি জিঘ্নতে ॥৮॥

ইন্দ্র প্রেহি পুরস্ত্বং বিশ্বস্যেশান ওজসা । বৃত্রাণি বৃত্রহঞ্জহি ॥৯॥

দীর্ঘস্তে অস্ত্বঙ্কুশো যেনা বসু প্রয়চ্ছসি । যজমানায় সুন্বতে ॥১০॥

অয়ং ত ইন্দ্র সোমো নিপূতো অধি বর্হিষি । এহীমস্য দ্রবা পিব ॥১১॥

শাচিগো শাচিপূজনাঽয়ং রণায় তে সুতঃ । আখণ্ডল প্র হূয়সে ॥১২॥

যস্তে শৃঙ্গবৃষো নপাত্প্রণপাত্কুণ্ডপায্যঃ । ন্যস্মিন্দধ্র আ মনঃ ॥১৩॥

বাস্তোষ্পতে ধ্রুবা স্থূণাংঽসত্রং সোম্যানাম্ । দ্রপ্সো ভেত্তা পুরাং শশ্বতীনামিন্দ্রো মুনীনাং সখা ॥১৪॥

পৃদাকুসানুর্যজতো গবেষণ একঃ সন্নভি ভূয়সঃ । ভূর্ণিমশ্বং নয়ত্তুজা পুরো গৃভেন্দ্রং সোমস্য পীতয়ে ॥১৫॥